|
آنآ جيت ونورت حياة ماما قصة ولادتي بعسولتي ♥ بيسان ♥
السلام عليكم ورحمة الله وبركاته
طبعا اللي تفوت ع طول قيصري ما الها اكشن مثل اللي تفوت طبيعي دخلت ع ساعة 3 عصر بالزبط المستشفى بعد ما رفضوني المستشفى التاني وعلى طول اجى دكتور وشاف البيبي مقعدي وسالني اذا اكلت شي او لا وقلتلو بس مي قلي بعد 6 ساعات عملية ودغري فوتوني كنت مخلصة شهري 4 ايام وفوتوني بغرفة المخاض وحطولي قسطرة البول وهاد بحد ذاتو مؤلم كثير وتخطيط الجنين وحطولي ابرة البنج طبعا بدون البنج بس تركيب الابرة وظليتني 6 ساعات استنى ولادتي وادعي ربي وطبعا بالغرف اللي جنبي سامعة اللي تطلق واللي تتوجع وكان فعلا شي مرعب خص نص كانت جنبي وحدة تطلق وتصرخ وتهدد وتكسر وتدعي ع الدكاترة وعملت لحالها اكشن بالمستشفى وقضيت ال 6 ساعات بطلوع الروح وع ساعة 9 بالليل فوتوني ع غرفة العمليات هنا صار قلبي يدق بسرعة وخفت وصرت ادعي اللهم استودعتك نفسي ومافي رحمي واهلي وزوجي وابني فحفظهم يارب العالمين وحطولي البنج وصرت بعالم تاني ماصحيت الا الدنيا بررررررررررررررررررررررررررررررررررررررررررررررررر رررد وعم ارجف بكل جسمي وكانت ساعة 9 وربع ومن الرجفة كانت عمليتي توجعني وكانت حماتي ومرة عمي عندي ومن الانبوب اللي حطولي ياه في تمي (البنج) كمان صرت احس بضيق بالتنفس طبعا هناك مافي عندهم شي اسمو ابرة ظهر او بنج نصفي عندهم الكامل اسهل واحسن وحسيت انو روحي هتطلع وصرت اشهق من صعوبة التنفس حطوني بتختي وارجف ارجف وانا هون شبه صاحية كنت مش شايفة بس سامعة وحاسة بكل شي وبعدين حطوا علي حرامات المستشفى مشان ادفى بالاخر دفيت وهديت وقعدت 3 ايام و2 ليالي ع مغذي ومسكنات طبعا منعوني من الحليب والعصائر ولبن الزبادي لانهم بعملو نفاخ والنفاخ باثر على العملية باليوم الثاني قمت امشي وهاد ضروري للقيصري مشان امعائها تمشي وانها تشد نفسها للمشي ورجعت ع البيت باليوم ال 3 والحمدلله كل شي تمام بعد اسبوعين التهبت عمليتي ولهلا ملتهبة بس لانو كان بالاردن برد فزاد التهاباها ولاني هلا بالامارات ودافي الجو الحمدلله راقت شوي والحمدلله على كل شي بس المشكلة بالقيصري انو فاصل بطني نصفين وطالعلي كرش كاني حامل بشهر 4 :( فللي ولدو متلي متى ترطبتي (تشددتي) ؟!! وشو كنتي تعملي مشان يروح الكرش :( |
رد: آنآ جيت ونورت حياة ماما قصة ولادتي بعسولتي ♥ بيسان ♥
الحمد الله على سلامتك
وألف مبروك ماجاكم والله انا بكريه ان شاء الله البنات يفيدوكي |
رد: آنآ جيت ونورت حياة ماما قصة ولادتي بعسولتي ♥ بيسان ♥
الف مبروك والف سلامة عليكي قلبي
|
رد: آنآ جيت ونورت حياة ماما قصة ولادتي بعسولتي ♥ بيسان ♥
الففففففف مبرووووك البيبي حبيبتي يتربى في عزك ان شاء الله والحمد الله على سلامتك اختي انا ولادتي قيصرية مثل ما قلت بعد العملية يبقى البطن كأنك حامل في الرابع انا ما كنت امارس رياضة الا لما أعدي الثلاث شهور الاولى وليست اي رياضة (رياضة المشي) وكنت استعمل المشد بعد الأربعين بدون ان اضغط على مكان العملية اتمنى اكون أفدتك غاليتي دمتي بود |
رد: آنآ جيت ونورت حياة ماما قصة ولادتي بعسولتي ♥ بيسان ♥
الحمد لله عسلامتك يارب و يخليلك بيسان انا كمان ولادتي قيصرية و بطني كبرانة بس عم حسها عم تخف يوم عن يوم و أكيد لازم نعمل رياضة و الرضاعة بتخفف
|
رد: آنآ جيت ونورت حياة ماما قصة ولادتي بعسولتي ♥ بيسان ♥
الحمدلله على السلامة
البنج الكلي افضل من النصفي ممكن اسألك باي مشفى ولدتي بالاردن واذا المعاملة كانت منيحة ولالا وكم كلفتك العملية بالنسبة لبطنك طبيعي وكلو برجع متل اول واحسن وجرح العملية بدو فترة وبختفي مع المدة بس ديري بالك تحملي تقيل او تبردي ومبروك البيبي |
رد: آنآ جيت ونورت حياة ماما قصة ولادتي بعسولتي ♥ بيسان ♥
اقتباس:
ربي يتمملك على خير وماتحتاجي قيصري يااارب اقتباس:
تسلمي يا الغلا اقتباس:
بس رياضة المشي كنتي تمارسي ؟!! يسلمو حبيبتي وان شاء الله بعمل متل ماقلتي اح ـترامي اقتباس:
اه هي خافة مع الرضاعة بس منظرها مؤذي لانها متل اللي عاملة مطب ببطني خخخخ يسلمو حبيبتي نورتي الموضوع وصاحبتو اقتباس:
متى ماكحيتي امسكي مكان العملية واشربي بعدها ينسون وكمون وابعدي عن الحليب واللبن والعصائر ديري بالك لانو بنفخ وبضغط ع العملية ولما تحسي انو شفيتي من العملية عادي اارجعيلهم امممم انا ولدت بالتوتنجي اللي بسحاب ،، البشير مارضي يفوتني لانو بدي موعد وقصص وابصر شو لانو عندو ضغط كبير اما توتنجي فوتوني ع طول وحتى كنت بعرف هناك ناس وعمليتي كلفتني 151 دينار اردني هي بـ 120 بس اخدت ابرة مهدئ او مسكن مش عارفة كلفتني 31 دينار والمعاملة كتير منيحة والمعاملة منيحة كمان الله يبارك فيكي وان شاء الله اكون افدتك واي سؤال انا حاضر من عيوني / |
رد: آنآ جيت ونورت حياة ماما قصة ولادتي بعسولتي ♥ بيسان ♥
الف مبرووووووك و حمدا لله على سلامتك
بالنسبه للبطن ماتروح اﻻ بعد 8 شهور او سنه ترجع لطبيعتها شوي مو مرره بس افضل من البداية بكثيير .. و الربط انا ماربطت و ﻻ شديت بصراحه توجعني .. |
رد: آنآ جيت ونورت حياة ماما قصة ولادتي بعسولتي ♥ بيسان ♥
مبارك عليكي اختي
الف مبروك القمرة بيسان |
رد: آنآ جيت ونورت حياة ماما قصة ولادتي بعسولتي ♥ بيسان ♥
يغار الحلى & مدام خولة
يسلمو وربي يخليكم يااارب ويبارك في عماركم / |
| الساعة الآن 12:57 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .