|
ولدك شارب مويه يوم كان فبطنك ..تعالي شاركيني معاناتي
السلام عليكم بنات
ببدا معاناتي مع ولدي الله يحفظه تاخرت عن موعد ولادته 10 ايام وتبرز فبطني وشرب من المويه وانتم بكرامه وقت الولادة ع طول اخذوه ع العنايه وشفطوا كل المويه يعني سووا له غسيل معده تقريبا وحمموه ع طول . المهم من جبته للبيت الولد مزكووووووم وصدره يخرفش وخشمه بس مسكر ولاجيت ارضعه يطرش ع طول لانه مايقدر يتنفس من خشمه .. اللحين عمره 3 شهور وشوي وللحين اعااااني معاه بلغم واي تغير بالجو ع طووول يمرض ويزكم ويديه بلغم قووووي تعببببت معاااااه ،، ابي حل وديته لكل المستشفيات يعطوني ادويه ومضادات ماتنفع ويقولون مع الوقت يرووح متى ؟ ويأثر عليه ويجيب له ربو .. لان نفسه بس طااير وصدؤه يخرررفش اعطيته بخار 4 مرات قالي الدكتور مايصلح كثرته قلت وش اسوي ابيه يرضع عجززت معاه مع ان صحته كويسه الحمممدلله بس التطريش لابددد منه يومياااا ادري طولت بس الله يوفقكم دنيا واخره ماعندي غيرككم يفيدني اكيد فيه منككم ججربت معاناتي وعندها خبررررره لاتبخلون علينااا الله يجزاكم خيير |
رد: ولدك شارب مويه يوم كان فبطنك ..تعالي شاركيني معاناتي
الحمدلله على سلامتك حبيبتي والله يخليه لك ياررب
أنا بكريه وولدت قيصري لأن ضعفت نبضات بنتي وتوهم يكتشفون ضيق الحوض هذا كلامهم برضوو ملاحظه على بنتي من يومين خشمها مسكر وتخنخن ماتقدر تتنفس انا قلت يمكن من التكييف والبروده وبصراحه خفت من كلامك يسبب ربوو اذا اهملناه مدري بشوف ان ماخفت بوديها دكتوور وبالنسبه لولدك لاتعطينه بخار انتبهي زي ماقالك الدكتور مو زينه كثريته والتطريش أنا بنتي مثل ولدك بعد كل رضعه لازم تطريش حتى مايبقى في معدتها شي وتجووع الدكاتره أهم حاجه طمنوك مع الوقت يرووح لاتخافين ولاتكثرين له ادويه بس سخني زيت زيتوون ودهني جسمه كله وخصوصااا صدره ودفيه كويس ان شاء الله قدامه العااافيه وشوفي اسبووع ان ماخف وديه لدكتور ثاني استشاري اطفال أفضل |
رد: ولدك شارب مويه يوم كان فبطنك ..تعالي شاركيني معاناتي
اهلآ اختي .. بالنسبه للماء اللي شربه ابنك ماعاد منه خوف ولا عاد تفكري فيه لانه انشفط منه خلآص بعد الولآدهـ..
وبالنسبه لخرخشة الصدر ابني عاني من هالموضوع كثير وبعد نوديه لعيادات يقولوا مافيه شئ.. او علآجات بلآ فايدة وانصحـــك لآ تعطي المضادات والله مضارها اكثر من فوائدها ... في شئ\ بسيط لاحظت ان ابني يتحسن عليه وهو الكمون ..(اليــآنسون) .. له ثأتير رهيب ع برد وصدر الاطفال بيرحيهم جدآ |
رد: ولدك شارب مويه يوم كان فبطنك ..تعالي شاركيني معاناتي
ام تالين وام فراس مششكورات على الردود الله يخليلكم اطفالكم يارررب
بس معقول ولا وحده من الامهات مر طفلها بهذا الشيئ !!!!!!!! ودي اعرف وش سوت له وهل راح الخرفشه اللي بالصدر مع الوقت او لا |
رد: ولدك شارب مويه يوم كان فبطنك ..تعالي شاركيني معاناتي
اشلونك اختي اني ابني لاشارب مي الراس ولاحاجه بس هوه يخرخش صدره لان ميبلع الماء الي ابحلكه لهذا اني ممهتمه بلموضوع وانتي لاتخافين شوفي اذا لكيتي مي هوايه بحلكه يدخل للجهاز التنفسي ويسوي هلصوت وانشالله خير
|
رد: ولدك شارب مويه يوم كان فبطنك ..تعالي شاركيني معاناتي
حبيبتي انا من اول ماجبت بنتي الحين ماشاء الله بقى لها 8 ايام وتكمل ست شهور وصدرها يخرفش وقالولي المستشفى ان يروح الصوت لحاله مادري يمكن اللي في ولدك نفس بنتي والله يشافيهم بصحه وعافيه
|
رد: ولدك شارب مويه يوم كان فبطنك ..تعالي شاركيني معاناتي
حبيبتي انا نفس المعاناة ولدي شرب موية الخلاص وقعدت 10 شهور اعاني من صدوروا والبلغم وإنسداد الانف إلى ان ذهبت إلى بروفسور هادي عاصم في عمارة نورة جدة والحمدلله انتهت المعاناتي بفضل الله من ثم الدكتور
|
رد: ولدك شارب مويه يوم كان فبطنك ..تعالي شاركيني معاناتي
فيدا مششكوره ياقلبي ببحث عن هالدكتور واشوف وش يصير
طيب وش حكالكم واش العلاج اللي وصفه لكم لان جده بعيده عنا وصعبه نضرب مشوار .. ام مراوي الله يشافيهم يارب ويخليهم لنااااا ام حسبن والعباس مشكوره ع الافادة |
رد: ولدك شارب مويه يوم كان فبطنك ..تعالي شاركيني معاناتي
اهلين محبوبته اخبارك اذكرك من ايام التجمع الله يسقي هذيك الايام
المهم زي ما قالت الاخت انسي سالفة المويه اللي بلعاها احتمال كبير ابنك في المستشفى روشوه وكان الجو بارد عشان كذا صار معه بلغم وانتي انتبهي تنقلينه بسرعه من مكان حار الى بارد والعكس واهتمي كثير لسالفة المكيف خليه بعيد عنه برضو ادهني صدره بزيت زيتون دافي وبعد رضاعة الحليب وعن تجربه اعطية رضاعة شاهي اطفال ثم خذيه على كتفك وكرعيه راح يطلع البلغم |
رد: ولدك شارب مويه يوم كان فبطنك ..تعالي شاركيني معاناتي
عادي جدا و ماتوقع له علاقه انه شرب ماي
ولدي شرب من ماي الرحم حتا مادروا عنه الا اليوم الثامي و هو من اول ماجبته مزكم و الى اليوم معاه بلغم و صج متعب بشكل فضيع بالرضاعه يرضع بصياح و صراخ و الى امس كنت بيت ناس يقولون صدره يخرخش و يرجع بلغم امي تعطيه منقوع لبان الذكر هو زين للعقل و للصدر و اعتبره زي الدوا و ماحب اكثر منه و ابد ما عطيه ادويه و لا بعطيه لانه شبه من ادويه المغص لين ماقال بس و لا نفعه عادي جدا ترا لاتحاتين كل العيال يزكمون و يتعبون بنت اختي ماشربت ماي و لاشي و تنومت في المستشفى من قد ماكان صدرها تعبان |
| الساعة الآن 05:39 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .