|
بنتي و الأكل
السلام عليكم أمهات كيف حالكم و حال الكتاكيت ؟
حابه تسعفوني بتوجيهاتكم في بنتي عمرها دخلت الثمان شهور لها 11 يوم العمر كله إن شاء الله و من يومين بطلت تاكل مثل قبل و حتى رضاعتها يادوب و بكايه عند النوم توقعت أنه تسنين و أدلك لها بالمره و المحلب و كمان بجل التسنين و ترتاح عليهم بس الأكل مره قليل مره ضايق صدري عليها هل هو طبيعي أو لا ؟ الأكل تاكل ملاعق بسيطة و لو غصبتها تاكله توقفه في فمها لا هي تبلعه و لاهي تخرجه تجلس نص ساعه ماعندها مشكلة و الأكل مكانك سر في فمها الله يهديها ايش الحل معها ؟ |
رد: بنتي و الأكل
عادي حبيبتي غيري لها االاكل لان الاطفال مزاجيين فكل شي الله يحفظهم اعطيها نوع ثاني يمكن تحبه والله يحفظها لك يارب
|
رد: بنتي و الأكل
الله يسعدك اختي ام مراوي و اللهم آمين
و الله ما اقصر بالتنويع مالذ و طاب ولا أحكرها على نوع معين بس ما ادري وش فيها شهيتها قلت عن قبل الله يعين بس |
رد: بنتي و الأكل
اختي لا تقلقي ان شاء الله فترة وتعدي
الاطفال تجي فترة شهيتهم تقل وبعدها يرجعو حاولي معاها ونوعي في الاكل وانصحك وقت اكل العائله ذوقيها من اكلكم عشان تتعود تفتح فمها وتصير تبغى تكتشف نكهة الاكل ولا تغصبيها على الاكل لان الاجبار يعطي نتائج عكسيه وتصير مسأله عناد وترفض الاكل |
رد: بنتي و الأكل
طبيعي حبيبتي مع التسنين تقل شهيتها اصبري عليها وان شاءالله ترجع تاكل
|
رد: بنتي و الأكل
عيش الحياة - دلوعة عبودي
الله يعطيكم العافيه أنا قلت كذا عشان التسنين بس إن شاء الله فترة و تعدي على خير و هي مشكلة أغلب الأمهات الله يكون بعوننا تسلموا صبايا |
رد: بنتي و الأكل
كأنك تحكين على بنتي سبحان الله البنات اصعب من الاولاد صرت احسهم
صرت اجلسها معانا ع طاوله وتشوف اخوها تتحفز بس تتطول اللقمه ف فمها واحيانا تطلعها بجد اكلها مو عاجبني عكس اخوها |
| الساعة الآن 03:57 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .