![]() |
جاوبوني بلييييز..
سلام
انا ولدت مبكر ..في نهايه السادس وتوفى البيبي..ماحابه اعطي تفاصيل لأنها تعور القلب..والكل يقول لي احمل احين وانا خيفه تنعاد المأساة واولد مبكر و يتوفى البيبي مره ثانيه ..(يقولوا اللي تولد مبكر اول مره تنعاد وياها ثاني مره وابكر من قبل)مالي خلق مصايب جديده وتوني طالعه من اكبر مصيبه بحياتي مين ولدت مبكر والحمل اللي بعده تم على خير؟؟؟مافي خطر علي ولا على البيبي؟؟؟ متى ممكن احمل مره ثانيه ..مع ان ماعرف اسباب الولاده الأولى؟ ردوا علي وطمنوني بليز |
رد: جاوبوني بلييييز..
ماعليك من كلام احد
انتي حملي وربي يتمم لك على خير يااارب |
رد: جاوبوني بلييييز..
أولاً ربي إن شاء الله يعوضج بالحمل السليم التام والذريه الصالحه ..
ونتي ماعليج من كلام أحد و الأهم ولكلي أمرج الله وإذا لحد الحين نفسيتج تعبانه أجلي الموضوع لحد ما ترتاحين وإن شاء الله ربي يرزقج بالي تتمنينه ,, |
رد: جاوبوني بلييييز..
انتي اقري عى نفسك والاروووحي حق مطووووووع والله يرزقك بالذريه الصالحه
|
رد: جاوبوني بلييييز..
الله يرزقك الذريه الصالحه وتوكلي على الى عينه
ماتنام والله يعوضك بالى راح بس ارتاحي نفسين ثم احملى وان شاء الله يتمم حملك بالصحه |
رد: جاوبوني بلييييز..
احملي وماعليك من كلام الناس ....توكلي على ربك ...وادعي ربك اخر اليل وربي ماراح يردك خايبه
الله يرزقك ويتمم عليك وتفرحين بشوفت طفلك يارررررب |
رد: جاوبوني بلييييز..
تسلموا لي ماقصرتوا
بس انتو مافهمتوني...انا ابي اعرف اذا حملت احين في خطر اني اولد مبكر مره ثانيه؟؟ |
رد: جاوبوني بلييييز..
بس يعني مافي اسباب تعرفينها كيف توفى
وزي ماقالو لك الخوات ارتاحي نفسيآ ووكلي امرك لربك ومارح يصير لك الا الخيروسئلي الدكتوره هل فيه خطر او لا لاني بصراحه ماعندي خبره بهالامور بس لاتخلين الدعاء |
رد: جاوبوني بلييييز..
حبيبتي الله يعوظج خير انشالله عصفور بالجنه ,(( رددي اللهم اجرني في مصيبتي و اخلفني خير منها)), بالنسبه حق الحمال انا سامعه من دكتور ان فعلا الولاده مبجر الحمله اللي وراها اذا على طول هم تصير مبجره وقال ان لازم يكون في راحه 6 أشهر عشان يرجع الرحم و يقوا بعدين تحملين مره ثانيه و في دكاتره يقولون عادي ما يأثر بس انا انصحج تنطرين 6 أشهر عشان لا ينعاد الموقف الاليم مره ثانيه انتي مو ناقصه انا بنت عمتي اجهضت 5 مرات و في منهم نفس حالتج توفى و دفنته لأنه دكتورتها قالتلها عادي حملي بس لمن ريحت رحمها اشوي يابت بنوته اشحلاتها والله يصبر قلبج يا رب
|
رد: جاوبوني بلييييز..
مشكورين
أم ياسمين:انا من ولدت صار لي3 اشهر وحالياً ابلع منع حمل وافكر اتركهم على نهاية ذي القعده ولا ادري الشي اللي اسويه صح ولا لا وسألت الدكتوره قالت عادي مافي مانع مع ان اكثر من مره اقول لها ابي اعرف سبب الولاده ولا تسوي شي |
الساعة الآن 08:57 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .