|
بعد تحليل الهرمونات شو يجي وشو ممكن تقول
مرحبا عسولات اكيد الي عندها تاخر حمل ( ربي يرزقكم ويرزقنا ) سوت لها الدكتوره فحوصات انا اول شي سوته قالت تحليل هرمونات لي ولزوجي طيب بعد التحليل شو يجي ؟؟؟؟؟؟ ابي اعرف خايفه شو ممكن تقول اعطوني تجاربكم وكل وحده شو قالت لها الدكتوره انتظركم لا تطنشوني |
رد: بعد تحليل الهرمونات شو يجي وشو ممكن تقول
شنو خايفه منه ؛)
شوفي حبيبتي بقولج عن مفسي لاني ما ادري يمكن لكل دكتورة نظامها اول شي على حسب نتايج التحليل اذا فيهم خلل لاقدر الله تصرف لج علاج. اذا سليمه ان شاء الله اتوقع تتابع معاج التبويض عبر السونار وممكن تواعدج ثاني يوم مٍْْـٍْْ♡̷̴̬̩̃̊ـٍْْن الدوره تشوف وضع الرحم عندج والله اعلم |
رد: بعد تحليل الهرمونات شو يجي وشو ممكن تقول
تسلمي للرد ومشكوره بنات اطرحو لي تجاربكم ابي استفيد واتعلم منها hwaml13 |
رد: بعد تحليل الهرمونات شو يجي وشو ممكن تقول
شوفي حبيبتي مثل ماذكرت اختي عاايشة بارك الله بيها
بعد ماتشوف تحاليل الهرمونات اذا لاقدر الله بيها اي خلل راح تكتبلكم علاج واذا مابيها خلل ، راح تتابع التبويض عندك بالسونار وتشوف وضع المبايض والرحم وحجم البويضة ،واذا كل شي سليم حتطلب منك تسوين اشعة الصبغة حتى تتأكد من سلامة الانابيب عندك.... وزوجك يتأكدون من سلامته من خلال تحليل للحيوانات المنوية .. وبأذن الله ماتحتاجين كل هذا وتصيرن حامل هذا الشهر اللهم آمين يااااااااارب العالمين.. تحياتي♥ |
رد: بعد تحليل الهرمونات شو يجي وشو ممكن تقول
هو شي يقلل ويخوف بس بعدها ترتاحي نفسيا لانك عرفتي لاقدر الله المشكله منك او من زوجك الله لايقوله
واحسن ماتبدي منشطات وكلام فاضي ناس كثير الله يهديهم مايفكرو بعقلانيه في موضوع تحليلك وتحليل زوجك وهو اهم |
رد: بعد تحليل الهرمونات شو يجي وشو ممكن تقول
ربي يسعدكم طمنتوني بتجاربكم ربي يرزقكم يارب هالشهر بطفل يملا عليكم حياتكم يارب |
رد: بعد تحليل الهرمونات شو يجي وشو ممكن تقول
السلام عليكم ... انا تقريبا صار لي 5 شهور اتابع هالموضوع مع الدكتوره
اول شي رحت عشان انظم دورتي عشان احمل اول شي طلبت مني تحاليل الهرمونات ... عملتها ولله الحمد كل شي سليم بعدين طلبت مني اعمل تحاليل للتبويض .. عملت و طلع عندي ضعف شوي في التبويض عطتني حبوب كلوميد استخدمته 3 اشهر ولا نفع معي ما تغير شي نظم الدوره بس انتظمت 3 شهور الوقت اللي كنت اشرب فيه الحبوب عملت لي بعدين تحليل الغده الدرقيه .. والحمد الله طلع سليم مافي شي بعدين انقطلع الدوره 4 اشهر قالت لي تبي تسوي لي سونار مهبلي عشان تشوف اذا في تكيس او لا عطتني حبوب ينزل الدوره اشربه 5 ايام و بعد 3 ايام او 5 تنزل الدوره و يوم ال12 من الدوره اروح وتسوي لي السونار طبعاً اسوي اليوم ال12 يعني احسب من اول يوم الى 12 ورحت وعملت لي سونار والحمد الله مافيني تكيس بس التبويض لازال ضعيف شوي قالت لي خلي زوجك يفحص افضل .. بس زوجي للحين مافحص .. و اول يوم من الدوره الجايه اروح لها ومعاي تحاليل زوجي .. وتشوف اذا مافي مشاكل ان شاء الله مافي بتعطيني كلوميد استخدمه شهر واذا مانفع معي لا سمح الله بتعطيني ابر تفجيريه عشان الحمل وبس وسوري ع الاطاله بس حبيت اعلمك ويش اللي صار معي :) مع العلم اني حملت مره و سقطت قبل سنه وشوي |
رد: بعد تحليل الهرمونات شو يجي وشو ممكن تقول
ماراح ازيد عن كلام البنات شي ....
تشوف النتايج اذا سليمين بتابعلك التبويض... واذا لاقدر الله فيكم شي علاج .... وبعدها ان شاء الله نباركلك بالحمل يااااااااااااااارب |
رد: بعد تحليل الهرمونات شو يجي وشو ممكن تقول
مشكورات ياعسولات استفدت من تجاربكم وطمنتوني لاني كنت مره خايفه لان احسها تجربه جديده |
رد: بعد تحليل الهرمونات شو يجي وشو ممكن تقول
الله يرزقك بالذريه الصالحه ياررب
|
| الساعة الآن 08:36 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .