هذه مشكلتي مع امي وانتم احكموا1
 

السلام عليكم اخواتي
انا اليوم حابة احكي معكم على موضوع صار معي ومؤرقني كتير والسبب هي. امي
أبدء لكم القصة
اختي. جاها نصيبها ورح تتزوج و من عوائد اهل بلدي أن العرس يدوم لي أسبوع بس هذه عوائد قديمة وما عاد بيعملها الا الي قادر عليها. ﻹن هالعملية مكلفة يعني بدك أتطعمي الناس لمدة اسبوع كامل بقصد الضيوف وبدك توفري لهم اماكن ليناموا ويرتاحوا فيها وبدك وبدك وبدك إلخ...بعني من اﻷخير أمي ما بتقدر على هيك مصاريف ولكن أمي لديها رغبة قوية في أن يكون العرس كامل يعني لمدة أسبوع وحابة تعزم كل ل الي تعرفهم ومن بينهم أهلها يعني اخواتها.
واخواتها عايشين بمندينة بعيدة جدآ عن مدينة الي بيسكنوا فيها أهلي يعني أكيد رح يقيموا عند أهلي وبيت أهلي صغير جدآ وما بيوسعهم
يعني من اﻷخير أهلي ما عندهم لا مقدرة مادية ولا مكان يستوعب عدد المعزومين طول عالفترة. فا أقترحت على أمي أنها تعمل العرس بس يوم وبهيك رح تختصر الوقت والمصاريف وخاصة أن اكتر الناس بيعملوا هيك ولكن أمي وﻹنها أنسانة عنادية وبتحب تعمل الي براسها من غير ما شورة حدا. راحت واتصلت بي أهل زوجي وطلبت أنها تعمل العرس عندهم ﻹن بيت اهل زوجي كبير وبيوسع بس أنتم عارفين يا بنات مهما كان هذوا نسايب وما بيصير ينطلب منهم هالطلب
وطبعآ اهل زوهي وافقوا ورحبوا بيهم ولكن انا مستأة من هالشيء كتير ﻹن بعرف أن أهل أمي يعني اخواتها ما بيستروا يعني دائمآ بيتمشكلوا مع بعض وكمان في منهم بنت خالتي معروفة أنها بتسرق. وكمان خالتي عقلها خفيف وبتكذب وبتألف قصص على انها انسانة مهمة وصاحبة منصب ومن هالحكي الفاظي و خايفة أنها تعمل هيك مع أهل زوجي وتفضحني وكمان دائمآ بيتعاملوا مع اﻷشياء بعنف يعني تصرفاتهم مو راقية أبد واهل زوجي قمة في الرقي و انا بصراحة ما ني عارفة أيش اعمل وخاصة إني ماني بحاظرة العرس بحكم إني عايشة في اوروبا وعندي لخبطة في اوراق اﻷقامة فصعب اني اكون في بلدي يعني لو لا قدر الله أهل امي عملوا مشاكل انا ما رح اعرف يعني لا أهلي رح يبلغوني ولا أهل زوجي رح يحرجوني. وانا ما عرفة أيش الحل وخاصة أنهم اليوم رح يستقبلوهم
فهل أكلم أهل زوجي وأخبرهم أنهم ياخذوا أحتياطهم ويحرصوا على ممتلكاتهم من السرقة. او إني أسكت

رد: مشكلتي مع امي 1
 

لا يكلف الله نفسا الا وسعها

يعني من البدايه كان فهمتي امك انها لا تحمل نفسها فوق طاقتها

بس ما دام ان اخلاص تقريبا اتفقتم على كل شي واهلك وصلو

والله احترت وماني عارفه شو الحل

بس اسال الله ان يهدي النفوس وتمر الايام على خير والله يستر الحال

ادعي ربك ان الامور تمشي على خير يارب

رد: مشكلتي مع امي 1
 

مشكلتك حبيبتي كثير صعبة

لكن حاولي تتصلي بأهل زوجك و تشكري حماتك على طلب أمك و تفهميها إنه العرس فيه كثير ناس و فيه غرب لهيك لازم تغلق الغرف إلي فيها أشياء خاصة

و تحتاط من أي شيء لأنه العرس بتصير فيه مشاكل

هذا إلي تقدري تعمليه حبيبتي لحد الأن لأنه الوقت فات و العزيمة بكرة بتبدأ

إن شاء الله يمر العرس بخير و عافية و ما يصير شيء و تعلي في نظر أهل زوجك

رد: مشكلتي مع امي 1
 

شكرًا خواتي على الردود ربي يجازيكم خير على تفاعلكم مع الموضوع يعلم الله كم كانت نفسيتي تعبانة بسبب هالموظوع ولكن ربي حلها من عنده بسبب كترة الاستغفار والدعاء وما صار من ذهاب أهلي لبيت زوجي ورح يقام العرس بإذن الله في بيت أبي ربي يكمل لي أختي فرحتها على خير وعقبال العزابية

رد: مشكلتي مع امي 1
 

كلام الاخت اسيرة زوجي عين العقل

يعني انتي اذا بدك تحكي لبيت حماك كل هالحكي رح تنحرجي الافضل انك تتصلي وتشكريهم وكمان تقوليلهم انه في ناس ممكن تكون
تعاملها غير راقي وانه تحذريهم بطريقة غير مباشرة على حفظ الاشياء الثمينة بمكان امين

وتعتذري من عدم الحضور وربي يسر الافضل الك وتمر هالليلة على خير

وتصلي بوالدتك بعد العرس ووصيها انه مرة تانية لازم تستشيرك بهيك موضوع ولكن بعد العرس منشان مايصير بلبلة وتفكر والدتك انه اهل زوجك حكولك شي عن الموضوع وتكوني بموضوع تدخلي بموضوع تاني



وربي يهدي بالك حبيبتي

رد: مشكلتي مع امي 1
 

لا تحكي شي لاهل زوجك مادام اتفقو
انت فوضي امرك لله وانشاء الله الامور تمر على خير