السلام عليكم جميعآ

طبعا كنت اتمنى اني احمل عشان اسرد تجربتي وكل الاخوات يستفيدو ،،
اول شي انا صارلي متزوجه سنتين وزوجي كانت امنيته احمل
من تزوجت بديت اراجع بالمستشفيات عشان احمل والحمد لله على كل حال
ماخليت ابر تنشيط او حبوب او اعشاب ما بلعتها
وكل مارحت لدكتوره تقول لي على ايش مستعجله لاحقه
ولا وحده فيهم قدرت انو انا بنت واحلم بالامومه زي غيري
وطبعا ماشالله مابقى احد من معارفي الي حملت رغم اني متزوجه قبلهم
والنفسيه من اسوء لاسوء ،،
المهم استمريت علاج سنتين طبعا مشكلتي تكيس بالمبايض وضعف بالتبويض

الى ان ربي هداني وخلاني اروح لدكتور الي بعد مشيئه ربي حملت على يده
رغم اني رافضه يكشف علي رجال بس الواحد مضطر
قلت له مابي اتعالج ابي احمل ونصحني بالتلقيح الصناعي ،،
عطاني ابر تنشيط ووسويت التلقيح وماشالله من اول تجربه حملت ولله الحمد والمنه

فنصيحتي لكل اخت ضيعت وقتها بالبحث عن دكتور شاطر تتوجه له لانه فعلا دكتور فاهم شغله
والي اثبت لي انه اكتشف ان رحمي ذو قرنين وخبا الخبر عني عشان نفسيتي ماتتعب قبل التلقيح
ولما واجهته انه ليه ماقلت لي قال لي ثلاث ارباع العلاج نفسي مابي اتعب نفسيتك واشغل بالك

مارح اذكر اسمه بالعام اخاف الاداره مانعه هالشي لاني جديده هنا وماعرف القوانين
فاخواتي الي بالرياض الي حابه تتعالج عنده تقولي خاص

ووالله يشهد علي ماعرفه ولا يقرب لي عشان لاحد يحسب اسوي دعايه له

الي ابيه مجرد دعوه ان ربي يثبت حملي ويتممه على خير
والله يرزق الجميع الذريه الصالحه