|
بعد سنتين من الانتظار حملت خارج الرحم
مرحبا صبايا
انا هلأ للاسف حامل خارج الرحم بعد سنتين زواج.زوجي عنده مشاكل بالعدد عملنا مرتين طفل انابيب وللأسف ما نجح و الحمدلله...وبعدين حملت طبيعي وكانت الفرحة ما بتنوصف!!وصار ينزل علي دم و وجع اسفل بطني جهة اليسار رحنا على الدكتورة و عملنا فحص هرمون الحمل طلع 2300 ولما شافتني بالسونار الداخلي ما شافت كيس الحمل في الرحم !!!قالتلي هاد اكيد حمل خارج الرحم لانه الهرمون عالي و ازا في حمل بالرحم لازم يبين و اعطتني ابرة methotroxeate 50 وقالتلي اعملي الفحص بعد اسبوع و مبارح رحت وللاسف طلع 6800 hwaml93قالتلي لازم عطول تعملي منظار و نشيل الحمل بس انا اليوم ما رح اقدر اعملك اياها و حولتني على دكتور تاني مشهور كمان و فحصني و قللي احنا بهيك حالة ما بنعمل عملية بنعطي ابرة تانية وعملي صورة في مركز مختص و طلع الحمل في الانبوب اليسار. و رحت عندها الصبح و قالتلي اوك خدي الابرة و اعطتني اياها و قالتلي استني للاحد و ارجعي اعملي الفحص وازا ما نزل بترجعي للدكتور يعملك المنظار . انا بصراحة خايفة انبوبي ينفجر و اخسره مين صار معها متلي و الابرة التانية زبطت معها؟شو بتنصحوني؟؟؟ انا كتير خايفة و قلقانة hwaml93 |
رد: بعد سنتين من الانتظار حملت خارج الرحم
السلام عليكم و رحمة الله تعالى و بركاته
انا ايضا حصل لي نفس الشي منذ 8 شهور بعد سنتين من انتظار الحمل حملت و فرحت جدا لكن بعدها ابتدى يجيني الم جهة اليسار و ابتدى ينزل شوية دم ذهبت عند الدكتور و عملت تحليل الدم و طلع الهرمون اكثر من 3000 و للتاكد بعد يومين اعدت التحليل وطلع 5000 و عملولي سونار في المرتين و لم يظهر شي قالولي الحمل خارج الرحم و اعطوني ابرة الميتوتركسات لانزاله و اعدت التعليل بعد 4 ايام من الابرة طلع اكثر من 7000 فقال لي الطبيب عادي انه لازال يرتفع لكن بعد اسبوع يبدا في الانخفاض و اعدت التحليل بعد اسبوع و طلع اقل من 7000 فقالو لي لا تحتاجين ابرة اخرى و انا كنت حين اكتشاف الحمل في 7 اسابيع بعدها تابعت نزول الهرمون يعني ضروري المراقبة كنت في البداية كل 48 ساعة اعيد التحليل بعدها كل اسبوع او اكثر لكن انا كان عندي بينزل بطئ و فضل تقريبا 3 شهور الى ان وصل للصفر يعني ممكن ان ينزل للصفر في مدة اقل ممكن يا اختي ان يكون الهرمون مثلما حصل معي انه بعد اخد الابرة كان لازال يرتفع و بما اني عملت التحليل بعد 4 ايام عرفت ذلك لكن بعد اسبوع بدات تنخفظ يعني لو كنت انتظرت اسبوع كامل و عملت التحليل كانوا سيعتقدون انه لازال يرتفع لدي لكي تتاكدي هل لازال يرتفع ام بدا في الانخفاظ اعيدي التحليل بعد 48 ساعة للمقارنة ان شاء الله لا تحتاجي عملية ربنا يشفيك و يعوضك بجنين سليم معافى داخل الرحم |
رد: بعد سنتين من الانتظار حملت خارج الرحم
حبيبتي الله يفرجها عليكي
ويعوضك ان شا الله |
رد: بعد سنتين من الانتظار حملت خارج الرحم
شكلاا الكم صبايا...
انا المشكلة انه انا عملت التحليل بعد اسبوع من الابرة وكان لازم يبلش ينزل بس للأسف صار 3 اضعاف غير انه ما في دم عم بينزل,نور الهداية انت لما اخدتي الابرة صار ينزل دم؟ انا قبل الابرة كان ينزل دم بس بعد الابرة توقف الدم!!! الدكتورة قالتلي لازم من اليوم الرابع يبلش ينزل دم كعلامة اجهاض بس مش هيك صار معي و بعد اسبوع كان كتير زايد الهرمون هلأ الابرة التانية في امل تنزلي الهرمون؟؟؟خايفة ينفجر الانبوب ازا اتأخرت في العملية و اعتمدت على الابرة.hwaml80 |
رد: بعد سنتين من الانتظار حملت خارج الرحم
اقتباس:
و بعد الابرة لم يعد ينزل شي و بعد اكثر من 15 يوم ثم بدا ينزل دم الاجهاض وكلي امرك لله و ان شاء الله ما ينفجر الانبوب شوفي ان بعد الابرة كان الهرمون لازال يرتفع و عملت التحليل لمعرفة ذلك و كان 5000 و صار 7000 و بعد اسبوع ابتدى ينزل يعني لو كنت بقيت اسبوع ثم عملت التحليل لكن اعتقدت انه يرتفع و لكن انا كنت عملت تحليل في وسط الاسبوع لهذا عرفت انه ارتفع و بدا ينزل باي اسبوع انت ؟ ممكن يكون حصل معك نفس الشي انتظري 48 ساعة من اخر تحليل عملت ثم شوفي هل لازال يرتفع ام بدا في الانخفاظ و اذهبي للطبيب لكي يرى النتيجة لابد ضروري من متابعة الطبيب طوال المدة حتى ينزل الهرمون للصفر |
رد: بعد سنتين من الانتظار حملت خارج الرحم
شكرا الك نور الهداية انا اخدت ابرة تانية اليوم بدي استنى للاحد و اراجع الدكتور ان شاء الله ما يصير اي مضاعفات والحمدلله على كل شيء.
|
رد: بعد سنتين من الانتظار حملت خارج الرحم
الله يعوضك عاااااااااجل غير اجل والله يحفظك من كل شي يارب
حبيبتي لا توتري اعصابك انت ارتاحي وضلي متابعة مع الدكتور اكيد في حل للمشكله لا تخافي الطب كتير تقدم تاكدي بمشيئة الله ما رح يصير شي للانبوب خلي املك بالله كبير |
رد: بعد سنتين من الانتظار حملت خارج الرحم
شكرا كتير الك jojo ما بتتخيلي اديش كانت فرحتي لما عرفت اني حامل وبعد سنتين و بعد فشل محاولات أطفال الانابيب وبعدين تحولت الفرحة لحزن كبير . ان شاء الله يصبرني و يفرجها علي ويعوضني خير و يعطي كل وحدة محرومة يا رب و ما يحرم حدا من نعمة الامومة و الابوة.
|
رد: بعد سنتين من الانتظار حملت خارج الرحم
حسبي الله ياربي يعوض عليكي بتؤام ويرزقك الحمل السليم التام المعافى
|
رد: بعد سنتين من الانتظار حملت خارج الرحم
اقتباس:
السلام علكم علياء ما هي اخبارك؟ هل بدا الهرمون بالانخفاظ ؟ اتمنى تكوني بخير |
| الساعة الآن 04:42 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .