|
طمنوني الله يسعدكم
خواتي انا عندي بنت عمرها سنتين وانا الحين حامل ابغا اعرف كيف تربيه الطفلين هل هي متعبه لاني انا من النوعيه الي مرتبه في نفسي وبيتي واحب دايم كل شي في مكانه مرات اجلس افكر كيف حتكون حياتي مع طفلين هل هيا متعبه ولا عادي وكيف لما اجي ابغا انومهم هل واحد ينام وواحد يصحى لان الحمدلله مره مرتاحه مع بنتي بنوم وقت مابغاها تنام معايا انومها ومنظتها متى تنام ومتى تصحى وعلى فكره لحد يقولي شغاله لان ميزانيتنا ماتسمح لشغاله والحمدلله بس حبيت اسال الي مجربه ومربيه طفلين كيف مرتبه حياتك ياريت تفيدوني الله يسعدكم لاني من يوم ماحملت وانا افكر بهذا الموضوع
|
رد: طمنوني الله يسعدكم
ولا ردhwaml4
|
رد: طمنوني الله يسعدكم
ههههههه
مستحيل النظام ..مع الاطفال بهذا العمر لما يكون عندك صغير مو زي اللي عمرها سنتين. . شوفي من تجربتي .... انا مثلك احب كل شئ مرتب ومكانه ...بس لازم عشان ترتاحي تخصصي لهم مكان ياخذوا راحتهم فيه يعني غرفه فيها التلفزيون والالعاب يرموها زي ما يحبوا وباقي البيت يكون مرتب انا كذا ...اللعب بغرفتهم ...وما يخرجوا حاجه منها ..وباقي البيت ما اخليهم يلعبوا فيه أما بالنسبة للنوم والله الكبيره الحمد لله مريحتني عشان تفهم يعني ايه وقت نوم لكن الصغيره للان كل يوم نومه شكل وساعه .. على كيفها ممشيتني وماني قادره لها ..يمكن عشاني حامل وما لي بالي طويل احاول معها .. وخذيها نصيحة من اخت لك .. قالتها لي وحده كانت تشتكي كثير من أطفالها. ..اعتبريهم ضيوف عندك وبكرا إن شاء الله يكبروا وكل واحد يشق طريقه ..بالحياه وترجعي انتي لوحدك ..زي أول وتقولي ياليت يجوني ويخربوا كل شئ بس يكونوا حوليني ومسليني .. |
رد: طمنوني الله يسعدكم
جالكسي ودنيا عكسي جابت المفيد وأعتبر ردها كتير مقنع الله يعينك على تربيتهم وفكرة جعل غرفةة خاصة لهم يلعب فيها وياخدوا راحتهم كتير مهمة الله يصصلح لك ذريتك ويارب ترزقني أنا أيضا ذرية صالحة
|
رد: طمنوني الله يسعدكم
هذا الشي أنت بتقدر عليه
حطي لك اساسية و نظام من البداية عشان ماتتعبي و حل حلو للقالته جالكسي و الله يسر عليك وحطي في بالك ناس جابو خمس ورا بعض لكن الحريص حريص و خلك واثقه من نفسك هذا شي طبيعي و بعدين بتجيب الثالث و رابع الله يكرمك و بتكبري و تنسي التعب هههه |
رد: طمنوني الله يسعدكم
حبيبتي تربية واحد أو اثنين أو ثلاثة كلها فترة و تمر طبيعي الوحدة تتعب لما تكون تربي لكن الله يعطيك القدرة على تربيتهم و تتعودي على نظامهم |
| الساعة الآن 09:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .