منتديات حوامل النسائية - 仒﹁أنت عروس --نصايح من تجاربنا في الحياة الزوجية--هذي النصايح ولا فلااااا﹂

::

عآده اول سنه تعتبر اختبار الحياه .. لو نجحتي فيها بأمتياز معناته حياتك باذن الله راح تكون اوكي .. مالم تتعرض لظروف أخرى ..hwaml7
أغلب البنات يحسون ان اول سنه كلها دلع .. في الحقيقه لا .. hwaml4
كثير قالو ان اول شهر وبعده اول مانرجع للديره والدوامات نشعر بكآبه فضيعه .. خلينا نقول او 3 شهور

معناته وقتها وضعك بيكون أوكي .. انتي الحين دورك تبحثين عن الاكشن بحياتك hwaml9

يعني تحارشين زوجك بحفلات نص كم من فتره لفتره .. ترجعين لعلاقاتك الاجتماعيه اللي تركتيها وقت التجهيز وايام الزواج .. hwaml19

ترجعين انتي مثل ماانتي .. لاهتماماتك وميولك .. افلامك ومسنجرك
hwaml10

- كثير اشوف بنات يتشكون من ركبهم او بشراتهم او كرشاتهم

ايه معليش بيننا وبين بعضنا اوكي
لكن قدآم المحروس أوعي

مثلا لو قال لك : وش هالحبه اللي طالعه بوجهك .؟؟ انتي خليك كذا

قولي هآه غريبه من وين طلعت ؟؟؟ انا طول عمري ماتطلع لي حبوب .. بس يمكن تغير هرمونات
اضغط على الصورة لفتحها بصفحة مستقلة

لاتعطينه اي مجال يعلق على اي شي بشكلك .. خصوصا وانتي عروس ..
لا تعطينه فرصه ياخذك نكته السهره ويعلق على شعرك او ركبك او اي شي فيك ؟
لانهم اذا تمادو تمادو .. عآد الله يصلحهم تنكيتهم شين ويفشل hwaml8hwaml21

خلي رده فعلك عنيفه وصارمه واقطعي هذي السالفه عشان ماتحوم كبدك وياخذ ملطشه كل يوم ينكت عليك

اقنعيه بطريقتك ان كل شي فيك مقيوس بالملم وانك الشي المثالي بالدنيا

- خليك دايم فوآحه وزي الورده .. نظيفه وتفتحين النفس .. وطالبيه يكون نفس الشي ..
كل هذا يعكس على علاقتكم ونفسيتكم وتقبلكم لبعض ...
وخلي كل فتره بحياتك نوع عطر معين .. عشآن يربط ذكرياتكم بريحه العطر .. وتقدرين تستغلينها لصالحك

مثآل : اذا زعلان وتبين تراضينه استخدمي عطر كنتي تستخدمينه وانتي عروس صدقيني له اثر فعآآآل بنفسيته hwaml16hwaml27

واهم شي يابنات الشعر .. احزن اذا شفت وحده متزوجه وساقها والا يدها فيها شعر ..

الله لايبلاني .. بس ليه .. يختي ربي منعم عليك اذا متعيجزه تشيلين جيبي وحده تشيل لك ..؟؟
اضغط على الصورة لفتحها بصفحة مستقلة

بليز بنات ترى الحريم يقرفون عآد وشلون الرجل ؟؟؟

- خليك مثل الزبده بين يدينه ..
اذا مانتي نعومه تعلمي النعومه من الحين .. خليك رقيقه .. دلوعه .. حساسه ..

خليه اذا شافك يقول وه بس hwaml03hwaml23

اذا جلستو بجنب بعض تسولفون خليه كل شوي يقول لك ايش حياتي ارفعي صوتك

العبي بنبرات صوتك .. خلي صوتك دافي حنون .. ترى رجالنا مساكين يخقون على اي شي ..

خلي لمستك حريريه ..

وانتم بالسوق مو لازم تهابدين وتراكضين ترى المحلات مو طايره امشي حبه حبه بس عاد لاتزودينها مره
عشان مايمهن كترك خخخخخخخخ

لو مثلا كنتو بسوبر ماركت .. وعجبك نوع شامبو وبتاخذينه .. قولي له بهمس حبيبي جيب هذا واشري عليه

لاتمدين يدك زي الهبلا وتحطينه بالعربيه

الانوثه يابنات سلاح .. وسلاح قوي جدا .. hwaml12
انتبهي تفقدين سلاحك .. بصراخك قدامه سواء عليه او على احد غيره

- حسسيه انه هو ابطل واحد بالعالم .. هو اللي يعرف كل ابو شي .. هو اللي يدل اي شي ..
هو اللي يفهم لاي شي ..
حسسيه انك محتاجه له مو لضعفك بس لقوته

حتى لو لابسط الامور .. يعني مثال : وانتي تقطعين السلطه انجرح اصبعك جيبي البلاستر وخليه يلصقه لك ..
جيتي بتفتحين علبه جبن ماقدرتي نادي عليه واذا هو عجاز وديه له بالصاله وقولي افتحه حبيبي ماقدرت عليه

واذا فتحه .. سمي عليه وقولي عسى ربي يخليك لي ..

- اذا دخل وطلع اشتغلي استقبل وودع .. عوديه يدخل عليك ببوسه ويطلع ببوسه
وخلي الدعوات تحفه يمين وشمال .. وعسى ربي يخليك لي ولا يحرمني منك .. وانا وش اسوى بدونك ..
كثير متزوجات يأكدون الشي هذا ..

ترى الرجال يحبون النفخ والتمديح وانتي مو ضارك شي ..
اشتغلي مدح وادعي له بتكسبين : اجر + رضى زوجك + دعاء مجاب بأذن الله ..

- الرجال عاده مايحبون البنت اللي دايم نكديه ومعبسه .. حتى حنا مانحبها

خليك دايم مبتسمه .. وتذكري انها أجر + رضى زوجك + تنالين قلب زوجك hwaml13hwaml29

والفائده ايضا انه لو صار يوم وتضايقتي من شي وجا ولقاك معبسه بيعرف انك متضايقه .. يعني فرق لو كنت كل يوم معبسه
اضغط على الصورة لفتحها بصفحة مستقلة

- القناعه يابنات ..
كل وحده وافقت على خطيبها عن قناعه تامه صح او لا ..
معناته ارهاق كاهله بالطلبات والاماني المستحيله شي مكروه في الحياه الزوجيه ..
ابعدو عن المقارنات .. زوج صديقتي او زوج اختي او اخوي او ابوي ..
كل واحد وطريقته بالحياه .. واعرفو ان المقارنات بدايه فشل الحياه الزوجيه ..

خلي الزن والحن على جنب .. ترى تكره الرجال في زوجته ..
واعرفي متى تختارين الوقت المناسب للطلبات

- الاسرار يابنات ..
وهنا عندنا سرين اثنين

سر اهلي مايطلع لزوجي مهما كان ..
وسر زوجي مايطلع لاهلي مهما كان ..

وطبعا عارفين العواقب الوخيمه نتيجه افشاء هذي الاسرار

- اهلك واهلك واهلك ..
تكفون بنات .. اتركو الاهل على جنب .. لاتسبين على اهله كل شوي .. ترى الرجال يشوفون ويعرفون .. ممكن يسكت ومايوضح شي بس هو يشوف كل شي قدام عينه ..

- خلي لك رأي واضح .. وكلمه مسموعه ...
ابدي رأيك حتى لو بشي تافهه ..
ترى الرجال موتهم ولا كلمه بكيفك

لو قال لك تبين مقلي او مشوي وقلتي بكيفك .. تدرين وقتها وده يسطرك كف

اي شي يسالك عليه عطيه رايك بشكل واضح وعلميه انك واثقه من قراراتك ..
حتى لو بنقاش اوبأمر مفروغ منه مثلا بيفرض عليك شي معين ابدي رايك قولي له هذا رايي بس عشان زوجي ولازم اطيعك بسوي كذا عشانك

وبعدين يابنات اعتمدو وسيله الاقناع .. ترى البكاء ممكن ينفعك او شهر او شهرين بعدين خلاص ..
والعناد مايجيب نتيجه مع الرجال.. بس الكلمه الحلوه والاسلوب الحلو يذبح الرجال

- اقتحمي اهتمامات زوجك .. شوفي وش يحب .. يعني يحب السيارات خليك مطلعه على السيارات عشان تكونين معاه بالجو ..
او مثلا زوجك هلالي افهمي الكوره شوي حتى لو كنتي ماتدرين وش يعني رأس حربه ..
مثلا لو فاز الهلال البسي ازرق وابيض وحملي اغاني الهلال ع اللاب توب وسوي سفره زرقاء وانبسطي وعطيه جوه

- ااذا شفتي زوجك جاف .. مايقول كلام حلو ..
عوديه ... وبيتعود

زوجه اخوي انصدمت بزوجها .. مايعرف يقول كلام حلو .. جاف جدا جدا

صبرت وثابرت .. كانت اذا جت تناديه تقول له ياروحي ياحياتي ياعيوني ومايأست .. سنه سنتين ثلاث وهو بدا يقول لها كلام اطلق منه

وتذكري دايم زوجك على ماتعودينه ..
حتى بالهدايا ..
اذا طلعتي سوق مع اي احد لاتنسين تجيبين له شي حتى لو تعليقه جوال ..
واذا عطيتيه قولي له تصدق مانسيتك ومو هذا قدرك ..

صدقيني بيذكرها لك ..

مثلا لو كنتي عند اهلك واختك جابت حلى غريب او بسكوت جديد خوذي له وعطيه قولي له اشتهيته لك وقلت لازم اوريك اياه

صدقيني ماراح ينساها لك hwaml7hwaml51

ولو يشوف تمر برحي جايبه ابوه من المزرعه بيجيبه لك ويقول ذكرتك ياعد شظافي

- اذا تضايقتي من اي شي .. لازم تقولين له .. ترى هالشي ضايقني بس بأسلوب حلو وراقي ..
لانه لو سكتي وحكيتي بعدين بيقول لك ليه ماحكيتي من اول

ماراح يقول شكرا لانك صبرتي علي

مثلا اذا كنتي تعبانه او مرهقه مو لازم تسوين غداء
انا ماحب الحرمه اللي تسوي هيرو بالبيوت وتمثل دور الضحيه ..

عشان شفني يعني تعبانه ومسوي الغداء لك ومنظفه البيت ..
لانه المره الثانيه لو ماطبختي بيقول واذا تعبانه خير ياطير ..
عادي تعبانه علميه انك تعبانه وماتقدرين تتحركين وتدلعي .. بس لاتزودينها

منقووووول