|
منو صارلها مثلي؟ شو تأثير ابر الهرومونات الجانبيه؟
السلام عليكن خواتي..
انا في الشهر الرابع الحين.. ومن كنت في الشهر الثاني واناكتبولي على ابر التثبيت .. وبعد شهر من استخدامهن غيرولي نوع الابر.. وصاروا يعطوني ابر الهرومونات... لكن احس جسمي كله متأثر من هذي الابر.. احسها قويه علي.. جلدي صار يتحسس من اقل شي.. لدرجة ان بشرة ايدي صارت تتقطع بسهوله وتحرقني وويصير ظاهر وباطن كفي احمر من اقل شي ألمسه .. قطرة عصير ليمون.. فيمتو.. بهارات الاكل لما اطبخ .. حتى الكراملا!! وعلى طول اغسل ايدي.. لكن احس الماي يجففها اكثر. والفازلين مانفعني ولا الميبو ولا الصودا كريم.. وصارت ايدي متشققه وعلى طول ناشفه.. وغامقه!.. واحس ان معدتي ما تستحمل الاكل كلش... وعلى طول ارجع .. اثقل من اول 3 شهور الحمل!.!. ودايما احس بضيق بالنفس.. لكني اقاوم فدايما احس بإرهاق.. لكن الابر وقفت النزيف عندي ولله الحمد.. وحتى عنق الرحم رجع لوضعه الطبيعي وصار اقوى من قبل.. وصرت احس بحركة البيبي عادي.. .. لكن خايفه اكمل الكورس للأخير .. فوقفت الابر صارلي اسبوع وبدون استشارة الطبيبه.. والحين الاحظ ان حركتي صارت اخف من قبل.. واقدر اتحرك براحه اكثر من قبل.. فهل هذي تأثيرات الإبره ؟؟ ولا شو الموضوع بالضبط؟ اللي تعرف معلومه ممكن تفيدني.. لا تبخلون علي فيها.. وميرسووووووو مقدما |
رد: منو صارلها مثلي؟ شو تأثير ابر الهرومونات الجانبيه؟
الصراحه أول مره أسمع بأبره الهرمونات ..
لاكن أنتي روحي أستشيري دكتورتج وقولي لها المضاعفات إلي سببتها لج الإبره .. وربي يتمم حملج ويقومج بالسلامه ,, |
رد: منو صارلها مثلي؟ شو تأثير ابر الهرومونات الجانبيه؟
كلما اتصلبها يقوون لي مشغوله عندها ولادات او في العمليات ..ومايحولني عليها ..
وبالزور خذت موعد عندها من كثر الزحمه عليها.. وموعدي بعد يومين.. الله يصبرني.. صدق طفرت |
| الساعة الآن 12:29 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .