منتديات حوامل النسائية - قصة ولادتي ببنتي أية نبض قلبي

السلام عليكم بنات
اليوم بحكيلكم قصة ولادتي بعد ما ارتحت شوي من العملية
كان موعد ولادتي يويم 9/12 لكن ماجاني شي و يوم 9/12 طاحت سدادة الرحم انا في البداية ماعرفتها استمرت يومين و الافرازات تطيح وانا ما احس بالم الين يوم 11/12 الساعه 4:30 فجر صحيت عشان ادخل دورة المياة وانتو بكرامه و فجاه حسيت انه شي في بطني انفتح و نزلت موية الجنين كانها شلال انا انفجعت و عرفت انها الولادة خلاص لا مفر طبعا صحيت زوجي و انا اصيح و هو يهديني ذبحني الخوف و صرت اقرا قران راح زوجي صحى امه و اخذت كل اعراضي و اغراض البيبي و رحنا ع المستشفى و لما وصلنا سوولي فحص و قالو خلاص وقت ولاده المهم ودعت زوجي و قلت له اني حللته و هو حللني و وصيته على بنتي لو صارلي شي زوجي ماتحمل و راح وعيونه مليانه دموع
دخلوني غرفه فيها الي ينتظرن الولاده و جلسنا نتعرف على بعض و كذا وانا ولا جاني الم و لا احس بشي غير بنتي تتحرك فبطني المهم وكل شوي تروح وحده لغرفة الولاده و تجلس شوي الا و احنا نسمع صراخ البيبي بعد ما تصرخ امه لما تقول بس وانا كل ما سمعت وحده تصرخ اموت بخوفي ومع ذلك ماكان يجيني الم الين طلعوني لعند دكتور ولاده و قالهم اعطوها طلق صناعي اذا ما انفتح الرحم بيسوون عمليه كل هذا صار من الساعه 4:30 الين 18:15 مساء جلست يوم كامل ماجاني وجع لما حطولي مغذي و معاه طلق صناعي وعينك ماتشوف الا النور على قولت اخوانا المصريين الم فضيع ما كنت ابدا اتخيله و جلست اصرخ و ابكي و اترجا الممرضات الين ما خلاص ماقدرت اتحمل تهاوشت مع نص الطاقم الطبي صرت كاني وحش من الوجع الين فحصوني و قالت القابلة خلاص الرحم مفتوح كله و جا وقت الولاده كانت القابله تشجعني عشان ادفع بس راس البيبي عيا يطلع جا الدكتور الي يسوي العملية القيصريه و قال انه بيساعدني قلت اوك و جا على بطني و ضغط عليها بذراعه ضغطه قويه خلتني اطلع صرخه سمعوها الي كانو بالطابق الثاني و انا خلاص ماقدرت صرت انوح و ابكي من الوجع قال الدكتور خلاص طلعوها قيصري و طلعوني خدروني تخدير كلي كانت الي تخدرني تسئلني اسئله و انا اجاوب الين نمت و لا حسيت بشي الا وهم يصحوني و يقولولي مبروك اخذوني على غرفه ثانيه و نمت بعدها نومه طويله الين ودونا غرفة الي نتنوم فيها دقيت على زوجي بعد مالقيت له الف اتصال ههههههههه كان قلقان طمنته علي و كذا وفي الصباح جا و راح شاف البنوته و جابها لي اشوفها كانت مثل القمر الله يخليها لي و لابوها وفرحت و بستها كانت مرره ناعمه و نايمه جلست ثلاث ايام بالمستشفى و طلعت لبيتي والحمد لله انا في تحسن من العمليه باقي اشيل خيط الخياطه و يشفى الجرح كليا وبس هذي قصة ولادتي شكلي طولت عليكم ههههههههه على فكره صرت حساسه بعد الولاده و ابكي على اي شي حتى لو بنتي بكت ابكي معها عقبال كل الحوامل يارب يسهل ولادتكم و تفرحو بعيالكم و الله يرزق كل محرومه