![]() |
عزيزاااتي تعبت ساعدوني
السلام عليكم
كيفكم عزيزاتي محتاجتكم في شي مامر علي من قبل وماني عارفه ايش اسوي عندي ثلاثه اطفال ولدين وبنت اكبرهم الولد اربعه سنوات وثمانيه شهور وولد عمره ثلاث سنوات وبنوته سنه وشهرين كلهم فيهم قمل اكتشفته من يومين ومن عرفت وانا ماني مرتاحه مره ادهنهم بزيت ومره خل ومره حنا ومره انا افليهم واطلعه وبين كل شي وشي اروشهم بهالبرد والحمدلله راح القمل بس باقي الصيب اللي هو البيض مووو راضي يروح والمشكله ابوهم جنني يقول من الوساخه ومو راضي يجيب لي شي لا مشط ولا شامبو ولا يحلق للاولاد لان شعورهم طويله يقول روشيهم ويروح مو بيدي انا اهتم فيهم وانظفهم بس انا موظفه وعيالي بالتمهيدي والحضانه واكيد من اللي يحتكون فيهم بس شسوي حتى البكى بكيت من القهر منهم ومن ابوهم تكفووون ساعدوني نفسيتي تعبت احس البيت كله مقزز لانهم يلعبون في كل مكان ردووو لو بدعوه |
رد: عزيزاااتي تعبت ساعدوني
شوفي كنت اتذكر جدتي اذا احد صار فيه قمل
وماعندها علاج القمل تيجب صابون تايد وكيس وتدخله الحمام وتكب التايد على راسه وتلفه بكيس وتجلس تقريب ساعه وبعدين تغسله وتعيده بعد يومين ويختفي القمل نهائيا |
رد: عزيزاااتي تعبت ساعدوني
اشتري شامبو من الصيدلية
وانتبهي لا يتسلل القمل في السجاد والموكين اذا تكاثر في السجاد ماراح تقدري تنظفي عيالك الين ما ترمي السجاد الله يعينك |
رد: عزيزاااتي تعبت ساعدوني
الله يكون في عونج حبيبتي
قولي حق زوجك لازم تشتري الشامبو الخاص بالقمل و لاتنقهرين حبيبتي كلها كم يوم وتنحل المشكله |
رد: عزيزاااتي تعبت ساعدوني
يا اختي ماله داعي تستني زوجك إلين يجيبلك دواء للقمل رحي انتي بنفسك عند العطار او الصيدلاني و بكذا تقضي على المشكلة نهائيآ بس الحلاقة مو حل انا اتوقع. انه لازم تقضي عالمشكلة بالدواء المناسب قبل وماله داعي اتهام زوجك لك بعدم النظافة فهمميه ان هالحشرة بتتنتقل لي اي شعر نظيف والا مو نظيف بتصير لما بيلعبوا اﻷولاد المصابين مع الي غير مصابين بها
وربي يسهل عليك وتلقي حل سريع لها المشكلة |
رد: عزيزاااتي تعبت ساعدوني
اختي تبخ ريد بروس اوﻻدها بس مو مره 3 بخات و تجلسهم بالحمام
و تمشطلهم لين يطيح القمل و تحممهم .. اما البيض ﻻزم بشامبوو ضد هذا الشي و نصيحه لك يدك ماتنزل منهم ﻻزم كل اسبوع نظاافه .. اذا تبغيهم نظفيين والله يعييين .. |
رد: عزيزاااتي تعبت ساعدوني
اختي لازم شامبو خاص للقمل حتى خلي احد يجيبو لك الموضوع عادي وكل الاطفال لما يختلطو بأطفال يتعدو
وهما يجيبو من الحضانه واذا نظفتي وظل اللي بالحضانه عندهم قمل راح يرجعو يتعدو |
رد: عزيزاااتي تعبت ساعدوني
العلاج الفعال للقضاء على القمل
هو برنامج لمدة 7 أيام ولو طبقتيه بإذن الله راح يقضي عليه 100% 1-من أول يوم من البرنامج يوميا اغسلي الفوط وغطاء الوساده الي ينام عليها الشخص والمفرش بماء يميل للحرارة أو بماء فاتر وبعدها نشفيه بالنشاف الكهربائي حتى يقضي على الصيبان الي فيه أو يوم كامل بالشمس . 2- اغسلي وسائد الكنبات الي يجلس عليها افراد الاسرة وافتحي الشبابيك خلي الشمس تدخل واكنسي باقي الكنب والموكيت يومياً. 3- خصصي للطفل وسائدة لو اراد ان يجلس امام التلفزيون وكل يوم اغسليها . 4- اخلطي 1/4 كوب زيت زيتون+ 1 ملعقة كبيرة خل لأن الخل يزيل المادة الي تلزق البيض بالشعر وإذا طفلك يتحسس استبعدي الخل واكتفي بزيت الزيتون واسكبيه على راس طفلك. 5- وبعدها قسمي شعره إلى اقسام كثيرة واربطي كل مجموعة بمغاط http://forum.hwaml.com/imgcache2/hwa...356495_731.png ابدي في الشعر الي اسفل الرأس لأنه عادة يتمركز في الشعر الي عند الرقبة والي ورى الاذنين وابدي مشطيه في هالمشط الرائع http://forum.hwaml.com/imgcache2/hwa...356494_742.png من تحت من جذور الشعر إلى اسفله وبعدها من كل الاتجهات وخلي عندك مناديل ورقية نظفي المشط في كل مره وهكذا إلى ان ينتهي الشعر وبعدها مشطيه ككل من تحت ومن فوق من كل الأتجاهات لأن هذا المشط ينظف الشعر من الصيبان والقمل . 6- اغسلي شعر الطفل بشمبو عادي " وخلي عنك شمبوهات القمل مامنها فايدة "وبعد مايخرج فوطي شعره وكرري نفس العملية التمشيط فقط واغسلي فوطته واربطي الشعر إذا كان يمكن ذلك . 7- نقعي الامشاط والبكلات بصابون تايد وبعدها اغسليها ونشفيها وخليها في الشمس . 8- كرري نفس البرنامج يومياً لمدة 7 أيام لأن دورة القمل 7 أيام من وضع البيض إلى ان يفقس وبكذا اضمن لك بإذن الله أنه راح يقضي عليه. ملاحظات : - خصصي مشط وفرشة شعر للطفل المصاب . - طبقي نفس العملية مع كل الاطفال في البيت مرة واحدة قد يكون في بدايته ومالحظتي حتى تقضين عليه من كل افراد الأسرة. - لما طفلك ينام عند احد خليه ياخذ وسادته ومفرشه معه حتى مايعادي الاخرين وإذا كان سليم مايتعادى من الآخرين . - نبهي طفلك مايستخدم امشاط وفرش وادوات الاخرين نهائياً . - دائما احرصي على تفتيش شعر طفلك لأنه إذا استفحل في الشعر يتعب في إزالته . - احرصي انك تحصلين على هذا المشط الي امشاطه من حديد وطويله http://forum.hwaml.com/imgcache2/hwa...356494_742.png |
رد: عزيزاااتي تعبت ساعدوني
شامبو و مشط سنان و انقعي شعرهم بالشامبو
الله يعافيهم و يعينك يا رب |
الساعة الآن 07:22 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .