|
من نهفات الختايرة مع الثورة ع الماشي
من نهفات الختايرة مع الثورة ع الماشي :
الأولى بدرعا .. شافت الجندي عم يبرم كوع بالدبابة وعم يخبط بالبيوت عن جنب وطرف وهي قاعدة عم تتفرج باندهاش ... وبعد ما نزل الجندي قالتو .. طيب يا خالتي ما بتعرف تسوق .. ليش عم تسوق دبابة!! ... الثانية بحمص: وقفوها قناة الدنيا سألوها : شو يا حجة انشالله ما اتضررتي . قالت لا والله البيت انسرق .. قالوا : مين ؟ ، قالت : العصابات الإرهابية المسلحة ، فرحوا كتير بالجواب وسألوها : لوين رايحة هلق يا حجة ؟ قالت رايحة جيب دهان ، ليش ؟ قالت : يخرب بيتهن هالعصابات مو تاركين محل بالبيت إلى وكاتبين عليه .. الأسد أو لا أحد ! التالتة بدير الزور ... حطو حاجز جنب بيتها .. طلعت لعند الجنود وأخدتلهن معاها غدا غير شكل وابريق مي وابريق عيران .. وبعد شوي جابتلهن التحلاية .. وبعدها الفواكه المشكلة .. وبعدها العصير والشاي وآخر شي وبعد ما شكروها قالتلهن ... وهلأ يا عين خالتك .. ما بدكن تنشقو؟؟؟!! الرابعة بحرستا المكرو وقف على حاجز وفي ختيارة قاعدة اخر مقعد فتحت الشباك وسالت العسكري :"انتو يا ابني عصابات مسلحة؟" قلها لا حجة نحن الجيش قالتلو :اي اضربين !! الخامسة من بانياس ختيارة عملت صينية بيتزا وجابيتا عالحاجز أكلو العساكر لحتى شبعو ئالولا تسلم ايدك ئالتلون ولا يهمكم اسا بس يسقط النظام الكن أطيب منا السادسة من ادلب : في وحدة ختيارة كل ما تمرق جنب الحاجز تقلهن شالوم ... انزعج منها الضابط .... قلها ما عيب يا حجي تقولي شالوم ... قالتله يه بتعرف تحكي عربي والله فكرت الجيش الاسرائيلي هوي اللي وصل لهون ... السابعة من دوما : لما داهمو دوما خبت ابنا عالسقيفة ..و لما دورو فوء العسكري طلع ابن حلال و عمل حالو مانو شايفو و قالوا يا سيدي مافي حدا فوء.... قالتلو يووه هلق كان فوء عالسقيفة وين اختفى الصبي ...!!!! التامنة وهي احلى نهفة.... بحلب طلعت معو بالدبابة مشان يوصلا لعندا بنتا قالتلو طلاع من هون قالها مابقدر حجة هون في ارهابية قالتلو اي معلش ما بحكو شي مو انا معك .... ولاد بنتي كلون جيش حرررر واخيرا من حوران من جديد ختيارة راكبة باص .. وقفها حاجز وفيه ضابط قال بسخرية شو حجة بدكن حرية قالت :: لالالالالا مابدنا حرية ..قاللها شو بدكن لعاد قالت بدنا اسقاط النظام مع اشارة بسبابة اليد الى الاسفل بدليل الاصرار |
رد: من نهفات الختايرة مع الثورة ع الماشي
يسلمووووو عن جد حلوين. والله يفرجا
|
رد: من نهفات الختايرة مع الثورة ع الماشي
يسلمو حبيبتي ع مرورك
|
رد: من نهفات الختايرة مع الثورة ع الماشي
...
الثانية بحمص: وقفوها قناة الدنيا سألوها : شو يا حجة انشالله ما اتضررتي . قالت لا والله البيت انسرق .. قالوا : مين ؟ ، قالت : العصابات الإرهابية المسلحة ، فرحوا كتير بالجواب وسألوها : لوين رايحة هلق يا حجة ؟ قالت رايحة جيب دهان ، ليش ؟ قالت : يخرب بيتهن هالعصابات مو تاركين محل بالبيت إلى وكاتبين عليه .. الأسد أو لا أحد ! >>> روووعة هههههههههههههههه الله يسعد قلبها ويفرحنا آجمعين بنصر سوريا وسقوط الطاغية الحيوان بشار |
رد: من نهفات الختايرة مع الثورة ع الماشي
هههههههههههههههههههههه
يسلمو الله يعطيك الف غافية |
| الساعة الآن 11:46 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .