|
دم لما امسح
السلام عليكم بنات
ادري تعبت كم كل يوم موضوع و الله كل يوم يطلع شي يخوف و هذا و انا في الأسبوع السادس اللهم لا اعتراض اليوم و انا في الشغل (شغلي كله ع المكتب) نزلت علي بقعة دم مؤ كبيره بس لما مسحت الكلنكس كله دم احمر رحت الطوارئ و عملولي سونار و الحمدالله الحمدالله كل شي طبيعي و الحمل سليم و مافي حوليه دم أو أي شي و اللي فرح قلبي امي شفت نبض الجنين و الله فرحت كثير ألف الحمدالله لانه من يومين الدكتورة اللي أراجع عندها ما شافت نبض و خوفتني دكتورة الطوارئ عطتني دوفاستون حبتين ف اليوم و طلبت مني أراجع بعد أسبوعين بس اللي مخوفني انه الدم ما وقف إلى الان إذا مسحت فيه دم في حد مر بها لحاله و مر الحمل ع خير |
رد: دم لما امسح
الله يثبته ويخليه لك ان شاء الله لاترهقي نفسك يمكن ترهقي نفسك وتتحركي كثير وانتي الان ثقيله يبيلك راحه تامه
ماعندي اي خلفيه اتمنى احد من الاخوات يفيدونك ويطمنونك |
رد: دم لما امسح
اول شي الف الف مبروووك لانك سمعتي النبض توني قبل دقيقه رديت على موضوعك الثااني .. ام الدم بتصير اوقااات بشهور الاولى بس لازم الراحه والانتظام بالمثبتات والاكل الصحي والرااااحه ,,
|
رد: دم لما امسح
حبيبتي
لاتخافي ابدا ً وسبحان الله هذا ممكن كان سبب عشان تروحي وتسمعي احلى نبض للجنين ياحبيبتي لأنج كنتي خايفه من كلام الدكتورة اللي قبل يومين بس بشكل عام بما ان الجنين بخير والنبض باين ماشاء الله من الاسبوع السادس معناه نموه ممتاز الله يحفظه لج يارب حبيبتي لاتخافين بخصوص الدم لأن حتى أنا نزل علي دم بالشهر الأول وحتى بالشهر الثالث الحين قبل كم يوم نزل شويه بس تطممنت عالجنين واهم شيء ترتاحين الله يعين الدوام كاسر ظهورنا فأنتي حاولي تححصلين لج مكان بالشغل تريحين فيه ولو نص ساعه تنسدحين على ظهرج أنا بدوامي انسدح بالمسجد تبع الحريم. آخذلي مال نص ساعه منسدحه لأن تعب الشغل مرهق مع الحمل الله يثبت حملنا يارب |
رد: دم لما امسح
حبيبتي لا تخافين بس زيجي الجرعه خليها 3 مرات يوميا الدوفستون لان لسه ينزل عليكي دم والمثبتات مايعملون شي مضر لا تخافين
ونامي على ظهرك ولا تتحركين حتى مايصير عندك اسقاط لا قدر الله اهم شي الراحه اخذي اجازه وزيدي الجرعه خليها 3 مرات الدوفستون ومادام الطفل بيه نبض وبخير معناه الدم من التعب والاجهاد او الطفا يثبت نفسه ويارب خير |
رد: دم لما امسح
الله يثبت لك حملك~
|
رد: دم لما امسح
يالله انتي مثلي ونفس موقفي اليوم وداخله اكتب موضوع فهالشي
انا حامل ف ست اسابيع ويومين تقريبا واليوم فالدوام لما رحت الحمام وانتو بكرامه شفت افراز بني فاتح كانه دم ماعرف شو هذا وجاني انهيار وتميت اصيح وخايفه لاني معالجه انابيب ورحت المستشفى عطوني ابره مثبت وحبوب دافوستان مثبت بس انا اول مارجعت نمت على ظهري نصيحه لاداومين لين تستقر حالتج وقالت لي الدكتوره هذا شي طبيعي اذا كان شوي في بنات ايجيهم هالشي فالشهور الاولى لما الوحده تبذل مجهود بس اهم شي يوقف الدم انا الحمدالله ماشفته بس الصبح وانتي اقري على بطنج وحاولي ترتاحين كثر ماتقدرين |
رد: دم لما امسح
لازم اتابعين عند اخصائيه حبيبتي
|
| الساعة الآن 06:41 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .