اللي حصل لها نفس حالتي اطمني
 

السلام عليكم ورحمة الله وبركاته

أشحالكم حبايبي عساكم بخير وعااافية ,,, أنا يديده في كتابتي للمواضيع لاكني جديمة في تصفحي للمنتدى ومتابعتي للمواضيع hwaml02

بس حبيت اخبركم بقصتي وان شالله اللي صار لها نفس حالتي اطمني ,,,
أنا متزوجه والحين تقريبا كملت سنه وشهرين وما حصل حمل كنت اتعالج فالبداية لانه مبايضي كانت ضعيفه وعقب اتنشطت الحمدلله بس ما حصل حمل ,,,ويت فترة حسيت بألم شديد عند الخاصره رحت المستشفى قالولي احتمال يكون حصى بس لما سويت سونار قالولي عندج كيس على المبيض وهذا ما تنفع وياه الادويه لازم اتشلينه بالجراحه وقبل العيد بثلاث ايام سويت الجراحه وشليته ,,,وتعبت بعد الجراحه واااايد بس ما نقووول غير الحمدلله على كل شي ,, وطلع الكيس عبارة عن كيس دموي وقالتلي الدكتورة انها بتعطيني ابره لمده 6 شهور كل شهر آخذ وحده عسبه ما اتيني الدورة ويرجع لي الكيس الدموي ,,,وأنا خذت أول ابره وباجيلي 5 ابر وخايفه هالشي يآثر علي والله ما اعرف ,, احس غير 6 شهور ما بتيني الدورة بس عسبه الكيس ما يرجع ,,, افيدووني للي حصل وياها نفس حالتي ,,,,ودعواتكم لي ...


والله يرزق كل محرووومه إن شالله ..واسمحولي عااد طولت عليكم بس والله التفكير بيذبحني وخايفه بس إن شالله خير hwaml23

رد: اللي حصل لها نفس حالتي اطمني
 

اناالي اعرفوان الكيس الدموي يخرج مع الدوره لومااتسرعتي وشلتيه ياالله قدرالله وماشاءفعل وان شاءخيروتبشريناقريب انك حامل