|
طلع حملي كيس فاضي..والحمدلله
هلا بنات
شخباركم....؟ انا كنت معكم بالتجمع ومستانسه بجوكم لكن بقولكم قصتي.....وشصار معاي انا اخذت نتيجة التحليل اني حامل وماسويت سونار وانا تقريبا اخذت شهرين من حملي وما احس بأعراض وحام الا شيء بسيط المهم يوم الاربعاء نزل علي دم ورحت سويت سونار وقالت انه كيس ومافيه جنين hwaml78 زعلت حيل وقمت اصيح ...ورحت يوم السبت مستشفى ثاني واكدت لي انه مافي جنين...ولازم اسوي تنظيف كنت خايفه من التخدير والتنظيف واتوكلت على الله ورحت يوم الاحد مستشفى المانع بالاحساء وسويت فحوص وسونار وتصوير وتلعوزت حيل من الانتظار والزحمه قمت اصيح وانهرت حيل ورجعت الظهر البيت حطيت راسي بنام ونمت يمكن ساعتين مع الالام في ظهري وبطني....فرجعت المستشفى...وقالت الدكتوره خلاص تضلين بالمستشى لين الصباح....عشان نسوي تنظيف المهم بالليل وانا بالمستشفى...قمت انزف بقوووة قطع دم كبييره والام قوووي كانه الم ولادهhwaml78 والممرضات كلحين يكشفون ويقلون ماطاح الكيس لين جات دكتورتين وفحصاني بقوووه من تحت وطلع الكيس في يد الدكتوره حمدت ربي انه نزل وما احتجت تنظيف حطوا لي مغذي ومضاد حيوي....وابره ومسكن وخفت الالام شوي شوي وضلين لين الصباح صايمه عشان يتأكدان انه رحمي نظيف والحمدالله تأكدوا....وطلعت امس الظهر والحمدالله حاليا احس بألام ودم قليل...وعطاني حبوب وموعد بعد اسبوع والله يعوضني...ويرزقني....ويرزق كل طالبة الذريه والحمدالله على طل حال اذا الله رزقني بعد فتره بتابع معكم حملي...والله يسهل على الجميع رأيي في الممرضات جدا جدا جميل تعاملهم وبس اناديهم يجون على طول....اذا الله رزقني بالحمل السليم...بولد عندهم ان شاء الله تعالى وعذرا على التطويل...بس حبيت ابين لكم تجربتي |
رد: طلع حملي كيس فاضي..والحمدلله
الله يعوضك خير يااارب العالمين .....
|
رد: طلع حملي كيس فاضي..والحمدلله
ي حياتي امولة الله يعوضك ويرزقك بالحمل السليم وتنضمين لنا عاجل غير اجل
|
رد: طلع حملي كيس فاضي..والحمدلله
الله يعوضك حبيبتي وتحملي قريب يارب
|
رد: طلع حملي كيس فاضي..والحمدلله
الله يعوووضكك يارب
|
رد: طلع حملي كيس فاضي..والحمدلله
هلا أختي شحالج
حمدالله على سلامتج سمعي من اسباب الكيس الفاضي وجود تكيسات قديمه عندج فحصي وشوفي لان اذا صار حمل ثاني ينزل هرمون البروجستين ولا يكتمل الحمل يوقف النمو عالجي أسباب التسقيط لحمل سليم بأذن الله وكلي فوليك أسيد خليه يقوي عندج بطانة الرحم الله يعوض عليج ياااااارب اختج قمه�� |
رد: طلع حملي كيس فاضي..والحمدلله
الله يعوضج خير ان شاء الله
|
رد: طلع حملي كيس فاضي..والحمدلله
الله يسلمكم حبيباتي
قمة البراءة يسلموو حبيبتي...انا صج كان عندي كيس مائي من شهر رمضان وتعالجت وقبل شهر ذو الحجه قالت لي الدكتورة انه صار حجمه صغير...فخلاص جاتني الدورة وحملت...توقعت راح الكيس وماكان عندي خبر انه يأثر على الحمل ومادري بنات كم تقلون اضل ما احمل...ودي ارتاح شوي خاصتا انه الالام لسى موجوده وقالوا فيه بقايا بالرحم...وعطاني حبوب عشان ينزل البقايا ويجيب لي الالام خاصتا بالظهر..الله يعين فيمكن ارتاح شهرين ثلاثه..والله كريم |
رد: طلع حملي كيس فاضي..والحمدلله
الله يعوضك يا قلبي و يرزقك بحمل كامل يااا رب
|
رد: طلع حملي كيس فاضي..والحمدلله
حبيبي انتي
نفس حالك صار اليي توني مسقطه وهذا اول حمل ليي ونزل بالتحاميل ما احتجت لعمليه الله يعوضني ويعوضك وهذا خير لنا والحمد لله ع كل حال |
| الساعة الآن 02:44 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .