|
ساعدوني احساسي شي والاشعه شي ثاني
hwaml7
السلام عليكم اخباركم بناااااااات ابي كل وحده بالمنتدى تعطيني رايها انا من حملت وكل من شافني قال حامل في بنت واللي حلمو فيني حلومهم تقول بنت وبداية حملي من طلعت النتيجه غثيان واستفراغ طول الصبح لين الشهر تقريبا الرابع واخذت من الخامس شوي اول حركته كانت بنهاية الرابعه بدايه الخامس اول حملي احب الليمون والحوامض والفواكه والشكولاته بس مو مره الشكولاته كنت مااحب ريحه الدجاج ولا البصل والثوم واتغصب اكله كنت اكل كل شي يتحرك من جهة اليمين نزل من خشمي دم مره وحده بس وكانت مع فتحة اليسار احس بثقل باليمين وانام على اليمين واحيانن يسار شكلي متغير بس احس احلويت وزان شعري وبشرتي شعري بطيئ نموه دايم ظهري يعورني ورجولي واحيانن تتورم الاحظ على زوجي انه ناحف وهو يقول لا هذا شكلي وهذا وزني جتني فتره حبيت عصير البرتقال خاصه مع الجزر ولحد الان خشمي ماتغير حجمه رقبتي اسودت شوي حلمة صدري صارت سوده والعاده ورديه سويت الجدول الصيني طلع ولد وسويت تجربه البول وانتوا بكرامه والسلسله وحليب الصدر طلعت كلها بنت احساسي يقول بنت بطني احس انه نازل بس الانتفاخ اكثر شي من فوق شكل بطني عريض واحيانن احسه كوره بس مو كوره مدوره شكله بطيخه بس شكلها مو بالعرض يعني مع الجوانب لا بالطول والاشعه سويت عند ثلاث دكاتره كلهم قالوا ولد وامي تقول يمكن الحبل السري ويظنونه عضو الجنين والا شكلك حامل في بنت وانا والله ودي في بنتhwaml84 وودي ابدى اجهز اللبس والتوزيعات والهدايا واخاف انصدم انها بنت وانا اجهز لولد لانه اول مولود وبصراحه اقتنعت بولد لاني زوجي يبي ولد مع اني حسبت حساب التبويض وقريت من ناحيه ماء الرجل طلعت كلها بنت والاشعه ولد شورو علي وش اسوي عشان اتاكد ماعاد عرفت انام من التفكير |
رد: ساعدوني احساسي شي والاشعه شي ثاني
والله ياقلبي حيرتك مثل حيرتي
انا احساسي يقول ولد وانا ابي بنت والسونار يقول بنت بس مو متأكدين بالنسبه لك المفروض ماتشكين 3 اطباء شافوه واتفقوا ولد يعني لو اخطأ واحد ماأظن يخطئ الثاني ولا الثالث مايحتاج تحتارين من كلامك 90% ولد الله يجعله من الصالحين ويتربى بعزكم يارب الله يسهل عليك |
رد: ساعدوني احساسي شي والاشعه شي ثاني
سوي سوناررباعي يبين
انا مره قالولي ولد وملره بنت ولما سويت سونار بالشهر الثمن قالولي بنت والحمدالله |
رد: ساعدوني احساسي شي والاشعه شي ثاني
انا اعراضي مثلك بلضبط قالولي بنت بالشهر الخامس
واحساسي ساعات يقول ولد وكله خير ان شاء الله... |
رد: ساعدوني احساسي شي والاشعه شي ثاني
الله أعلم إنه ولد/ولماتجهزي خذي ألوان متعددة تمشي مع الأولاد والبنات الله يقومك بالسلامة
|
رد: ساعدوني احساسي شي والاشعه شي ثاني
انا جاتني نفس اعراضك ببنتي الاولى وسبحان الله بنتي الثانيه وحامي فيها غير 180درجه واللي الله كاتبه يامحلاه بنت اولد المهم انه بصحه جيده وكامل الخلقه
|
رد: ساعدوني احساسي شي والاشعه شي ثاني
انا سمعت اذا رقبتج صارت سوده
انتي حامل بولد واذا يتحرك من جهة اليمين انتي حامل بولد بس الله اعلم كل شي من عند الله حياه الله ولد او بنت حلوين انتي جهزي الوان محايده ولمن تولدين وتقومين بالسلامة راح تتشرين على راحتج |
رد: ساعدوني احساسي شي والاشعه شي ثاني
مشكووووورين خواتي الغاليات الله يسعدكم ويهون عليكم ويسخر ازواجكم لكم مشكوورين الله يطمن قلوبكم مثل ماطمنتوني واثلجتو صدري
طيب وش اسوي بخصوص التوزيعات متى اسويها واسوي لولد او لبنت لاني ان ولدت بروح للخرج عند هلي وانا ساكنه بالرياض وابي اسويها بالرياض التوزيعات |
رد: ساعدوني احساسي شي والاشعه شي ثاني
انا زيك طول حملي حاستو ولد ومن يومين شفت قالولي بنوته وانا صراحه ابغي ولد رغم ان عندي ولدين وبنت بس سبحان الله احيانا ماتزبط خصوصا فالبنت اما الولد تكون 90%صحيح لان اعضاءه التناسليه اوضح بالنسبه لهم
وربي يقومك بالسلامه اهم شي الخلقه السليمه |
رد: ساعدوني احساسي شي والاشعه شي ثاني
تسلمين حبيبتي مروى الله يسهل علينا يارب
|
| الساعة الآن 08:03 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .