|
هل حجم البطن له علاقة بحجم الجنين وماهي نصائحكم لشهر التاسع؟؟
السلام عليكم
انا في الاسبوع ال35 .. وام زوجي دايم تقول لي بطنك صغير ولدك بيطلع حجمه صغير غير عن مرة حماك بطنها اكبر منك واجسسن وهذا الكلام يضايقني كثير ويخليني اوسوس على البيبي . ابغا اسال كلامها صحيح حجم البطن ياثر على البيبي ولا كيف ..؟!! وثاني طلب مني ..! بما اني على مدخل الشهر التاسع ابغا تفيدوني بنصائح للشهر التاسع ( كم مدة المشي _ التغذيه _ الصوم احس بهبوط وضعف بجسمي لدرجة ما اقدر اوقف على رجولي هل يجوز لي الافطار بها الحاله _ وش ممكن اتعرض له بها الشهر من آلام ؟ _ ممكن تجيني ولاده قبل الموعد المحدد ؟!!)..؟ الله يخليكم ردوا علي محتاااااره مررررررررره لاني بكريه . |
رد: بداية التاسع .. بكريه محتاره تعالوا فيدوني
بالنسبة لام زوجج .. اسمحي لي اقولج ماعندها سالفه ... لانه اهيه مب دكتورة وكبر حجم البطن مب دايمن شي صحي .. انا اعرف وحدة شخصيا ... بطنها كان كبيررررررررر ويوم ولدت كانت بنتها صغيرررررره .. وبالنسبة لاسألتج اول شي لازم تمشين لمده ساعه متقطعه ولكن لاتبتدين مره وحدة ... يعني تدريجي .. كل يوم زيدي المده شوي والاكل عادي بس كثري من الرطب وبالنسبه للصيام اذا ماقدرتي تواصلين اكيد جايز لج تفطرين .. لاكلف الله نفسا الا وسعها
والآلام ممكن الام بالظهر وبالبطن لمده قصيره وتروح وممكن ضغط بالحوض .. ويمكن آلام مختلفه بس انتي لاتخافين والولادة شي بعلم الغيب ... بس كوني مستعده بأي وقت من بعد ال 37 اسبوع هذا اللي اعرفه وربج يسهل علينا وعليج وع الجميع ان شاء الله |
رد: بداية التاسع .. بكريه محتاره تعالوا فيدوني
تسلم يمينك يالغلا
ماننحرم |
رد: بداية التاسع .. بكريه محتاره تعالوا فيدوني
لاتشيلين هم حبيبتــــــي والله بطني كاااان مرررة صغير وجبت ولد ماشاء الله
وزنه2ونص وهذا الوزن الطبيعي ْْْْْْ والبكرية بطنها يكون كذاااااا..... الله يسهل ولادتك وييسر عليك...آآآآآآآآآآآآآمينْْْْْْْْْْْ |
رد: بداية التاسع .. بكريه محتاره تعالوا فيدوني
لاتقلقين يالغاليه عادي انا فحملي يكون بطني صغيربس اجيبهم اوزانهم 3 و2ونص كبر البطن اوصغره ماله دخل بحجم الجنين ولاتخلين كلام ام زوجك ياثر فيكي ماعليك من كلامهاانا كانت تقولي هالكلام قلت مو مهم حجم البطن المهم يكون الجنين طيب وبخيروش فايده الكبر لو كان مريض ولافيه شي الله لايقدر وسكتت ماعاد تكلمت بهالموضوع وانتي اسئلي الدكتوره عن وزن البيبي وحجم البطن ادا له دخل اولا وراح تاكد كلامي
الله يسهل عليكي ويرزقك بطفلك سليم معافى |
رد: بداية التاسع .. بكريه محتاره تعالوا فيدوني
خيتوو مثل ما قالو الخوات حجم البطن ما يخصه بوزن البيبي
وحاولي تمشين بعد الفطور وتاكلين اشياء مفيدة واذا ما قدرتي اتصومي اتوقع عادي تفطري |
رد: بداية التاسع .. بكريه محتاره تعالوا فيدوني
حياتي الله يسهل عليج انشالله انتي بأي أسبوع من الحمل بالضبط وبالنسبه للكبر موشرط في حريم بطنهم كبير ممكن يكون كرش ممكن تكون متينه وممكن وأكيد ماي البيبي مع المشيمه سبحان الله يكون أكثر من الي بطنها صغير ومدام البيبي الحمدلله بخير ويتحرك كويس خلااااااااااص لا تسمعين أحد
|
رد: بداية التاسع .. بكريه محتاره تعالوا فيدوني
انا في الشهر الاخير والصراحة دكتوري قلي افطري احسن لي وللجنين واذا انتي تستحملي الصيام الجنين مايستحمل
الله يسهلك ويسهل علي بكرة يمكن يولدوني بعمليه او طلق صناعي لأني خلصت التاسع وماولدت ادعولي جزاكم الله خير |
رد: بداية التاسع .. بكريه محتاره تعالوا فيدوني
انشالله تولدين بالسلامه يا قلبي ويسهل
|
رد: بداية التاسع .. بكريه محتاره تعالوا فيدوني
انتي بكرية وطبيعي يصي بطنك صغير
انا مرة اخوي كانت حامل بتوأم وبطنها كان مره صغير ولا احد درى فيها لانها بكرية |
| الساعة الآن 07:31 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .