|
دم حول كيس الجنين
السلام عليكم بنات
محتاجه دعواتكم قبل خبرتكم انا لي شهرين ونص حامل وقبل اسبوعين بالضبط نزل عندي دم بسيط رحت الولاده اللعين ولا اهتمو كثبر قالو لو نزل اكثر تعالي ثانيه وطبعا استخدم حبوب مثبته وصار بعد يومين موعدي والدم خفبف لكن يروح ويجي وموعدي في خاص وعملت سونار وقلت لها ع الدم وقالت كل شي كويس والجنين وكل شي سليم والرحم مو مفتوح ورجعت البيت وزاد الدم ومن حظي الجميل جدا جدا قلت انتظر لليل ان ماخف رحت لمستشفى الولاده وفعلا ماخف وكنت متخوفه اروح لهم احس مافيه عنايه >< رحت وطلبو تنويم نمت وعطوني حبووب وابرا مثبت وخلوني عندهم اسبوع وثاني يوم من دخلت عندهم نزل علي قطع دم خفت خلاص نشفت >< وهم بس فالحين يعملو سونار واخر شي بعد قالتلي الرحم مفتوح والعنق قصير جدا والجنين نازل تخيلو وش حالي انا بعدها وخف الدم وسجلولي خروج و وخلوني اوقع على ورقه انو بعد اسبوعين بيعملو ربط واحتمال اجهض بعد >< طلعت ووالفجر نزل دم كثير والصبح رحت لدكتورتي الخاص واول ماسوت سونار انصدمت ونادت الاستشاري وسوالف اثنينهم وانا خايفه واخر شي قالي الاستشاري ان فيه دم كثير حول الجنين والمشيمه وكثييييير ولو نزفتي وزاد مرره بنستغني عن الجنين ودخلت على حسابي تحت الملاحظه والحين لي ثلاث ايام نايمه عندهم على العلاجات ومايخلوني اتحرك والدم ماخف ولا شوي مدري شسوي فيه ناس يصير معهم كذا وينزفون لما الولاده يقولو عادي عطوني رايكم اللي مر عليها هالشي ترفع من معنوياتي بليز واسفه ع الاطاله |
رد: دم حول كيس الجنين
شدعوا ولا رد
بنات محتاجة ردودكم ولا ماكان كتبت انتو دايم كذا اذا كتبت لكم موضوع او مساعده ماتجبرو بخاطري |
رد: دم حول كيس الجنين
ماعندي فكره حبيبتي بس حبيت ادعيلك
ربي يطمن قلبك و يكمل حملك بخير و سلامه |
رد: دم حول كيس الجنين
الله بطمتك يارب واسمعي رقية التثبيت الله يتمم لك ع هير يارب
|
رد: دم حول كيس الجنين
حبيبتي الله يطمنك والله ماعندي علم بس ان شاء الله يكون شي بسيط
استودعي جنينك حبيبتي وان شاء الله ما ياثر لا عليك ولا على طفلك الله لا يحرمك منه امين |
رد: دم حول كيس الجنين
الله يطمنك ويقومك بالسلامه يارب
|
رد: دم حول كيس الجنين
افا ياجنون كان قلتي لنا نفزع لك افا عليك
ماتشوفين شر ياعمريه الله يسهل عليك وان شاء الله يسوون لك ربط ولا تتعبين انا افضل تروحين الولاده هم اخبر بكثيرررمن المستشفي له الخاص طمنينا عليك الله يتمم لك علي خير |
رد: دم حول كيس الجنين
الله يحفظلك جنينك يارب...والله ماعندي خبره في الموضوع..بس استغفري كثير وادعي وربنا ماراح يجيبك أبدا..وبشرينا حبيبتي بالخير يارب.
|
رد: دم حول كيس الجنين
مشكورين ع الرد حبيباتي
تكفيني منكم دعوه صادقه الله كريم وكلت له امري وهو ادرى في مصلحتي وان شاء لله ماراح يكسر فرحتي |
رد: دم حول كيس الجنين
جنون
حبيبتي والله.. ان شاء الله ماعليج شر حطي ايدج على رحمج واقري المعوذات دوم وقولي 7 مرات اللهم يا من امسكت السماوات بلا اعمدة من ان تقع امسك مافي رحمي واتم علي حمله وولادته وقر عيني وابوه به يا ارحم الراحمين واكرم الاكرمين يا الله وطمنينا عنج |
| الساعة الآن 02:35 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .