|
بنات جدة وتجاربكم مع دكاترة اﻻطباء المتحدون udh
السﻻم عليكم بنات جدة ..
في كم موضوع شفت تجارب في مستشفيات جده وخاصة المتحدون فحبيت انو يكون الموضوع هادا مرجع لكل وحده محتاره زيي كل وحده تكتب تجربتها الشخصيه مو كﻻم احد تنقلو وياليت كل وحده ترد تجاوب على دي اﻻسئله .. وادا ماعندك خلفيه ﻻ تردي عشان يكون الموضوع شامل .. اسم الدكتوره : وللدتك وﻻ ﻻ : كيف خياطتها : كيف كانت بأيام المراجعه : عندها زحمه او ﻻ : مﻻحظه : طبعا ما نزلت الموضوع اﻻ من حيييرتي قربت الوﻻده ودكتورتي سافرت ومو عارفه اروح لمين وعندهم ماشالله اكتر من 12 دكتوره |
رد: بنات جدة وتجاربكم مع دكاترة اﻻطباء المتحدون udh
وعليكم السلام ورحمة الله وبركاته
يسعدني أني أكون أول من يرد على موضوعك ومن خلال تجربتي الخاصة أنا ولدت لي شهر الحمد لله وجبت يزن الله يخليه لي يارب ويقومك بالسلامة حبيبتي والله كنت مثلك محتارة ومو عارفة وين أولد طبعآ من بداية حملي وأنا أراجع عند الأستشاري أسامة باجو في الأطباء المتحدون بس المشكلة اذا أنتي على التأمين هو مايولدك لازم وقت الولادة تطلبية بالأسم وتدفعي 4000 كاش لأنه طبيب خارجي بس للآمانة تعاملة جدآ ممتاز وراقي المهم وقت الولادة دخلت المستشفى وولدت على يد الدكتورة أمل صفوت والحمد لله قمت بالسلامة الولادة كويسة والخياطة ممتازة والأهتمام رائع وراقي لدرجة أني تمنيت أقضي الأسبوع الأول كله في المستشفى هاذي تجربتي وربي يقومك بالسلامة وتشوفي مولودك بألف خير... |
رد: بنات جدة وتجاربكم مع دكاترة اﻻطباء المتحدون udh
هلا حبيبتي موضوعك جميل جداً ومرتب
ومفيد باذن الله انا للاسف من بنات الرياض ولكن اتمنى جميع صبايا جدة المشاركة بتجاربهم والافضل تكون تجارب جديدة وفرش موفقة حبيبتي ***** |
رد: بنات جدة وتجاربكم مع دكاترة اﻻطباء المتحدون udh
انا كمان قررت اولد بالاطباء وكانت مراجعتي عند دكتورة هية فؤاد بس بسبب مواعيدها قررت اغير وبالمراجعه الجاية بروح عند امل صفوت طبعا مدحتلي هي سلفتي لانه ولدت عندها تقول خياطتها نظيفه ومااشتكت من اي شي بالولادة ماشاءالله
|
| الساعة الآن 02:18 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .