|
وزن بنتي
السلام عليكم
بنتي عمرها اربع شهور وللاسف وزنها ثلاث كيلووو طبعا من كنت حامل فيها ماتغذيت عدل بسبب النفسيه وكنت ارجع الاكل ولدتها بوزن كيلوين والحين بعد العناء يادوب صارت ثلاث ابي اكلات تزيد وزنها هي بسم الله عليها صحتها تمام ومافيها اي شي الا هالنقص ابي خبرتكم لان وربي من اشيلها اضايق من حالها من غير مقارانات الكبار مثل ماتعرفون يقارنونها ببنت اختي توها ماطلعت من الاربعين وزنها ثلاث كيلووو وربي مضايقه من حالها |
رد: وزن بنتي
اولا وش نوع الحليب اللي تعطينها يمكن ما استصاغت طعمه
ثانيه انتي اعطيها رضاعه.كل ساعتين حتى لو كانت نايمه وما تبغى رضاعه صلحيها وحطيها بفمها فيه انواع حليب زي ما سمعت ان سيميلاك وحليب نان تكبر الاطفال ويلاحظ.في وزنهم |
رد: وزن بنتي
الله يحفظ لك بنتك
بصراحة الوزن مايعتبر ذو اهميه بالنسبه لصحة الطفل اهم شي نشاط الطفل وتطور الحركي والفكري وانتي ذكرتي انها ولدت بوزن كيلوين يعني الحمد لله وزنها بيزيد وهذا الاهم والاطفال يختلفو في كل شي ولامجال للمقارنه بينهم لانه مقياس خاطئ اذا حاسه بنتك عندها استعداد للاكل فاعطيها وجبات بكميات قليلة وبالتدريج لكل نوع في سيرلاك لعمر اربع شهور موجود بالصيدليه تقدري تبدأي فيه ولاتنسي تبدأ بكميه قليلة وتزيدي بالتدريج حتى تتعود معدتها وكمان الفواكه مناسبه بعمرها مثل الموز المهروس وعصير التفاح الطازج والبرتقال ويجب تجربه كل نوع من الطعام لمدة اسبوع بعدها تبدأي بالنوع الجديد |
رد: وزن بنتي
استعمل حليب سيميلاك لهااوهي الله يحفظهاا ماتنتظر ساعتين من يخلص رضاعه نص ساعه بالكثير تطلب رضعه
واعطيها سيرلاك بالرز والذره تبع اربع شهوور بس حالها مايزيد وخايفه تكبر وهي كذاا |
رد: وزن بنتي
مدام تطلب الحليب وشهيتها متقبلة والحمد لله فلا داعي للخوف ابدا سبحان الله الجسم يطلب احتياجاتو من الجسم
اختي لا تفكري بوزنها مدام صحتها كويسه عشان قلق الام يأثر على الطفل خليكي راضيه وفرحانه ببنتك وستمتعي معاها بكل لحظة والصحة والعافيه اهم شي صدقيني الوزن مش ضروري مقابل الصحة تطور نشاط وحركة الطفل |
رد: وزن بنتي
قولي الحمدلله والشكر تراك بنعمه مدامه يشتهي ويجوع
انا طفلي وزنه الحمدلله كويس وصحته زينه بس من جبته بس يستفرغ والان بالسادس ولا يشتهي جربت له كل شي مهروس مو متقبل ابدا ويرضع 120مل كل خمس ساعات ولا يطلب رضعه ابد بالغصب ارضعه قسم اني اتحسر معاه حزنانه عليه جسمه رخو مررره حتى رجوله مايقدر يوقفهن ولا يثبت راسه كانه ابو شهرين وش يفيد الوزن |
رد: وزن بنتي
محبوبته
انصحك بفتامين د واعطيه جبن مثلثات او كيري ادهني زيت زيتون جسمو قبل النوم |
رد: وزن بنتي
اقتباس:
انا قالي الدكتور بنسويله اشعه نشوف ودي لو يصرفله فيتامين د وسبحان الله توي بفتح موضوع طفلي جربت ااذوقه امس لبنه وتقبله الحمممدلله بس خفت ماتصلح للي بعمره بس اكيد عندك خبره مدامك نصحتي فيه الله يجزاك خير ويوفقك ويرزقك كل ماتتمنين .. |
رد: وزن بنتي
اهلن اختي ادا تبين تزيدين وزن طفلتك اخذي رز مصري وفوحية و عقب اخذي الماي و سوي لها رضاعته فيه و الرز المصري ضربية ف الخلاط وسوي لها مهلبية و عليج با التمر كليوم عطيها اتختخ البيبي و هاي الاشياء الى تسمن بس سويتها الى بنتي بس اهي من النوع الا ماتسمن بس الى اعرفهم طبقوها و تختخو بيبياتهم
ادعي لي |
رد: وزن بنتي
الله يحفظ لك بنتك
|
| الساعة الآن 07:42 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .