منتديات حوامل النسائية - قصة ولادتي بالغالي عبدودي

هذي قصة ولادتي بالغالي عبودي ربي يحفظه لي ويحفظ لكم اطفالكم

انا طبعا بكريه وكل شي جديد علي

كان عندي موعد يوم الثلاثاء وقبلها بيوم كان ينزل معي دم وانتظرك للموعد عشان اروح
طبعا وكشفت علي الدكتوره وقالت فاتح عندك الرحم 3 سنتي
فرحة كثير وحمدة ربي لانهم بعد اسبوع من هذا الموعد راح يولدوني بطلق صناعي
طبعا رجعت البيت وكلموني صبحاتي عشان بيجتمعون
وكشخة ورحت لهم
وع الساعه تسع الليل رجعت البيت ورتبته شوي ونمت وانا ما احس بشي نهائيا ونمت وع الساعه 3 الفجر حسيت اني اتبلل ومو عارفه وش هذا بالضبط صحيت زوجي وقلت اتوقع انها ولاده طبعا زوجي قال اي الدكتوره قالت اذا نزل عليك اي اي شي تعالي بسرعه
رحت من المدينه الي انا فيها للمدينه الي بولد فيها تبعد تقريبا ساعه ونص طبعا في السياره التوتر والصمت سيد الموقف
وصلت المستشفى وانا خلاص المويه احسها نزلت كلها
دخلت بعربيه لان كنت حيل مستحيه وخايفه ومتوتره وعبايتي كلها مبلوله دخلوني غرفة الملاحظه واخذو مني دم ليقيسون عندي نقص الصفائح لانها عندي مشكله منها ولان كنت ابي اخذ ابرة الظهر ولا تنفع الا لتكون الصفائح فوق الميه

طبعا جت عندي نيرس وقاست وضع الرحم وكم فاتح قالت 3
قمت اطالع بزوجي وعيوني كلها دموع من الكشف وان الرحم ما زاح ع حالته والمويه تنزل
طلعوني من غرفة الملاحظه ع دور غرف الولاده

كان معي نيرس مررررر عسل دخلت غرفة الولاده ع بركة الله وكانت الساعه6 الصباح
وجو لي الطاقم الطبي كله وشرحو لي اني ما اقدر اخذ ابرة الظهر وقعوني ع اوراق وكل شي

بعدها بديت احس بالام الطلق وان بطني احسه بيتقطع من تحت واقول هذا الطلق بس كذا يجي خمس دقايق ويروح

طبعا طلقي كان ضعيف وقالو لي ياحلوه لازم تاخذين طلق صناعي قلت لا خلوني شوي
قالو ع راحتك وطلعو معد باقي معي بالغرفه غير زوجي والنيرسه العسل كبيره بالسن وتجنن

قالت لي متوتره قلت جدا قالت خلاص بعطيك منوم شوي

وفعلا عطتني جرعه بسيطه وحسيت نفسي هديت وخشيت جو وقمت احلم وزوجي يضحك علي ليش تسوي كذا
قالت هي الحين شبه دايخه

بس علطول راح مفعوله وع الساعه 3 العصر بدا الالم يشتد ويشتد بس برضو ما عجبهم
رجعو الطاقم الطبي من جديد وقالو بنقيس الرحم طبعا معهم 4 بنات طلاب

وقاسو قالو خمسه بيرفك ممتاز

انبسطت وقالو يلا وقت البوشنق لازم نسوي طلق و قلت لا مابي يوجع قالو لا جرعه خفيفه

ومع طلقي وطلقهم ميتين ملي اشتد الالم بس كان يروح ويجي واذا جا ما اتنفس ولا ارتاح اتلوى بسريري واذا راح عادي جدا بعدها جو قالو لازم ندخل هذا السلك ونلامس راس الجنين قلت ليش وشو له هذا مابي
وقال زوجي لا تقولين مو لازم هم يعرفون شغلهم

وفعلا دخلو وبغيت اموت من الالم ودقايق لحد ما تقبله جسمي ارتحت

وع الساعه 6 اشتد الالم مررر مع الطلق الصناعي وانا اون ولا قدرة اصرخ ولا اطلع صوت وزوجي تجنن قال عطوها شي عطوها بنج اي شي مسكن

قالت خلاص زوجتك ع وشك جت النيرس قالت انا ما راح اطلع الا لحد ما اشوف ولدك العنيد لان دوامها ينتهي 6
قالت لزوجي انا بخبرك زوجتك. راح تولد ع الساعه 7 وطالعت بالساعه وقلت يارب عجل علي بالفرج
طبعا كله بالانقلش وزوجي يترجم لي لاني ما معي لغه مره

والالم خلاص في ازدياد بس اذا راح لمدة ثواني ارتاح

وع الساعه سبعه تمام رجعو الدكتوره الي بتولدني ودكتوره السوناء الي تابع البيبي والطالبات الحلوهات الي وجيهم تشع من الابتسامه والحنيه والنيرس العسل

وقالو يلا يا حلو الحين وقت البوشنق البيب جا وانا ادفع وادفع وادف وبعدها قالو خلاص راحه وطبعا شاشة الطلق قدامهم واذا جت الطلق قالو بوش بوش حلو قود قود قود جاب

طبعا وحده من الدكاتره تعرف شوي عربي كانت تقولي ممتاز ياحلو بوش اكثر ياسلم عليك
طلعوني من جو التوتر للحماس معهم في الدفع

زوجي لحظتها كان فوق راسي ويشجعني معهم وصرخو كلهم وقالو يلا اكثر نشوف راس البيبي بوش بوش
هنا انا مع الالم الي ماعاد اتحمله وتشجيعهم سويت دفع قوي قوي وطلع احلا عبودي ع الدنيا

ويوم شفته صرخت وبكيت لحد ما قلت بس

وضمتني النرس وقالت تهانينا لك انا الحين ارتحت واقدر اروح بيتي واخذة صور مع النيرس والدكاتره
طبعا كلهم حريم ولا شفت ولا رجا لانهم يحترمون دينا وعادتنا

وسوولي بنج موضعي من تحت وسو لي الخياطه والحمد لله ع كل حال

والله يجعل ولدينا بالجنه وامهاتنا الي تعبو
hwaml10
ان شاء الله تكون قصة ولادتي رفع لمعنويات البكريات الي مثلي