خايفه جدا ومهمومه
 

السلام عليكم ورحمة الله وبركاته
اخواتي انا في حاله مايعلم فيها الا الله
مهمومه جدا والدنيا كلها ضايقه فيني واتمنى تساعدوني ارجوكم
والله لكم دعوه بظهر الغيب وما انساكم بس ساعدوني ولاتحرجوني أكثر ماانا محرجه من نفسي لان اللي بقوله موضوع جدا حساس ومستحيه من نفسي كثير
انا ياجماعه كنت انسانه اقسم بالله غير عن الإنسانه اللي الحين تكتبلكم
كنت مستحيل امد يدي ع شي مايخصني ولي فتره من بعد زواجي تغيرت مره صرت اي شي اشوفه قدامي اسرقه لدرجة اني فكرت اروح عند دكتور او دكتوره نفسيه لاني تعبت كل مره اقول توبه وارجع وانا الحين صارلي موقف قوي خلاني اكره نفسي واصحصح من اللي انا فيه
انا نقلت مدينه غير مدينتي بحكم عمل زوجي وتعرفت على مجموعه من البنات وقمت بسرقة كل وحده فيهم بين كل فتره وفتره وقبل فتره صاروا شاكين فيني ولمن سالوني انكرت وصرت مستحيه من نفسي اكثر من اول
قاعده اتعذب لاني ماعرف متى اتغير
وقاعده اتعذب لاني احرجت نفسي واخاف انفضح خصوصا ان ازواجهم يعرفون زوجي
تعبت من كل شي يابنات
تعبت ابغا اتغير وابغا ربي يتوب عليا ويستر عليا
تعبت نفسي اتوظف ومااحتاج امد يدي ع خصوصيات احد
ساعدوني الله يخليكم انا خايفه وتانيب الضمير ذبحني وحزينه لمن اطالع بولدي ككيف أمه سيئه كذا وكيف كانت زمان
نفسي ارجع زي اول انا من يوم تزوجت وانا انسانه حدا سيئه
اكتبلكم وانا بقمة حسرتي وهمي وتعبي
ساعدوني الله يفرج همومكم

رد: خايفه جدا ومهمومه
 

ليه 14 مشاهده ولا احد رد
انا بحاجتكم

رد: خايفه جدا ومهمومه
 

الله يكون بعونك ويرفع عنك هالعاده السيئه
طيب ياختي حاولي تمنتنعين عن هالشيء تذكري ربك وبيتك وعيالك وش موقفك لما تطلعين قدامهم معليش اسمحي لي بهالكلمه ..سراقه ..!
لقب كريه اختي تجنبي اﻻشياء هاذي وفكري قبل ماتمدين يدك لو انتي مكانهم راح ينحرق قلبك في اشياء يمكن هينه بنسبه لك ﻻكن غاليه عندهم حرام ياختي ﻻ تخذين دعوا الناس وتحسبهم عليك تجنبي هالمواقف وقولي ياررب ارزقني وﻻ تحوجني لغيرك
ناقصك شي تحسين اغارضك مو كامله اطلبيها من زوجك اذا يقدر راح يوفره واذا ﻻ اصبري وراح يجيك طلبك ادعي دايما ان ربي يرزقك من غير حساب وحافظي ع صلاة الفجر فيها رزق كثيير
وابتعدي ابتعدي عن العاده السيئه وتذكري نفسيتك بعد كل سرقه قبل ماتمدين يدك وشيلي من راسك احساس التلذذ الي يمكن تحسين به
الله يبعد عنك وقول الحمدلله ان ربي سترك هالمره وعاهدي نفسك متنعاد "مو كل مره تسلم الجره" وتعوذي من الشيطان اختي
الله يرزقك من اوسع باب ويفتح عليك ومايحوجك لحد
ادعي لي اختي ان ربي يسخر لي زوجي ويصرف عنه الزواج
والله يوفقك ويخلي لك ولدك..♥
تقبلي مروري

رد: خايفه جدا ومهمومه
 

راي من راي الاخت كشة نااعمة

تقربي من الله اختي وكل ماحاولتي تمدي يدك للسرقة

تذكري ان ربك يشووفك لو ماشافوك اللي تسرقينهم ربك يشوووفك

وللامانة رجعي كل الاغراض اللي اخذتيهم

رد: خايفه جدا ومهمومه
 

مهم يكون الحاجة إلا أنتي فيها ماتستدعي انك تسرقي وتعترفي ان هاي سرقة
كيف بتقدري وانتي عارفة نفسك
ماادري هل تسمينه هذا مرض نفسي مثلاً ولا تقدرين عليه غريبة
ماله شغل بالنفسية هذا شيطانك يحليلك السرقة استغفر ربك تذكري كيف بتوقف امام الله بعدين

رد: خايفه جدا ومهمومه
 

حبيبتي الله يتوب عليك ما دامك تعرفين غلطك وخجلانه منو اكيد انتي انسانة طيبة بالاساس وطينتك نقية
اطلبيكل حجاتك من زوجك وادا الحالة المادية ما تسمح دوري على شغل يغنيك عن حاجات الاخرين ولتكفيري عن ذنبك حاولي كل مرة تجمعي شوية فلوس وتجيبي هدية بقيمة المسروقات يعني تردي المسروقات بدون ما تنحرجي

الله يسر امورك ويهديك حبيبتي

رد: خايفه جدا ومهمومه
 

الله يريح قلوبكم ويفرج همومكم يارب ولكم دعوه بظهر الغيب وما انسى انكم شاركتوني همي
ادعولي ارجوكم

رد: خايفه جدا ومهمومه
 

شوفي إذا إنت مقاتعة إنها عادة سيئة لازم تبعدي عنها نهائيا

خذي وعد إنك ماعاد تاخذي شيء ما يخصك

لأنه بكرة ابنك يصير يتعود عليك تاخذي أشاء غيرك يصير يعمل نفس الشيء

هل ترضي ابنك إنه يتمسك سارق شيء و يتبهل و تتبهدلي معاه إنت وزوجك

أقسمي إنك ما عاد تسرقي و كل ما تعيديها تصومي 3 أيام و هكذا حتى تتركي هذه العادة و اكثري من الاستغفار و الدعاء

رد: خايفه جدا ومهمومه
 

ابتعدي عن هالحركة ﻻنها سيئة جدا جدا و الناس اذا فقدو شي من اغراضهم

يدعوا على الساارق فتجنبي دعوة مظلومة بوقت استجابة

و تكوني مكروهه من الناس فنصيحه لك خليك محبوبة بين الناس ..

و تذكري دائما ان ماتفعليه محرم .. و بالشرع السارق تقطع يده ..

رد: خايفه جدا ومهمومه
 

انا عاهدت نفسي اني ما امد يدي ع شي مايخصني ويارب يقدرني واكفر عن ذنوبي
ارجوكم اخواتي الله يفرج همومكم ويمطركم بالخير ويرزقكم من اوسع ابوابه انكم تدعون لي بالستر والتوبه وراحة البال

الله يريح قلوبكم ويرزقكم ويهدي بالكم ويكتب لكم السعاده والرضا في الدنيا والاخره لكل وحده ردت عليه