|
اللي نفاس او نفست بعملية قيصريه تجاوب على أسألتي
كيفكم ياحريم
الحمدلله على السلامه للي ولدوا واللي على وشك الله يقومها بالسلامه يارب انا قبل والده بقيصري وبنفاسي كنت ما اكل ولا اشرب حاجات نفاس بحكم اني والده قيصري يعني كان الشيء الوحيد اللي مقلقني الكرشه ومن شدة خوفي من العملية ما اهتميت ان الكرش تروح الا من بعد ما طلعت من الاربعين طيب انا ان شاء الله الولاده الجايه كمان قيصري فعلموني لازم اكل واشرب اشياء نفاس؟ اذا ايوه وش اشرب وش اكل ؟ صحيح بعضهم كمان بعد القيصريه يكون فيها هوا او تتوسع؟ اذا حصل كذا وش الحل؟ واخر سؤال ماينفع اللي مسويه قيصري تلبس كلوت وسيع ولا تخاف تكتم العمليه فتشت كثير بالمنتدى ما لقيت اجابات 100٪ بليز اللي ترد رد مفيد لها دعوة بظهر الغيب ترا ما اعرف شيء ولا عندي سالفه |
رد: اللي نفاس او نفست بعملية قيصريه تجاوب على أسألتي
هلا حبيبتي الف مبروووووووووووك والحمدلله على سلامتك
انا مثلك بكريه وولادتي قيصريه وباقي لي اسبوع واخلص نفاس :) وطبعا ياقلبي الأكل لازم حق نفاااس عشان تقوين نفسك ولازم اشياء دافيه تشربين لاتستهينين بهالشي لأن هالأمور تنظف الرحم وتقوي عظامك لاتنسين ايام الحمل والتعب مو شرط لازم ولاده طبيعيه وبعدين قيصري والا طبيعي هو نفس الرحم لازم اهتمام حتى مايدخل فيك هواااا زي ايام الدوره ماتسمعينهم ينصحون بالدوره لازم تدفين نفسك ولازم ولازم تاكلين ومدري ايش الأكلات الشعبيه المعروفه والشوربات واللحم واكلي اشياء بر وتمرة النفاس ( تمر تعجنينه مع دارسين وفلف اسود ) مع قهوة قشر القهوة مررره رووعه للكرش وتنحف وتنظف لك الرحم تنظيف انا اذا شربتها تنزل قطع الله يكرمك واخر ايام النفاس كلي تمر معجون مع رشاد والأيام الأولى من النفاس حطي مع الأكل ماش يقوي الظهر وخذي ملعقة حلبه غير مطحونه مع عسل واكليها مع مويه واشربي حليب وحطي معاه دارسين مطحون ومره حليب مع زعفران او مع هيل مررره حلوو ومفيد وابتعدي عن النشويات والغازيات واي شي بارد حتى المويه والعصير خليها وسط لاتكون بارده انا هذاااا نظاااامي وبالنسبه للتوسع ابداااااا مافيه تطمني من هالناحيه وهذي ميزة القيصري :) واللبس قصدك كلوت ضيق مو وسيع !؟؟ الواسع افضل للقيصري لاتلبسين ضيق قد ماتقدرين عشان مايضغط ع الجرح وكل يوم امسحي الجرح بمسحه طبيه وقدامك العافيه ياعمررري وان شاء الله اكووون افدتك ياقمررر |
رد: اللي نفاس او نفست بعملية قيصريه تجاوب على أسألتي
ان شاء الله تولدين بالسلامة اختي ام تالين كفت ووفت واجابت على كل تساؤلاتك وانا معها في كل كلمة قالتها اتمنى انك تستفيين منها |
| الساعة الآن 05:30 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .