|
الخيوط متى تنفك
سلام عليكم
كيفكم اخباااركم hwaml02 انا نفاس بكر لي 15 يوم ولادتي طبيعي وسوالي الدكتور خياط تجميلي بس مستغربه الخيوط للحين ماطاح شي منها والم من تحت اذا تحركت وبس تفكير وصياح حتى الاكل مااكل الاوجبه باليوم او اي شي يسد الجوع وقالي بس تنقعي بمويا وملح بس انا اتشطف مااتنقع خايفه والحين لي كم يوم لاتشطفت انشف المنطقة واحط كريم ميبو يخدر الالم واحيان احس حكه غريبه ودي احك مكان الخيوط واحيان لا وينفع استخدم المر غسول انا خااايفه استخدم اي شي ويدخل هوا وكيذا بس تفكير ذبحني اخاف انه ملتهبه تكفون عطوني حل احسني تعبت hwaml15 |
رد: الخيوط متى تنفك
هلا وغلا حبيبتي اولا الف الحمد لله ع السلامه وجعله الله قرة عين لك باذن الله
ثانيا انا والده من خمس شهور وراح اعطيك بعض النصائح عن تجربه الخيوط مره تتعب وتالم عليك بالمويا الدافيه فقط تغتسلي فيها مو تجلسي فيها كل ماحسيتي بالم ادخلي تشطفي ترتخي شوي وترتاحين ابعدي عن الملح لانه يشد الخيوط والمر استخدميه فترات متباعده مو كل يوم تتشطفين فيه كثرته تضر نصيحتي لك في كريم بيصيدليه اسمه ميبو يساعد على فك الخيوط عليك فيه مره ممتاز ويشيل اثر الخياطه والخيوط راح تفك معاك اول عقده وترتاحين خلال العشرين يوم وراح تفضل الخيوط معاك للاربعين يوم وراح تحسين بحكه بتنجنين علشان تحكين اذا حسيتي فيها مويا الدافيه تخففها واخر ١٠ ايام بنفاسك راح تلاحظين افرازات بيضا كثيره ويطلع منك هوا تبخري بقشر البصل وكمون ومر راح تشيل منك الهوا الي دخلك وقت الولاده وضروري تسوينها لان لو ماسويتيها راح تخربين بعد النفاس وتقولين ياليتني سويت وسويت وقدامك العافيه ان شاء الله |
رد: الخيوط متى تنفك
اولا الحمد الله على سلامتك والففففف مبروووووك البيبي يتربى في عزك ان شاء الله حبيبتي انا ولادتي قيصرية وما عندي تجربة بالخياطة التجميلية وآلامها وما شاء الله الأخت bylOoo كفت ووفت وقد امك العافية ان شاء الله |
رد: الخيوط متى تنفك
مشكورات ماقصرتن بس استخدم الميبو انا ويهدي الالم بس طفشت ابي الخيوط تروح تجيب المرض ولازم اتبخر بالبصل والكمون مدري احس هالاشياء شعوذه انا اخاف من كل شي الله يعطيكم العافيه
|
رد: الخيوط متى تنفك
هلا اختي انا زيك الحين والده لي 32 يوم وخياطتي تجميليه وبكر
الخياطة التجميليه تذوب من نفسها الا العقده الاخيره لازم الدكتورة تشيلها لك انا هذا الي صار معي .. وضروري تغسلين المنطقه بالغسول الي صرفته لك الدكتورة .. سوا بيتادين او اي غسول بماء دافي .. ولا تكثرين من البيتادين لانة يسبب حساسية .. ونشفي المنطقه وبعدين ادهني في ميبو .. ترا بتحسين المنطقه مشوهه ومدري ايش بس استمري على ميبو راح يرجع كل شي زي ماكان .. ويرتخي .. انا الي اليوم الفجر وانا خايفه بس لما شفت بالمرايه الا رجع كل شي لطبيعته .. واذا شلتي الخيوط انقعي مرة وتشطفي فيها ضروري ضروري ضروري وتبخري بمرة ضروري ضروري ضروري .. غير كذا لا المرة هي الاهم واشربي قهوة عربيه حطي بالفنجان كسرة صغيره مرة .. هذا نظامي عشان الخياطة .. غير نظام الغذاء طبعا .. ولا تفكرين واجد انا عورني راسي من كثر البكي والتفكير الين عدت الايام وتاكدت من نفسي لانة امي كانت تقول لي ترا كل شي بيرجع بس ما كنت اصدقها على بالي بس بتسكتني هههههه الله ياجرنا |
رد: الخيوط متى تنفك
انا قلت زيك كذا الى طلع مني هوا الله يكرمك ولقت نفسي تبخرت والله من اول تبخيره جاب نتيجه واستخدمته كل يوم حتى فك لي باقي الخيوط من حراره التبخير طريقه التبخير كنت ماخذه مجمر فخار مااحتاجه وانضف المرحاض بدوره المياه كويس واجلس عليه واغطي بمنشفه كبيره بحيث مافي شي يتسرب من البخور وهاك ياحراره وتنقز وبعدها اتدفا كويس وانام بالفراش ثاني شي بنصحك فيه الحنا خذي مقدار كوب حنا مطحون واطبخيه ع النار بس شويات وحطي معه زيت سمسم لاتحطين ماي وشويه ملح خشن وكركم جسم وخلي احد يمرخك فيه ويصبه على ظهرك وربي يشيل كل الالم وخليه الي يجف وافركيه طبعا هذي لك وللبيبي حنا ضروري نسويها مره في الاسبوع طول الاربعين تشد الجسم تنظف تنعم وريحه حلوه وتشيل الالم باذن الله جربيها وراح تشكريني
|
رد: الخيوط متى تنفك
يا عمري تذكرت نفسي في ولادتي الاولى أنواع الوسوسه
اول شي مبروك ماجبتي يتربى بعزك ثاني شي اكببببر خطا تسوينه انك تكونين جوعانه لازم تأكلين لان الأكل يخلي الخياطة تلتأم بسرعه و تنفك و متى تطيح ! على حسب اهتمامك بنفسك و أكلك الكويس من خضار و لحم و أدويه بالنسبة انك بس تتشطفين مااتتنقعين أنا بعد زيك بس اتشطف مرتين باليوم ب بنتادين مره صباح و مره مساء و ميبو كل مره ادخل الحمام الله بكرمك أجفف المنطقة ب مناديل و احط ميبو و على فكره أنا لي ١٣ يوم والده و هذي ولادتي الثانيه الله يعدي نفاسي و كل وحده نفاس على خير و ترجع ل زوجها وهي عروس |
| الساعة الآن 07:31 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .