|
عبادي نور دنيتي (اكشن ولادتي)
السلام عليكم
بكتب لكم قصة ولادتي ببكري (عبودي) انا بكرية من اول شهر بحملي جاني نزيف واخذت مثبتات والحمدلله استمر حملي طبعا دخلت شهري التاسع وماجاتني اي بوادر ولاده حاولت امشي بنهايه التاسع وجاني طلق متوسط لمده نص دقيقه وراح رحت اكشف بس بالسونار قالت الدكتوره مافي بوادر ولادة والرحم مانفتح الا مليمتر يمكن يعني مقفل وبعد اسبوع دخلت العاشر زدت كمية المشي لمدة 5 ايام كان يجيني طلق خفيف مرة قررت اغامر ورحت اكشف كشف داخلي بعد صلاة الجمعة التاريخ 6-12 قبل العيد باربع ايام وانا بالطريق حاولت ماافكر وقمت اقرا سورة الكهف وادعية وصلت وكان المكان هدووء ومافي الا 5 مريضات يمكن وقت مناسب اكيد كشفت علي الدكتوره السودانية وهنا جا الاحباط قالت مقفل مانفتح ولاسنتي والصراحة كان في ألم وطلع دم في يدها بس ماكان بذاك الرعب اللي الكل متخيله كانت يدها خفيفه ماشااء الله قالت يلا تخطيط واروح للتخطيط اللي استمر ساعة تقريبا قالت الممرضة خلاص تنويم انت دخلتي العاشر لازم طلق صناعي هنا بدا الرعب قلت لا ماابي طلق صناعي قالت رحمك مقفل مره متى يمدي ينفتح مافي وقت اطول الجنين بيتعب بعدين قلت والله مااتنوم الحين وطلعت على مسؤليتي وقمت ادعي اني اولد طبيعي بدون طلق صناعي وقلت لامي تكفين اليوم جمعة ووقت اجابه ادعي لي وقلت لزووجي يدعيلي وقمت اقرا سورة الزلزلة يوم جا المغرب رحت مع اهلي امشي حول مصلى العيد وافكر ياترى بصلي فيه العيد والا بولد قبل ومشيت بس 10 دقايق وتعبت وبردت كان الجو حلو وانا مزكمة وكحة المهم جاني طلق خفيف وقلت خلاص برجع البيت رجعت والطلق بدا يتزايد في العدد فقط لكن الالم الحمدلله كان خفيف وكل مازوجي قالي نروح المستشفى اقوله لا اصبر يزيد الالم وقلت لاهلي ماني رايحه اليوم ماابي اخوفهم بس قلت لامي يمكن اروح اتنوم ويمكن لا انت نامي ترى مافيني طلق بس اتفقت مع زوجي اروح الساعة 1 الليل ورحت كان الانتظار ملياااااااااااان حريم جايين يكشفون @-@ كان قدامي 6 تقريبا وبعدي اكثر كان عدد اللي جايين 31 حرمة وانا رقمي 20 ,,,, حسيت يوم الولادة العالمي كنت طول الوقت اطلق واتحمل واقول ادعية والطلق يزيد وصار ورى بعض والحمدلله ماكان مؤلم مره وهذا من فضل ربي بعد ساعة جا دوري وجاني الخبر السار كشفت وقالو انفتح 3 سنتي سبحان الله مغير الاحوال على طول قلت يعني مااحتاج صناعي؟ قالت لا ان شاء الله يلا تنويم فوق رحت وانا فرحانه صراحة ومتفائلة وقلت الحمدلله ماتسرعت الظهر وهذا بفضل الله والدعاء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ طلعوني فوق وكشفو علي مرة ثانيه قالو انفتح 4 سنتي وحطو التخطيط وكل مابشروني افرح واشكر ربي قالت الدكتورد بوسعه بيدي ووسعته وانفتح 6 سنتي والحمدلله وبعد ماوسعته بدت الالام تزيد طبعا اكثر شي يخوف بالموضوع ايش؟ الحريم اللي يصارخون بكل مااوتو من قوة كانت معي بالغرفة 5 يطلقون وبينا ستاير بس وكل وحده معها دكتورة والغرفة الثانية في 3 يولدو وكل وحده تقول شي اللي تقول يمممممممممممممه واللي تقول بمووووت واللي تقول خلاص ابي عملية الاصوات كانت مخيفة كاننا بسجن تعذيب وانا صامدة وادعي ان ربي يهون علي ويخفف الم الطلق ويسهل ولادتي كنت احاول قد مااقدر مااحط بال لاحد واكرس نفسي للدعاْء بدل الصراخ طبعا ماادري وش صار فيني من قوة الطلق صرت استفرغ كل شوي اجيب الزباله واستفرغ وجات الدكتورة تكشف وقالت ماشاْء الله انفتح 9 سنتي يلا غرفة الولادة والله فرحت اخيرا جا الفرج قلت 9 حلو بيطلع بسهوله ويااااااالجهلي!!! يتبع... لااحد يرد لحد مااخلص |
رد: عبادي نور دنيتي (اكشن ولادتي)
دخلت غرفة الولادة وكان فيها دكتورتين مصريين ودكتورة فلبينية
وممرضتين فلبينيات وممرضتين هنديات حطوني بسرير الولادة ورفعو رجليني و2 ماسكين ايديني وقالو كل ماجاك الطلق شدي بقوه لتحت كانك تتبرزي قلت اخاف يطلع براز قالو خليه يطلع المهم شديت كل ماجا الطلق اشد لحد ماقرب راس البيبي وقالو ايوا خلاص قرب اقوى وانا اشد وموراضي يطلع سوو جراحة لمنطقة العجان عشان يطلع وقالو شدي اقوى واشد وماطلع ): قالو يلا مويه الجنين نشفت ودقات قلبه ضعفت لو ماساعدتيني بيموت وخفت على ولدي حبيبي قلت بسوي المستحيل عشان يطلع واشد بقوة ااااااااااااااااااااااااااااااااااااااااه قالت بدون صراخ واشد وماطلع استمريت ساعة قالت الدكتورة للثانيه اضغطي على معدتها عشان يندف قالت لا عاوزة تورطيني دول حساسين قالت اضغطي ماعليكي وتضغط بقوه كانها تريلة فوق بطني حتى نطيت وارتديت ثانيه من قوة الضغط وقالت للثالثه يلا معها اضغطي وتضغط والا حسسيت شي طلع ودموعي تنزل وفتحت واشوف ولدي معلقينه من رجلينه الحمدلله يارب وربي شفته حسيت الالم راح كلها سبحان الله قلت لهم كويس؟ قالو ايوا والا شوي ويصيح وانا صحت معه كان شعور جميل جدا جدا والحمدلله كنت متوقعة الولادة اصعب من كذا؟ لاحد يرد في باقي |
رد: عبادي نور دنيتي (اكشن ولادتي)
طبعا قصو الحبل السري وراحو ينظفونه
واسحبو المشيمة وبدت تخيط كم غرة وقامت الدكتورة تفكر وتطالع وتقول(الله هو ليه رحمها ماشد ولانقبض؟) وتقوم تخضخض ببطني من فوق وتقول يالله فيها نزيف وانا قلت ببالي يالله ماخلصت المعاناه وتقوم تفتح الغرز مرة ثانية وتقوم تدخل يدها بقوة وتنظف وهنا قمت اصارخ واحس روحي طلعت وقالت خلاص اسكتي انظف رحمك فيك نزيف ومحتاج خياطة يالله حسيت بولد مرة ثانيه وربي يابنات الكل يخاف من الولاده بس الولاده طلعت ارحم من النزيف قمت اصارخ من الالم وهي تفتحني اكثر وتدخل ايدها وتخيط رحمي وبعدين قالت يلا معايا اعملي مساج لبطنك عشان يطلع الدم واقول ببالي ياسلام عليك انا فاضيه لك بس موقادرة اتحرك وتقوم تضغط بقوه بكل مكان لحد ماطاحت كتل وبدها خيطت العجان ونظفوني وراحو وخلوني رافعه رجليني والبيبي من بعيد يبكي والغرفة فاضية وااطالع فيه من بعيد بعدها قلت له عبوووودي وسكت وبطل صياح انا هنا طرت من الفرح عرف صوتي دموع الفرح نزلت وربي وجاو ونزلوني من السرير قالو يلا تروشي جيت اوقف دخت وصارت الدنيا تدور قالو خلاص ارتاحي اول بعدين تروشي ودوني غرفة كلها ناس ولدو وكل وحده ترضع البيبي وانا قلت وين ولدي قالو انت تعبانه اصبري شوي دخلت غرفة الولادة 9-وطلعت11) كان يوم السبت ص 7 ذو الحجة وجلست ساعة كل شوي اقول وين ولدي ازعجتهم خفت صار له شي لان الكل ولدو ورضعو وانا انتظر بس لحد ماجات الساعة وحده وانا مااعرف شكل ولدي ولاشفته وجالسه على اعصابي بعدها خلوني اتروش وكان قلبي يعورني موقادرة اوقف قالت الممرضه خلي الباب مفتوح وانا انتظر لاتتاخرين عشان ماتطيحين وطلعوني فوق قسم خاص مافيه الا حالات صعبة نزيف وعمليات وحوامل تعبانين مافي صوت اطفال ابدا وعرفت بدها ان حالتي غير موي الولادات الثانية طيب ياناس ابي ولدي ماشفته الا وهو يطلع بس ومالمسته ابد): جات الساعة -2 -3-4 بدت الزيارة واهلي جاو زاروني وراحو شافو البيبي بس قالو ممنوع التصوير وانا قلبي متقطع موقادرة اروح له بس كانت حالتي مستقرة نوعا ما جات الساعة 10 الليل وانتكست حالتي يتبع... |
رد: عبادي نور دنيتي (اكشن ولادتي)
ياقلبي انتي
حمدلله ع سلامتك ومبروك البيبي حسيت بمعاناتك الله يتمم عليك العافيه ويقومك بالسلامه بس تحمست كملي القصه :( |
رد: عبادي نور دنيتي (اكشن ولادتي)
10 الليل
زادت الكحه وكل مااكح انزف اكثر والجراحة تالمني تبع العجان وزاد المها وصرت مااقدر امسك نفسي واتبرز لاشعوريا من شدة الالم وكل يوم اروح اغير بصعوبة وبعدها صرت استفرغ مويه خضرا 5 مرات باليوم وكل يوم يزيد الاستفراغ كل مااكل شي استفرغ وصلت لدرجة اني اخذ العلاج واستفرغه من اول دقيقه وحطو علي مغذيات وابر وكل ماخلص المغذي ركبو ثاني باليوم يحطون علي 3 او 4 مغذيات ويدخلون فيها ابر وتقريبا 4 انواع حبوب يعطوني وشراب السعال والمرض يزيد معي وموعارفين السبب وتحاليل وحوسه وضغطي ارتفع مااعرف انام كل شوي ابره وتحاليل فوق كذا عروقي ضعيفة مايحصلون عروق نقبوني من كل جهه بس النزيف خف والكحه خفت والاستفراغ كل يوم يزيد وصار عندي بلغم وكتمه بالصدر وحطو علي البخار وقمت استفرغ وصل عدد الاستفراغ باليوم اكثر من 11 مرة حسيت اني خلاص بودع الحياه واهلي ضاق صدرهم علي حتي المويه اشربها واستفرغ على طول قام زوجي يقرا علي ويقرا بالمويه وانا بعد قريت والحمدلله بديت اتحسن يوم الاثنين تحسن بسيط جدا وقلت لهم احس بعد البخار خفيت يمكن البلغم هو السبب قالو بنكثف عدد مرات البخار وانت حاولي تمشين لو كم خطوه يمكن بمعدتك هواء مشيت الحمدلله لمده 3 دقايق يعتبر انجاز وقل عدد الاستفراغ صار 3 مرات بس وحسيت بتحسن جا يوم الثلاثاء اللي هو العيد فطرت واستفرغت ونمت من الفجر لحد 9 وسبحان الله صحيت وانا بتحسن كبير جدا اللهم لك الحمد وقالو بيطلعوني بس لازم يوقعو طبيب النساء وطبيب الباطنية جا طبيب الباطنية الساعه9 ونص كتب لي مضادات وشراب للسعال والبلغم وعطاني خروج علمت زوجي جا زوجي البارد الساعه 1 ونص الظهر لانه راح يعيد باهله واستدعو طبيب النساء عشان يوقع وماجا الا 2 ونص وقال معي فقر دم وكتب لي حديد وخلصنا اجراءات الخروج كلها رحنا نجيب البيبي قالو ماله خروج ): جاه بوصفار امس واليوم زاد ضاق صدري عليه بوسته وحاولت ارضعه مارضع ورجعته لهم وان شاْء الله اليوم يطلع بالسلامة دعواتكم.... |
رد: عبادي نور دنيتي (اكشن ولادتي)
(الملخص من القصة)
1- لاتتسرعون بالطلق الصناعي 2-لاتستهينون بالدعاء 3- الفحص الداخلي يساعد على فتح الرحم لاتتاخرو بالفحص. 4-لاتخافون من الولادة لانها ماتخوف وكل وحده يختلف المها عن الثانية. 5-اللي كاتبه ربي بيصير انا ماتعبت بالولادة تعبت بعد الولادة فموشرط الطبيعي راحة والعمليات عذاب. 6-المشي البسيط بعد الولادة بساعات يساعد على تفريغ الرحم من الهواء ويخفف الالم. |
رد: عبادي نور دنيتي (اكشن ولادتي)
ياحياتي
الحمد لله على سلامتك وسلامة عبودي هانت كلها كم ساعه وتروحي تجيبي احلى عبودي بالكون ربي يخيه لك قرة عين ويحميه من شر ك حاسد يااااااااااااااااااااارب والف الف الف مبروك ... كله باجره رب العباد ماراح يضيع لك اي الم حسيتي فيه ياقلبي <== عيوني دمعت وانا اقرى قصتك يااااااااااااااااااااااااااااااااااااااااارب هونها علينا وعلى كل حامل يارب |
رد: عبادي نور دنيتي (اكشن ولادتي)
ياعمممري يابيللي ..الحمدلله ع سلامتك ..وسلامة عبودي ..
ماشاءالله ربي سسهل عليك ..بعد تعبك بفتره الحمل .. وكل شي بأجره ان شاءالله .. بجججد عيوني دمعت ..لما ناديتي عبودي وسكت .. حسيت اني اشششششتقت لولدي.. ياربي لاتحرمني هاللحظه ♡ |
رد: عبادي نور دنيتي (اكشن ولادتي)
الف الف مليون مبروك وحمدالله علي السلامة وانشالله تروحين تجيبين احلا عبودي وينور عليكي بيتك باذن الله
|
رد: عبادي نور دنيتي (اكشن ولادتي)
الف الف مبروووك الحمدلله على سلامتك يتربى العريس بعزكم والله يخليه لك
|
| الساعة الآن 07:55 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .