|
بنتي دات السنتين راح تعمل عملية
1 مرفق
http://forum.hwaml.com/imgcache2/hwa...082448_199.gif
عندي بنت عمرها سنتين ولدت في الاسبوع الثلاثون اي قبل وقتها بشهرين و نص و ضلت هاي المدة كلها في الحاضنة شو تعذبت المسكينة كل يوم ابر و تحاليل و غيرو و الحمد لله هلا عمرها سنتين بس المشكل لما زادت كانت في بطنها زي الوحمة لونها وردي مع الوقت ابتدت تزيد اخذتها لطبيب الجلد بروفيسور كبير و معروف في فرنسا قالي عادي راح تكبر و بعدين راح تروح لحالها صارلو سنة و نصف متابع حالتها و امبارح كان عندي موعد عند الطبيب بس ما لقيت البروفيسور لقيت مكانو طبيبة بس صغيرة شوي قالتلي ملف بنتك عندي و راح تعمل عملية هون كانها ضربتني بسكين قالت لازم تعمل العملية هلا ما في اي حل مع العلم انو اليروفيسور في الاول قالي انو هادو عبارة عن عروق لما ماكملتش تكوينها في البطن طلعو برا و العملية تعتبر خطيرة و الله بنات ما اقتنعت بكلامها و من البارح نفسيتي تعبانة من كثر التفكير و البكاء راسي راح ينفجر راح احط صورة بنتي و ارجوكم اللي عندها فكرة عن هاد اللحمة اللي بتجي للاطفال او تعرف اي شخص مثل حالتي او تعرف طبيب تسالو ارجوكم ارجوكم ساعدوني و اعطوني رايكم في العملية عندي بس هاد البنت هي خديجة و وزنها كثير ناقص و الله خايفة عليها و شكرا مسبقا لكل اللي راح تساعدني http://forum.hwaml.com/attachment.ph...1&d=1391082342 |
رد: بنتي دات السنتين راح تعمل عملية
و الله ما عندي فكرة بس حبيت ادعيلها حتى انا ما دخلتش كلام الطبيبة لراسي اظن هي وحمة و اذا مادرتش العملية ما عندو ما يصرالها ما فهمتش اذا راكي حابة ديريلها العملية من الناحية الجمالية يعني ستيتيك و لا لالا.شوفي طبيب تخر راني حاسة بيك يا بسومة و الله لراني ندعيلها و صلي صلاة الاستخارة استشارة الخالق احسن شيء
|
رد: بنتي دات السنتين راح تعمل عملية
بسومة ربي اجيب الشفاء ان شاء الله
و الله ما عندي فكرة على الموضوع و هي و الله تبان غير وحمة كيما نقولو حنايا علاش ما تعاوديش تبدلي الطبيب و الا تستناي حتى اجي طبيبها و ازيد افهمك بصح انضن انو هوما الي يعرفو واش المليح و الي ماشي مليح لبنتك فوضي امرك الى الله و ان شاء الله خير ربي اكون الخير حبيبتي و الله لو جات عندي ادنى فكرة عاونتك بيها الله غالب اسمحيلي حنونة و ربي اشافيها و ما تقلقيش روحك الي فيه الخير اجيبو ربي |
رد: بنتي دات السنتين راح تعمل عملية
بسومة متزعفيش روحك ديري ربي في خاطرك ربي يشافيهآ و يعافيها و تريح و تولي إمرأة و تشوفيها عروسة
حبيت نسقسيك هي تنتفخلها و لا لا و تسيل بلماء و لا لا على خطرش وحدة من أقارب جابت ولد و هذيك الكرة جاته في وجهه كانت جابدتله عينه و نيفه كانت أكبر من لي راهي في بنتك و درك ما شاء الله و لات صغيرة كما وحمة |
رد: بنتي دات السنتين راح تعمل عملية
شكرا لاميا و ريحانة على كلامكم الطيب
لاميا نبهتيني لصلاة الاستخارة و الله كل ما نحب ندير حاجة نصليها و دوك راحت من بالي لانو راني مخلبطة ما عرفت واش ندير |
رد: بنتي دات السنتين راح تعمل عملية
اقتباس:
بسومة اختي و النعم بالله الحمد لله قوليلي هدا قريبك كيفاش صغارت انا بنتي ما تسيل ما والو كيلي راكي تمسي في كيس مملوء بالدم و دائما تحسيها ساخنة |
رد: بنتي دات السنتين راح تعمل عملية
شوفي هو من كان بيبي متنجميش تشوفي فيه قالت تقعد دير كيما الرية تاع العيد شفتي كي ننسفوها
و كل طبيب واش قالها بصح يماها قلتنا داته عند وحد طبيب قالها قاع متخربيش فيه قد يمدلها دواء قلها كي تطرطق و تقعد تسيل متخافيش و تبعتله عنده و يبست أنا شفته لعام لفات سبحان الله كي ولا عينه و نيفه تسقمو ولاو في بلاصتهم و هي صغارت يلحبيتي كي نروه نهار الجمعة لبلعباس نروحلك عند يماها نسقسيلك كيفاش دارو بظبط باش ريح ولدهم |
رد: بنتي دات السنتين راح تعمل عملية
بسومة نونتي هذه وحمة و الوحمة ما تتقاسش نورمالمو كيما قلاك البروفيسور
استناي حتى يجي هو علاه تحسابي ثم الاطباء كامل يعرفو في كل بلاصة كاين الي يعرف و ما يعرفش ما تتسرعيش استناي و ربي يشفيها يارب انا بنتي كلها بالوحمات هههههههههههه واش ندير ربي يفرحك بيها يارب |
رد: بنتي دات السنتين راح تعمل عملية
و عليكم السلام و رحمة الله و بركاته
بسومة اختي ما تتقلقيش و ماتخلعكش الطبيبة .انا عندي اختي و خويا في فرنسا يقولولي حتى في فرنسا يغلطوا في تشخيص الحالات.من الاحسن لما دخلتي عندها قلتيلها انا حابة نقابل البروفيسور..و ساليها على النهار اللي يكون خدام فيه باش تروحيلوا..لازم البروفيسور يدرس حالتها....ما تتقلقيش ادعي ربي يلاقيك بالبروفيسور اعملي المستحيل باش تتلاقاي معاه..الله يطمن بالك.. |
رد: بنتي دات السنتين راح تعمل عملية
وعليكم السلام
اختي بسومة ربي يشفي بسمة وعليك بصلاة الاستخارة و خير فيما ختاره الله ياربي اشفيها وعافيها امين |
| الساعة الآن 09:47 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .