|
تجربتي في مستشفى الازهار الطبي في حي النسيم
مساكم الله بالخير حبيباتي بصراحة راجعت المستشفى 3 اشهر فقط وبعدها هجيت عنه عقب ماشفت المصيبة بعدين راح اقولكم على المصيبة رحت عند طبيبة ناسية اسمها بالضبط بس مصرية علاجها نوعاً ما كويس بس ماحملت ولكن سالفة تبويض ماتبويض دخلت على طبيبة سودانية وللاسف اعطتني ادوية لهرمون الحليب والادوية هذي بناءً على تحليل سويته عندهم بس المختبر اعطى قراءة خاطئة للنتيجة وبناءً عليها اعطتني الدواء ماقولك انا مارتحت لها العلاج ورحت لاستشارية بالمستشفى العسكري وسوتلي تحليل وقالت سليمة الحمدلله الي ماخذت العلاج ! الاسعار جدا رخيصة بس قدام الخدمة ولا شي عدم اكثر شي تعبني قسم الاشعة كانت فيه وحدة ممرضة بالاشعة سعودية تناديني بصوت عالي وقدام المرضى والمريضات وتقولي روحي فضي المثانة عشان الاشعة المهبلية يالله يالاحراج وربي مافيه اي اسلوب hwaml03 لما دخلت الاشعة طبعاً مستحيل هي تدخل الاشعة عطتني جهاز السونار وقالتلي دخليه hwaml9 عاد انا كنت وقتها توني متزوجه وفيني خوف والله وقلت ماعرف دخليه انتي وتحاول تدخله وتتقرف وتسوي حركات كذا وكانها بترجع ! بذمتكم هذي طريقة وشغلة ممرضة ! طبعاً ماتحملتها وتهاوشت معها واشتكيت عليها عند مدير المستشفى وكذا مرة ادخل ابي اجلس على السرير ماتغير الفوطة حقت السرير ودائما القى عيها بول ووساخة بالاخير طلعت وحدة معها شهادة الكفاءة المتوسطة ومشغلها عنده ممرضة تخيلو بس ! انا استغربت انو ممرضة تتعامل مع المرضى كذا وغير كذا قالي المدير اصبري عليها تراها حرمة اكبر منك وعندها احفاد وهي شكلها فعلن كبيرة بالسن بس ليش يوظف ناس ماعندهم لا شهادة ولا كفائة ولا اسلوب ولا بتخصصات صحية بعد ! الشي الثاني نفس الاخصائية حقت الاشعة جنسيتها يمنية ! كذا مرة اسوي السونار عندها وربي انها تسوي السونار وطاقتها سواليف مع خويتها ! وتحرك السونار من دون لاتطالع بالشاشة ! وشكلها والله اعلم سجلت بالتقرير اي كلام ! hwaml4 بعد سالفة الممرضه هذي صرت اتوقع انو موظف ناس غير كفاءات المصيبة اللي بقولكم عليه اني مرة شفت سيارتين شرطة قدام المستشفى وساحبين لهم دكتور ومكلبشينه hwaml02 عاد طلعت اشاعات بعدها انو موظف حلاقين وسباكين عنده على انهم اطباء وياما ناس ماتو بالمستشفى ! الله اعلم عاد المهم انا كتبتلكم تجربتي عشان ماتتوهقون بهاالمستشفى وصاخة + كوادر طبية وصحية فاشلة + اجهزة طبية افشل من الكوادر الطبية ملاحظة : ترى ماحددت الجنسيات الا لاني مو ذاكرة اسماءهم وعشان تنتبهو لا تروحو لهم والافضل تبعدو عن المستشفى نفسه بالتوفيق حبيباتي |
رد: تجربتي في مستشفى الازهار الطبي في حي النسيم
اهلين حبيبتي
فعلا سمعت انه تجاري مو.طبي يتاجرون بالناس فيه حسبي الله عليهم انا قبل لا اروح.مستشفى اسوي بحث عنه واشوف افضل طبيب وإذا اخذت فكرة.اتصل آخذ حجز مستشفى الأزهار وحده تمدحه لزوجة اخوي وقرأت عنه لأن كانت بتروح.له اثرت عليها هالحرمة من زود المدح الله يسامحهم وزارة الصحة وينهم عن هالمستشفيات اللي مافيها طاقم.طبي الله يعيين بس |
رد: تجربتي في مستشفى الازهار الطبي في حي النسيم
اما تمدحلها المستشفى هذي وش شايفة فيه !
والله خليها تسوي زيارة وبتحكم عليه وساخة + وتشخيصات غير دقيقة + اجهزة طبية تعبانة + موظف ناس شهاداتهم لك عليها انصحيها او خليها تقرى موضوعي |
| الساعة الآن 09:03 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .