|
بافكاركم ونصائحكم ممكن تحل مشكلة النوم مع بنوتي
السلام عليكم حبايبي بتمنى تكونو بخير واولادكم بخير وبصحة جيدة انشاءالله ا[size="4"]نا عندي بنت ربي يحفظها من كل سوء عمرها سنة و3 شهور وقبل شهر رحت لعند الدكتورة قالتلي انو الظاهر بنتي ما بتزيد في الوزن لما كملت 12 شهر كان وزنها 9 وما زاد الا القليل القليل المفروض يصير 10 فسالتني عن الاكل والحليب .. الاكل الحمدلله كانت عم تاكل وكانت بترضع طبيعي وقالتلي اذا المشكلة بحليبك لازم تفطيمها وتعطيها حليب سائل للاطفال واذا ما شربتو اعطيها من حليب البقر للكبار وفعلا فطمتها والحمدلله بتشرب الحليب بالكاسة مرتين باليوم .لكن المشكلة صارت بالنوم وبالتالي الاكل ..نظامها كان ماشي هيك...بتفيق على الساعة 9 او 8 وبترضع طبيعي وبتتغدى على 12 وبتاكل فواكه على 4 والخضار على 7 والرضاعة على 9 او 10 وبتنام على طول بحضني اما بعد الفطام بتفيق على 11ونص او 12 وصار وقت غدائها هو فطورها حليب بالكاسة مع خبز وعلى 4 فواكه وعلى 7 خضرا وبتنام وحاولت امنعها من النوم بهاي الساعة ما استطعت بتنام وين ما كنت حتى لو بتلعب بتفيق على9 او 8 وبتظل تلعب لحتى بعد منتصف الليل وبتشرب حليب وبتنام... اما كيف صارت تنام ..فصارت تاخد مني ساعة على الاقل باخدها على السرير وبطفي الضو واعمل حالي نايمة وبتظل تلعب تلعب حتى تنام وحدها وبعدها احملها واحطها بالسرير ..وهي كانت بتنام من لما ولدت معي بالسرير بحضني وهاي غلطة ارتكبتها لحتى صار عمرها 10 شهور وتعبت كثير وسالت قالولي حطيها بسريرها ووروحي وخليها تبكي وحتنام وحدها وفعلا فعلت احطها بسريرها وبتظل واقفة عم تبكي وكل شوي اطل عليها وعيونها منتفخين وحمر ونا بصبر حالي بقول راح تتعود بس ما في فايدة وجعني قلبي عليها كثير ومع هيك بتظل تبكي وواقفة وما بتنام حتى لاحظت انو بكائها صار عصبي بتشد ايدها وبتضرب حالها خفت خفت كثير وقلت ابدا ما راح عيدها ... وهاي هي مشكلة بنتي اتمنى تفيدوني بنصائحكم المفيدة ووترجع بنتي تاكل مثل اول وتشبع نوم والله يجازيكم بالف خير وشكر[/size]ا |
رد: بافكاركم ونصائحكم ممكن تحل مشكلة النوم مع بنوتي
اختي مشكلة بنتك حسب مافهمت انو هي ماتنام الامعك ..
لانك عودتيها ع النوم دائما جنبك طيب شو رائيك تخلي سريرها ملاصق لسريركم بهالفتره يعني كل ماتصحى تلاقيك جنبها بالمكان لحد ماتتعود .. بالنسبه للاكل دام بدت تاكل واهم شئ تشرب حليب فماتخافي عليها انشاء الله وضعها طبيعي |
رد: بافكاركم ونصائحكم ممكن تحل مشكلة النوم مع بنوتي
شوفي اختي الاطفال كل فترة يغيرو نظامهم في كل شي في الاكل والنوم والقيلوله
انتي لما تصحى في ساعه بالصبح اعطيها حليب وبعد ساعتين اعطيها وجبة الغداء لا تلزميها بنظام اكل العائله لما تكبر بعدها عوديها شوي شوي وبالنسبه للنوم مافي شي لو طفلك نام جنبك انتي نيمها وخليكي جنبها هيا كدا تحس بالامان وبعد ما تنام روحي سريرك او حتى تشيلها وحطيها بسريرها وتأكدت انها نامت |
رد: بافكاركم ونصائحكم ممكن تحل مشكلة النوم مع بنوتي
يسلمووووو على الرد وفعلا يا أم فراس هي تعودت تنام جنبي من لما ولدت مشان هيك هلا باخدها على سريري وبتضلها تلعب حتى تنام وحدها حدي وبعدين بحطها بسريرها والمشكلة انو سريرها كبير وما عندي اتساع جنب سريري ولكان حطيتو من زمان وبتشكرك يا أختي عيش الحياة ومعك حق فكل كلمة بس انا ما بصحيها معي لما بصحى لانو بعرف انها نامت متاخرة بتركها لحتى تصحى على كيفها والدكتورة قالتلي انو لازم تاكل وجبتين خضار باليوم ومرة فواكه ومرتين حليب..........وبتشكركم مرة ثانية على المرور الطيب
|
رد: بافكاركم ونصائحكم ممكن تحل مشكلة النوم مع بنوتي
طيب يا أختي جربي صحيها معك بدري الصباح غيريلها و فطريها
مثلا إذا صحيتيها ٨ الصباح على ٨ ونص فطريها و علما تخلص فطورها ٩ خليها تلعب شوي لحتا تدوخ و ترجع تنام مثلا ١٠ بعدين ارجعي صحيها مثلا على ١٢ ونص و عطيها وجبة الغدا على ١ و خليها تلعب و على ٤ عطيها فواكه بعدين نيميها ٤ ونص إلى ٥ وعشر كذا بس ٤٠ دقيقه بس و لما تصحى عطيها حليب مع بسكوته و خليها تلعب ٧ عشيها شوربة خضار مع كويكب أو أي شئ خضار و على ٩ ونص عطيها حليب و فرشي اسنانها صدقيني ما بتصير الساعه ١٠ و بالكثير ١٠ ونص إلا بنتك نايمه و لازم يكون هدوء عشان تسحبها للصبح و هيك من نفسها رح تصير تصحى ٧ الصبح لان بتكون جوعانه و هيك نظامها بيترتب جربي مؤ خسرانه شئ |
| الساعة الآن 08:18 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .