|
لو صارت معك قصتي شو بتعملي!!!!
سلام ...كيفكم .. ومبارك عليكن الشهر الفضيل
بنات اسمعو القصة حصلتلي قبل رمضان بيومين وقولولي شو اعمل... كنت سهرانة عالنت لاخر الليل وزوجي سابقني ونايم قبلي بساعات .... بعدا رحت نمت عالسرير بجانبه.. وقبل مااغفل اذن الفجر... فصار حوار بيني وبين حالي انه رح اقوم اصلي الفجر واهزم الشيطان وانتصر عليه .. وبالفعل قمت بسرعة عالحمام توضيت بسرعة جدا وركضت عالغرفة النوم ومديت سجادة الصلاة قبالة الباب ...وصليت وبعد الصلاة تذكرت اني مالي طاهرة.. يعني كان لازم اغتسل ونسيت.. فاستغفرت ربي ..وقلت انام واصحى واغتسل لاني خويفة بطبيعتي .. فطلعت عالسرير واشوف بلوزة سودا مكان ماكنت نايمة واستغربت قلت معقولة كنت نايمة فوق بلوزتي وماشلتا... وفجاءة بتطلع للبلوزة عيون.. انا تشوشت قلت شو هاد وبعدا اكتشفت انها قطة سودا كبيرة نايمة على مخدتي ومادا جسمها لاخر السرير .. وزوجي جنبا نايم.. انا انصدمت وتعاوذت وصحيت زوجي بس بالاشارة لانه ماقدرت اتكلم... وزوجي صحي شافا وصار يلاعبا حتى مايخوفني صار يقول قطوطة بس لانا سودا خفتي منها.. وهيا نايمة محلي ماقامت ولاخافت.. عينها قوية... المهم رفع صوته عليها وضربا ولاخافت ثابتة بالاخر حملها وطالعا من الشباك وسكر الشباك... هلا انا عم ببكي وخايفة اولا انا كنت نايمة وماقمت الا لاتوضى يعني دقيقة بس لاني توضيت بسرعة وصليت عند الباب لو دخلت اشوفا... ثانيا في قطة بالعالم تتدخل من شباك المطبخ للموزع لغرفة النوم وزوجي نايم مقابل الباب تقوم هيا تنط داخل وتنام جنبه وماتخاف.. كل هاد باقل من دقيقة...وماخافت يعني لما اكتشفت انا قطة تتطالع بعيوني وبس القطط تخاف ازا قلتيلا كش وتهرب هيا نايمة وقطة سودا سودا... هلا انا بفتح الشباك وبسكر غربول( المنخل) الشباك بس عندي قط اشقر بيفتح غربول الشباك وبيدخل عموزع المطبخ لاني اوقات ازا عندي اكل زايد بطعميه ياه... وبرجع بيطلع مع انه بجي لعندي وبروح من سنة بس بخاف يعني بحياته مادخل لغرف النوم او اي مكان وازا رفعت صوتي بيهرب مع انه انا بطعميه وتعود عليي .. بس هالقط الاسود بحياتي ماشفتو كيف هيك فات ونام وماخاف منا ابدا ؟؟؟؟ مشكلتي انه صرت خويفة جدا جدا واتخيله بكل محل. وصرت الان بعز الصيف اسكر الشباك كلو متنا من الشوب بس تعقدت ولما يكون الشباك مفتوح مستحيل امشي بالبيت الا مرافقة زوجي . تعبت نفسيتي من الخوف وصارحت اهلي قالولي قطة ودخلت طبيعية .. بس انا مامصدقتا انه قصتي طبيعية.. ماحدا نصحني شو اعمل بس انا قرات سورة البقرة .. بتكفيني ولا لازم اعمل غير شي لانه رفيقة الي قالتي كبي مي مقروء عليها بالزوايا البيت..مابعرف ليش بخاف انا من هيك شغلات انصحوني |
رد: لو صارت معك قصتي شو بتعملي!!!!
اول شي هذا جن والعياذ بالله والخن غالبا مايتجسد بصورت حيوان ويكون شكلا يخوف انت شغلي صوره البقره كل ليله حتي بصوت منخفض ودايما اقري اذكار المساء ولما تشوفيها تعوذي من الشيطان واقري معوذات ولاتخافي لان ربنا معاك واذا كان في بيتك صور وتماثيل متجسده ياريت تغطيهم ولا تحوليهم لان الجن يسكن في هذه الاماكن ورشي ميه قراءن في البيت ومايصير الا الخير
|
رد: لو صارت معك قصتي شو بتعملي!!!!
حافظي على اذكارك واستودعي نفسك وزوجك وبيتك ربك. من شر الشياطين
ولاتنسي احفظ الله يحفظك خلاص قولي اذكارك وتوكلي على الله .. لان الملائكه تحفظك بامر الله والشياطين لاتقرب مكان فيها ملائكه |
رد: لو صارت معك قصتي شو بتعملي!!!!
اعوذ بالله من الشيطان الرجيم ,,بسم الله الرحمن الرحيم خوفتوني ان شاء الله رح شغل صوت القران وداوم عالاذكار... وشكرا لردودكم
|
رد: لو صارت معك قصتي شو بتعملي!!!!
اعوذ بالله من الشيطان الرجيم ... حبيبتي التزمي بأذكار الصباح والمساء
وقراءة سورة البقرة وسماع الرقية الشرعية يوميآ من أجل التحصين وربي يحفظك من كل سوء ومن كل مكروه .. امين. |
رد: لو صارت معك قصتي شو بتعملي!!!!
أعوذ بالله من الشيطان الرجيم ..
كيف صار هيك في إن بالموضوع أعوذ بالله من الشيطان الرجيم اقرأي دائماً قران وحصني نفسك وايه الكرسي كتير منيحه اقرأيها دائماً الله يحميكي يا رب اقرأي المعوذات دائماً .. |
| الساعة الآن 08:59 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .