منتديات حوامل النسائية

على موج البحر كانت .. بداياتي و نِهاياتي
و كانت ساحلي الاول .. و اول عشق يرويني
تعلمت الهوى شيٍ .. ترسخ في حَنا ذاتي
حكاية عن بنات الموج .. و قصة شوق تَعنيني
عرفت اشلون انظمها .. عباراتي و عَبراتي
اذا جاني هدير الورد .. على حُبي يهنيني
و كيف اتمسك بشوقي .. و لو زادَت مُعاناتي
و كل ما زادت جروحي احس انها تقويني
أساها ينحت بجوفي .. قَصيدة مِلحها ابياتي
تبيني أنتهي لَكِن .. شديد الباس .. تعطيني
ضعيفة كِلمة الأيام .. تِحاول تِنثر اشتاتي
و ترمي الحُب مِن قلبي .. بلا رحمه و ترميني
تِظِن بكلمةٍ مِنها .. تِغير لي .. مَساراتي
و تثني وحدة .. عزومي ..و تهزمني و تنهيني
نَست إني على وعدي .. أبي أقطع مسافاتي
والاقي مِن بحور الحرف منابع شوق تكفيني
و اني لو قِسا وقتي .. محال اصرخ بآهاتي
أداريها على جرحي .. تذوب و تلتوي فيني
قويه مِن صغر سني .. قويه بكِل حالاتي
يموت الحِزن من نظره .. على شِفة منا عيني
عَجيبة كيف لي قِدرة أناور ظلمة اوقاتي
و اسايرها.. و احاورها .. بحيث انها تسليني
و لا ارضى تميل الروح و لا تِملا مساحاتي
قساوه مالها معنى .. تلونها .. و تلويني
تمر بخاطري عَبره .. تباعد عني خطواتي
و احس ان عالمي ضيق .. بضيقة عمري وسنيني
أرد و ينتفض قلبي .. و يجرح ظلم وناتي
أملها يوم انا أبكي .. وتنهرني .. و تكويني
صعب أتمالك الفرحه .. والآزم صمتي و اسكاتي
بسيطه لو هقت ممكن .. بلحظة طيش تذويني
حسافه .. خابت اظنونج .. أبي أصدح بضحكاتي
و مصدر فرحتي يا قلب أحد أسرارِ تكويني

ليلى بنت علي