مشكلة في خياط بعد الولاده الله يرزق الجنه لكل من ترد عل
 

السلام عليكم
انا في غربة وما عندي غير رب العالمين ثم انتوا اتمنى تساعدوني او تدعولي

ولدت ابني الله يحفظه ولادة طبيعيه يوم 24/1/2014 يعني تقريبا صار عشرين يوم ومن بعد الولاده بأسبوع صار عندي نزيف ورحت للطوارئ واكتشفت ان المشيمه اكثرها في داخل بطني يعني بعد الولادة ما نظفوني حسبي الله عليهم وانا بكريه وماعندي خبرة وما عرفت شي الى يوم النزيف. بعدها طلعوا المشيمه مني وفحصوني فحص داخلي اكثر من مرة حتى يتأكدوا اني تنظفت. المشكله اني تخيطت بعد الولاده لان صار عندي شق في منطقه العجان واحس من كثر الادوات اللي استخدموها وبقوه عند اخراج المشيمه ومن كثر الالم اللي شفته حسيت ان الخياط تأثر او انفتح ولما سألتهم ما علقوا ولا اهتموا وانا نسيت الموضوع لان بعدها بكم يوم صارت مشكله لابني في التنفس واكتشفوا عنده خثرة في الشريان اللي يوصل الدم للرئه وعملوله عملية جراحيه لاخراج الخثرة وصار بين الحياة والموت ف انا كنت مصدومه وكنت احس اني في غيبوبه وما فكرت بنفسي نهائيا. ابني تحسن بنسبه قليله ولله الحمد والمنة ومن بعدها انتبهت انه في خيط نازل من المنطقه الحساسه ولونه اسود .. الخيط يشبه الخيوط اللي نستخدمها في خياطة الملابس بس ما طايح وانما معلق.. يعني نازل وممكن اشوفه وامسكه ولكنه معلق بالمنطقه الحساسه وما اقدر اسحبه لانه ثابت في داخل المنطقه الحساسه .. ممكن تفيدوني لو عندكم خبرة الله يجزاكم الف خير وادعوا لابني يقوم بالسلامه الله يحفظكم ويحقق كل امانيكم ياااا رب

رد: مشكلة في خياط بعد الولاده الله يرزق الجنه لكل من ترد عل
 

ماعندي فكره
لاكن انصحكي تروحي لاقرب دكتوره وتشرحي لها وضعك
الله يسهل امرك

رد: مشكلة في خياط بعد الولاده الله يرزق الجنه لكل من ترد عل
 

لاحول ولاقوة الا بالله
تعذبتي كثير. انتي وابنك ياحبيبت قلبي
الله يعينك وحسبيالله عليهم كيف مانظفوكي وشالوا المشيمة بالكامل. استغفر الله منهم

حبيبتي لازم تراجعي طبيبهه شاطره في مستشفى آخر الله يعينك ويقويكي يارب. ويشفي ابنك ان شاء الله

رد: مشكلة في خياط بعد الولاده الله يرزق الجنه لكل من ترد عل
 

الله يكتب لك الاجر
ويعطيك العافيه انتي وولدك حبيبتي

يااااحراااام ليش كل هذااا الله لايسامحهم
امممممم انتي وين والده اختي!؟

رد: مشكلة في خياط بعد الولاده الله يرزق الجنه لكل من ترد عل
 

حبيبتي
ربي يشفي ابنك وسلامته ان شاء الله من كل مرض

وانتي اعتقد انه هذه الخيط امر طبيعي ، استمري بالجلوس في ماء وملح صخري والدهن بالكريم المطلوب الى ان يقع

ولازم بعدها تراعي طبيبتك حتى تطمن قلبك

رد: مشكلة في خياط بعد الولاده الله يرزق الجنه لكل من ترد عل
 

الحمد الله على سﻻمتج حبيبتيوماتجوفين شر انتي والنونو وامر الخيوط عادي ﻻتخافين صار لي مثلج هاي الجرح يلتئم و يطيح الخيط انتي جرحج اللتئم بس ﻻن الخياطة كلها مشبوكة ف بعض من جذي اتركية بروحة بذوب وبطيح