السلام عليكم كيفكم ي سكرات :)

بنات بشروني مين جاتها مثل اعراضي وطلعت حامل
اكثر حاجه مستغربتها مغص الدوره اللي جاني لمدة ثلاث ايام كل شوي اقول خلاص نزلت واروح اشيك ما الاقي الا افرازات بيضاء
طبعاً الالم كان فضيع لدرجة ملازمه السرير لانه انا دورتي بالعاده تتعبني كثيرر المهم بعدها اختفى الالم فجأه والدوره ما جات !!

دورتي انتظمت ثلاث شهور والشهر اللي فات تأخرت 6 ايام وتوقعت الحمل بس ربي ما كتب
ما جاتني اعراض غير تأخر الدوره وهالشهر الاعراض كثيره وجديده علي وشاكه ومتفائله اني حامل ان شاء الله
طبعاً عملت تست حمل منزلي مرتين سلبي اخرها امس بالليل :(

بعدد لكم اعراضي وقولولي اذا تبشر بالحمل :
1- دورتي متأخرة 7 أيام
2- حاسه بانتفاخ بسيط بالرحم بالجهه اليمين
3- افرازات بيضاء ملازمتني
4- مغص الدوره قوي مرره بالايام المتوقع نزولها فيها واختفاءه فجأه
5- نغزات بالمبايض واكثر شي باليمين
6- نزول افرازات شفافه مثل زلال البيض
7- الم الظهر زاد علي <~ متعوده على الم الظهر بس هالمره اشد
8- متحسسه من الروائح
9- غثيان متكرر
10- اضطرابات هضميه مره اسهال مره امساك وغازات (وانتوا بكرامة)

اخر شي بقوله انه فيه طريقه عملتها لإكتشاف الحمل مدري اذا كانت صحيحه !
وهي انك تضعين بول الصباح في علبة التحليل البلاستيكيه
وتتركينه لمدة 12 ساعه تقريباً وبعدها تشوفينه اذا حصلتي قطع قطنيه بيضاء معناته حامل
وفعلاً ي بنات حصلت كتل قطنيه كبيره لونها ابيض وتفائلت
لأني مجربتها الشهر اللي فات والنتيجه فرقت معاي كثير هالشهر :)
تحليل الدم ناويه اسويه بس مأجلته للاسبوع الجاي اذا ماجات <~ خايفه من الصدمه لو مو حامل :(

ادري قرقرت كثير بس والله مالي غيركم ي بنات تحملوني
ردوا لو بدعوه الله يسعدكم ويرزقكم بالحمل السليم المعافى عاجلاً غير آجل

الله يسمع منكم حبيباتي ولكم بالمثل ي رب
مشكورات عالرد ما قصرتوا

ربي لا تذرني فرداً وانت خير الوارثين