|
ابني بدو صدري طول اليوم..
السلام عليكم ورحمة الله وبركاته...
ان شاء الله تكونو كلكم بخير.. انا ولدت من اسبوع الحمد لله... ابني طول الاسبوع كان يرضع وينام.. طول اليوم ناين وبالليل كان كل 3 ساعات تقريبا يصحى ارضعه ويرجع ينام... بالاول عطيته حليب صناعي لان ماكان في حليب ومن ثالث يوم صار يرضع مني.. البارح بالليل ما رضى ينام وطول الليل بدو يرضع في... ارضعه ينام وهو يرضع اول ما احطه بمكانه يصحى يبكي وبدو يرضع قلنا يمكن ما شبع عطيناه رضعة حليب صناعي شرب منها شوي ورفضها وظل يطلب صدري وفضلناعلى هدي الحالة طول الليل حتى 6 صبح بعدين نام وصحى الساعة 9 نفس الشي يرضع مني وادا شلتله صدري يبكي كثيير... لغاية 8 باليل طلبت من زوجي يجبلو لهاية ولما حطيتها له سكت.. لكن صعب علي لاني عارفة انه بدو صدري.. وبصراحة ماني فاهمة تصرفو ولا كيف لازم اتصرف.. |
رد: ابني بدو صدري طول اليوم..
تصرفه ابنك طبيعي لانه لسه الحنك عنده بضعف وهو يرضع بشرب شوي وبنام هاي اول الايام هيك بكون
لانه لسه بدرب عالرضاعه بدك اطولي بالك عليه اسبوع اسبوعين ويسير طبيعي وانتي كثري من الاكلات الي تدر الحليب وانصحك ابعدي عن الهاي لانه تجيب البكتيريا والامراض وتخرب سنانه حرام |
رد: ابني بدو صدري طول اليوم..
حبيبتي أنا متلك بالبداية هيك عمل ابني و جنني كتير بس هلا خلص تعود و صار يرضع كل 3 ساعات حبيبتي بس هالشي صار مع ابني لأن كان معو أبو صفار وحسيت حليبي ماعم يشبعو و صرت اعطي حليب اصطناعي و الحمد لله صار ياخد الاتنين صدري و الحليب بالرضاعة انتي برأي تسألي دكتور ليكون معو أبو صفار
|
| الساعة الآن 07:40 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .