مشكلتي مع أمي
 

السلام عليكم
خواتي كالعادة الي يبخليني ادخل لقسم الحياة اجتماعية وألاسرية شيئين يا على شان أشارك بحل المشاكل المطروحة يا على شان عندي مشكلة مع أمي
hwaml15hwaml15hwaml15 أنا قريب انجن من عدم المبالاة الي بتقابلها أمي لردات فعلي ونصائحي الغير مباشرة
من قبل حكيت لكم عن إحدى أسباب مشاكلي معاها الي بتدوير بخصوص تعاملها مع بيت حماي يعني مع خوات زوجي وافتكينا من هال موضوع وطلعت لي بموضوع ثاني يدور كذلك حول بيت حماي
من فترة بيت حماي على قولة أمي hwaml5أنهم حكوا قدامها أنهم يبوا يخطبوا لسلفي الي عايش بي ألمانيا وأنا بعرف ان بيت حماي كتوم ين لدرجة ان ما بيحكوا أحيانا أمورهم حتى لبعض ولو حبوا يخطبوا لي أخوهم عندهم معارف مشاء الله رح يجيبو لهم بدل البنت ألف وب المواصفات الي يطلبها
يعني ما رح يجوا يطلبوا من أمي أنها تدور لهم وحتى لو عرضوا عليها هذا لفكرة ماله داعي أنها تتورط في هالمواظيع أنا جربت مرة وبتشجيع من أمي أني أدل عمتي على أخت زميلتي على شان تخبطها لولدها فلما صار النصيب اصبح كل ما تصير مشاكل بينهم يقولوا كله مني أنا ويدعون علي hwaml9
فمن هذاك القصة وأنا مبعدة عن هالمواظيع وحلفت انه ما عاد ادخل فيها
وحكيت لي أمي أننا ما عاد لنا دخل في حد الي بيتزوج قدامه البلد متروسة بنات ونحنا ما بنشتغل خطابات
hwaml4hwaml4hwaml4
وأمي ردت علي أننا آخر مرة نتدخل في أمور ما تخصنا ومن هالحكي
واليوم اتصلت بي وقالت لي ما حكوا لك حوش حماك أني جبت لهم عروس لي أخوهم قلت لها من فيهم قالت لي فلان قلت لها بس فلان اعرف انه حابب يأخذ وحدة ألمانيا بحكم انه عايش في ألمانيا من حوالي 17سنة قالت لي كيف ها لكلام أنا عرضت عليهم بنتين وحدة ما عجبتهم والثانية طلعوا بي عرفوها من زمان لان أمها كانت بتدرس مع حماتي في نفس المدرسة وانقطعت علاقتهم من زمان
وفي نفس الوقت هذه البنت الي أمها كانت بتدرس مع حماتي زمان أمي شافتها صدفة عند احد المعارف يعني ما بتعرفها ولا تعرف شيء عن أخلاقها ولا عن عائلتها بس بعد ما حكت معاها شوي وسالتها بنت من بتكون عرفت أنها بتكون قريبة احد صديقاتي
يعني حايقولوا أخوات زوجي ان أنا الي دليت أمي عليها على شان تخبطها لولدهم وأنا مالي دخل أصلا بالموضوع وماني راضيا عليه من الأساس
فا بصراحة قلت لي أمي أمي ما عد تدخلي بمواضيع مثل هذه هما حرين يزوجوا ابنهم الي يبوا يزوجوه بس بعيد عنه فقالت لي لا خلاص أنا مالي دخل أنا وصلتهم لي بعض وطلعت من الموضوع بس يا خواتي أولا أمي دائماً بتعلم أمور من رأسها ومن دون مشاورة احد وبتجي في الأخير على رأسنا ورأسها وكمان خائفة لو تم هذا لموضوع وطلعت البنت أو عائلتها مؤ تمام رح يحملوني نتيجة تدخل أمي في مالا يعنيها وأنا ما دخلني
وكمان حابة تشاوروا علي كيف أخلي أمي تخلي علاقتها بي أهل زوجي سطحية وتتعامل معاهم بس كا نسايب حتى ما أطيح أنا في أي مشكلة تصير لها معاهم
وخاصة ان من قبل قلت لي أمي خلي علاقتك مع ام سلفتي سطحية وما تتعمقي معاهم حتى ولو أبدوا لنا أنهم طيبين بس نحنا ما بنعلم خفاياهم وخاصة ان سلفتي عاملة مشاكل مع كتير من معارف العيلة وعائلة زوجي نفسهم ما سلموا من مشاكلها ضلت أمي تقولي حرام عليك والله سلفتك بتحبيك الين جاء اليوم الي كشرت فيه سلفتي عن أنيابها وصارت على حقيقتها مع أمي وزعلت أمي واضطريت أني أقاطع سلفتي على شان أمي مع أني تمنيت ان علاقتي معاها تستمر سطحية وحذرة لأني عارفة أنها شريرة فقلت ماله داعي أقاطعها لأني ما احب القطيعة بس أكون حذرة ...بس بسبب تعامل امي معاهم بزيادة اضطريت أني أقاطعها hwaml17
فا قولوا لي كيف اقنع أمي بان تكون سطحية في تعاملها مع أهل زوجي الي أنا كنتهم بتعامل معاهم بنوع من الحدود على شان ما يشوب علاقتنا مشاكل

