|
لكل اللي ولدت او جربت ولادة طبيعيه افيدينا
مساء الخير
بنات عندي استفسار لكل اللي ولدت او جربت الولادة الطبيعيه هل الاحساس بأن الجنين او شيء يضغط على تحت يعني شيء يضغط على عنق الرحم تحسين كأن فيه شيء يدف على تحت وبقوة احساس شوي مؤلم هل يدل على قرب الولادة ؟ أنا حسيت بهالاحساس اليوم كذا مره. ولحد الحين. هل هذا طبيعي او يدل على شيء ؟ |
رد: لكل اللي ولدت او جربت ولادة طبيعيه افيدينا
هلا حبيبتي ..
بالنسبة لسؤالك انا جاني في حملي الاول طلق خفيف وماكنت عارفه شو الطلق .. و مو عارفه اجلس عدل من ضغط الجنين لتحت لان ابتداء خفيف وفتره متباعده بعدين يزيد مع الوقت .. بعد كم ساعه نزل مني دم خفيف .. وهذا يدل علامه الولادة .. رحت المستشفى .. لقيت مفتوح 4 ونص سم .. وضليت امشي اللين مانزل الموويه وزاد الطلق عندي وولدت ببنتي ولله الحمد .. بس انتبهي لنفسك .. راقبي روحك .. والله يسهل علي وعليك بالولادة الميسره يارب العالمين وعلى جميع الحوامل .. لاتخافين هذا شي طبيييييييعي جدا |
رد: لكل اللي ولدت او جربت ولادة طبيعيه افيدينا
تسلمين حبيبتي عالافادة
جزاكي الله خيرا |
رد: لكل اللي ولدت او جربت ولادة طبيعيه افيدينا
يابعد روحي
الله يعينك ويقومك بالسلامه اولا لاتعلمين احد انك تبين تولدين غير امك وزوجك والافضل بس زوجك لانه انا اذا احد درا فيني اني ابي اولد تروح الطلوق تصير بارده ويحطون لي طلوق صناعيه تقريبآ شي يضغطك من تحت ويجيك كل عشر دقايق او خمس دقايق تقريبآ العوار يجي كانك تبي تروحي للحمام وتبين تخرجين شبه بالامساك بس مصيحتي لك روحي شوفي كم فاتح الرحم واشربي حلبه وكثري تمر واشربي مرمريه واطبخيها وتكببي بخار الماي المرمريه يفتح الرحم ويهدي اععصابك بس اذا خلاص قالولك ولاده لاتنسين القران والاستغفار ونصيحتي لك يااختي مني انا جربت الولاده مرتين الصراخ ماينفعك وحاولي انك تتدربين ع طريقه النفس انك تاخذين نفس بس اذا قالولك ادفعي خوذي نفس عميق وادفعي والله يقومك بالسلامه اسفه ع الاطاله |
رد: لكل اللي ولدت او جربت ولادة طبيعيه افيدينا
الله يقووومك بالسلامه
حبيبتي حياتي توأمي وربي يهون عليك الولاده وعقباااالي يارب الحمدلله ربي عوضني بعد اسلابي |
رد: لكل اللي ولدت او جربت ولادة طبيعيه افيدينا
اذا ولدتي بشرينا
يالله هون عليها ياعزيز يارحمن وسهل لها امورها |
رد: لكل اللي ولدت او جربت ولادة طبيعيه افيدينا
الله يهون عليك ياربي طمنينا عنك ...
|
رد: لكل اللي ولدت او جربت ولادة طبيعيه افيدينا
البنات ماقصرو بس حابة اضيف معلومة علمية
انه بعض الحوامل لا تأتيها علامة الولادة يلي هي نزول دم يعني في منهم بنزل عليهم علامة وهي دم خفيف مثل بداية الدورة وفي منهم بنزل عليها افراز مع خيوط دم وفي منهم بينزل عليها افرازات مخاطية سميكة بيضاء فقط بالنسبة لشعورك هذا يدل على نزول رأس الجنين في الحوض وتكون الولادة قريبة باذن الله ولكن اذا حصل الالم كل عشر دقائق عليك الذهاب للمشفى ربي يقومك بالسلامة |
رد: لكل اللي ولدت او جربت ولادة طبيعيه افيدينا
تمنيت من ربي طبيعي الحمد لله ع كل حال
|
رد: لكل اللي ولدت او جربت ولادة طبيعيه افيدينا
اقتباس:
حبيبتي شاكره لك نصيحتك الثمينه يالغلا والله معاج حق ماراح أقول لأي حد لأنه ماله داعي وأمي بخبرها وانا خلاص إذا تأكدت من الدكتورة انها ولادة ساعتها بتصل فيها واخبرها تجيني اساساً افضل من روحتها وجيتها عالفاضي ويطلع مو طلق فعلي صح كلامك. وباخذ بنصيحتك حتى زوجي مابخبره فيني وجع إلا إذا فعلا حسيت بوجع مستمر معناه ولادة عشان بس يوصلني للمستشفى جزاكي الله خير عالنصيحه. وفي ميزان حسناتك حبيبتي |
| الساعة الآن 10:04 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .