ساعدوني في شهية بنتي
 

السلام عليكم ورحمة الله وبركاته

مساكم و صباحكم محبة

اخواتي انا بنتي عمرها ثلاث سنوات واول ما اتولدت كانت صحتها ممتازة ووزنها مثالي
و حافظت على وزنها الى ما صار عمرها سنة ونص و لما بدأت تاكل كانت تاكل اكل منوع
لما قربت سنتين بدأت تنقي الاكل دا ماتحبه و دا ماتحبه

وما صرت اجبرها تاكل اعطيها الي تحبه و سويت كل شي عشان ترجع تاكل

بالتشجيع بالترغيب بالترجي لكن عمري ما غصبتها او خاصمتها لكن برضها ماتاكل الا الي تحبه

لما سنتين و نص صارت حتى الي تحبه ما تبغى تاكله اول شي تلخبط نومها

لاني حملت و صرت تعبانة مرة و ماقدرت انتبه لاكلها فصارت تاكل قليل لانها طول اليوم نايمة
وتصحى ع الليل تقعد تلعب و تتفرج وتشرب حليب و الحمدلله الحليب كمان هو الي فاضل لنا

لانها تاكل قليييل و الي بعمرها المفروض يكون وزنه 15 كيلو وهي 11 او 12

قولوا لي اش اسوي؟ لاني نوعت لها بالاكل و جبت لها الي تحبه و من غير تعصيب لكن
مافي فايدة !!!
انا سمعت عن العنبرية قلت اجرب اش رايكم و اش في كمان اشياء ممكن اعطيها تنتفح
شهيتها للاكل

رد: ساعدوني في شهية بنتي
 

اختي اعتقد معظم الاطفال يمرو بهذه المرحله قلة الشهيه

ولدي تقريبا بعمر بنتك وزي ماقلتي لما سنه ونص واكلو تمام بعدها خلاص ياكل قليل بالمرة وصرت احاول اعرف الاكل اللي يحبو اعطيه يجلس فترة ويمل اروح اغير لما دحين صار مافي شي يعجبو يمر يوم حتى وجبه ما اكل كلو على الحلويات او بسكوت واذا اكل شوي وراح
صرت اخلي اكلو قدامو عشان وقت مايلعب يفتكرو وياكل منو ويكون بصحن مغطى وافكرو فيه كل شوي مرة ياخذ شوي ومرات كثير يتكب

ولاحظت هذه المشكله في كثيير اطفال بنفس العمر يقل كثييير اكلهم يستمر شهيتهم مسدودة لعمر المدرسه ويصير بعدها زي الدود مايخلو شي بالثلاجه ههههه امزح

طالما الطفل بنشاطو ويستمر نموه العقلي والجسمي حتى لو كان هناك فرق بين غيره فالاطفال يختلفو عن بعض فالحمد لله الوضع يكون طبيبعي انت افضلي حاولي معاها والله يعين

رد: ساعدوني في شهية بنتي
 

انصحك لاتعطي بنتك شي لاعنبريه ولا غيرها

ترى العنبيريه تسبب سمنه بعد البلوغ خليها على طبيعتها وحسب شهيتها