رد: مشكلتي مع أمي
 

والله مشكلة فعلا خصوصا اذا تعلق الامر بالام حاولي تقنعيها وتفهميها انه بتصروفات ممكن تعملك مشكلة مع اهل زوج او خلي حدا من اهلك اختك ا بيك يحكي معها تلميح بدون تجربح
حاولي قد ما فيك يما تبعدبها عن اهل زوجك تخليها تقلل زيارتهن الا في المناسبات

الله يهديها حاولي تفهميها بهدوء بدون ما تجرحيها

رد: مشكلتي مع أمي
 

والله يا اختي جوجو. انا من لما بعدت عن بلدي وتغربت. حاولت بقدر اﻹمكان اني حتى لو زعلت من احد من اهلي وخصوصآ امي اني اكمت الزعلة في قلبي لحد ما بيبان الزعل على وجهي وحتى ريقي يضير مرار ﻹني بقول في نفسي انا لو حكيت مع حد فيهم عن غلطه رح يزعل مني وكون اني بعيدة عنهم وكلامنا كله باﻷتصالات الهاتفية او عن طريق النت فما اقدر اتفاهم مع احد ورح ينفهم اعتراضي على اي موقف بالغلط او رح يؤدي لزعل انتي تعرفي الحكي بالموبايل مو مثل الحكي المباشر.
وزيادة امي من النوع الي بيزعل بسرعة. فلو حكيت معاها ما رح تخليني افهمها رح تنط بوجهي طوالي. وتنهي اﻷتصال بزعل
بس كلامك حول اني أحكي مع حدا بالبيت يحكي معاها مزبوط

مشكورة عالرد بارك الله فيك ما قصرتي ربي يحفظك اختي .

رد: مشكلتي مع أمي
 

صراحة يااختي انا مستغربة علاقة والدتك ببيت حماك العميقة

يعني الطبيعي انها تكون رسمية


بس انت اذا ماقادرة على والدتك انك تقنعيها عليك اخبار زوجك يحكي مع بيت حماك وينبه عليهم ويوصيهم انه يجعلو العلاقة رسمية يعني من زوجك لاهله بكون الموضوع افضل وخاصة اذا والدتك دريت هيك مابتزعل منك وبنفس الوقت انت بتطلعي منها وبتحطيها بزوجك ومااظن انه والدتك واهل زوجك مايحترمو رأي زوجك


وربي يقدم يلي فيه الخير

رد: مشكلتي مع أمي
 

والله يا أختي مو مسألة عميقة بس والدتي من طباعها انها تحب تساعد وتعطي وما بتبخل. والي فيدها لي غيرها وهذه من مزاياها بس كمان من عيوبها انها بتزعل من ابسط موقف بيصير وكمان مزاجية يعني اغلب علاقاتها مع الناس الي بتتعرف عليهم وبتتعمق في علاقتها بيهم بتقلب. علاقتها بيهم بعد محبى وود إلى نار جهنم والدتي ما بتعرف تحط حدود لعلاقتها مع الناس فا بتلقيها بتحكي. مع الناس بعفوية وبتلقي معاهم نكت وبتتواظع بشكل كبير. والناس مو كلها نيتها مليحة وكمان بتحب انها تتدخل في امور الناس مثل في هالموقف الي حكيته لكم. وتدخلها على سبيل المساعدة. بس مو كل الناس بتحب من يتدخل بشؤونها
ولما بتلاقي رد فعل ما بتعجبها. بسبب تدخلاتها بتزعل كتير وبتقاطع. وبتجبرنا احيانآ اننا نقاطع الناس معاها وهذه الطريقة في التعامل مع الناس بتخلينا ننحط تحت قائمة العوائل المشكلجية وانا تعبت من مسايرة امي في تصرفاتها هذه وبعد ما تزوجت قلت لنفسي إن امي حرة في تعاملاتها وانا من حقي ان يكون لي تعاملاتي مع الناس الي تعبر عن شخصيتي
وعلاقتي مع اهل زوجي خصوصآ والناس بعد ما اتزوجت وبدء لي كياني الخاص تحسنت كتير وانا مرتاحة عليها بس علاقة امي ببيت حماي. رح تخربط لي حياتي ﻹني عارفة زي ما قلت لك انها رح تنقلب بي مأساة لو أستمر الوضع على هالحال وانا بصراحة مليت والله إني مليت.
احس إن أمي بها الطريقة عم تتجاهل إني حابة ان يكون لي شخصيتي وأستقلاليتي وحابة تدخلني معاها في دوامة المشاكل مع الناس من اول وجديد. وذلك بتصرفاتها الغير مسؤولة
ما اقول إلا ان ربي يهديها

رد: مشكلتي مع أمي
 

والله يا أختي مو مسألة عميقة بس والدتي ما بتعرف تحط حدود لعلاقتها مع الناس فا بتلقيها بتحكي. مع الناس بعفوية وبتلقي معاهم نكت وبتتواظع بشكل كبير. والناس مو كلها نيتها مليحة وكمان بتحب انها تتدخل في امور الناس مثل في هالموقف الي حكيته لكم. وتدخلها على سبيل المساعدة. بس مو كل الناس بتحب من يتدخل بشؤونها
ولما بتلاقي رد فعل ما بتعجبها. بسبب تدخلاتها بتزعل كتير وبتقاطع. وبتجبرنا احيانآ اننا نقاطع الناس معاها وهذه الطريقة في التعامل مع الناس بتخلينا ننحط تحت قائمة العوائل المشكلجية وانا تعبت من مسايرة امي في تصرفاتها هذه وبعد ما تزوجت قلت لنفسي إن امي حرة في تعاملاتها وانا من حقي ان يكون لي تعاملاتي مع الناس الي تعبر عن شخصيتي
وعلاقتي مع اهل زوجي خصوصآ والناس بعد ما اتزوجت وبدء لي كياني الخاص تحسنت كتير وانا مرتاحة عليها بس علاقة امي ببيت حماي. رح تخربط لي حياتي ﻹني عارفة زي ما قلت لك انها رح تنقلب بي مأساة لو أستمر الوضع على هالحال وانا بصراحة مليت والله إني مليت.
احس إن أمي بها الطريقة عم تتجاهل إني حابة ان يكون لي شخصيتي وأستقلاليتي وحابة تدخلني معاها في دوامة المشاكل مع الناس من اول وجديد. وذلك بتصرفاتها الغير مسؤولة
ما اقول إلا ان ربي يهديها

رد: مشكلتي مع أمي
 

هون المشكلة انه الناس بتفهم حسن النية غلط

ووالدتك مزاجية الله يهديها

بس لازم تحطي حد للموضوع لانه على مايبدو مأثر على نفسيتك

رد: مشكلتي مع أمي
 

والله يا اختي مو بس مأثر على نفسيتي انا حاولت امس إني أحكي مع امي بالموضوع اكثر واقول لها إبعدي عنه للمرة الثانية وان شاء الله تكون فهمت علي وان شاء الله ربي يهديها وتسمع الكلمة وتفهم إننا ما عدنا صغار وما عدنا تابعين لها وإن لينا شخصياتنا وحياتنا المستقلة بعيد عن مزاجيتها في التعامل مع اﻵخر
والله إن نفسيتي تعبت وانتي شفتي ايش حكيت لكم تمشكلت انا وزوجي مع بعض وشتمني مع ان هذه اول مرة بيعملها والله. وحسيت انه بعد ما شتمني أستحى من حاله وندم ﻹنه صار يحاول انه يهدي الوضع ويتكلم معي عادي بس انا من كثر ما انا مضايقة. ما عاد قدرت أشوف لوجهه ولا اسامحه ولا حتى كلمة صباح الخير وتصبح على خير سمعها مني حسيت بي إهانة فضيعة بسبب شتمه لي وزاد هالموضوع ضايقني وانا مو ناقصة

رد: مشكلتي مع أمي
 

حاولي تفهمي امك انه ممكن بتصرفاتها تخرب بيتك
و تدخلين بمشاكل مع أهل زوجك
الله يعينك

رد: مشكلتي مع أمي
 

حبيبتي مشكلتك كبيرة و لازم يتدخل فيها رجال

لأنه النساء ما بيفهموا غير بتدخل رجال

حاولي تحكي مع أبوك أو أخوك الكبير و فهميه عن المشاكل إلي ممكن تحصلك من تصرفات أمك مع بيت حماتك
و أكيد راح يتكلموا معها و هي تقتنع