منتديات حوامل النسائية - قصة ولادتي بحبيبي نوفي

بسم الله نبدأ المشوار
اول شي الحمدلله الي قومني بالسلامه انا وحبيبي نووفي
طبعا اختكم بالله بكريه موعد ولادتي المتوقع كان بين 8 و 9 و 10 رمضان ع حسب كلام 3 دكتورات مختلفات ربي اراد لي اني اولد قبل المهم يلا نبدأ من البدايه
صحيت يوم السبت الساعه 9 الصباح وانا حشرانه الله يعزكم رحت الحمام عادي ورجعت ولا كان في اي شي يدل ع ان في ولاده يعني م نزل دم ولا انفتحت المويه كان كل شي طبيعي رجعت انسدحت ع السرير وقلت ارجع انام عشان م اجوع واعطش وقدامي نهار طويل طبعا النوم طار م جاني نوم احس اني شبعت نوم رغم اني م نمت الا بعد الفجر بكثير شوي كذا الا احس بألم في اسفل بطني هو اول مره يجيني طبعا طوول ولادتي م كان يجيني ألم في بطني حتى لو جاء يجي خفيييف مره يعني بالنادر احس فيه المهم طنشت وقلت اكييد تقلصات الألم كان يجيني منتظم كل دقيقتين او 3 وشوي قمت ابكي طبعا زوجي نايم مو حاسس بشي لاني ابكي ع الصامت وشوي كذا انشرقت بريقي وقمت اكح قام فز يطالع فيني سكت شوي بعدين قال تبكين طبعا الغرفة ظلام بس ضوء خفييف قال وش فيك قلت بطني قال قومي اوديك المستشفى قلت م يحتاج شوي وبيهدأ الألم سكت ورجع يحاول ينام شوي كذا رجعت ابكي مره ثانيه بس بصوت خفيف وع طوول فزيت وقمت ادور في البيت عشان زوجي لو تكرن تكرن يعني لو قال قومي اوديك المستشفى غصب اقوم ولا م عنده مانع يشيلني بدون عبايه حتى رحت لفلفت الغرف والصاله والمطبخ ورجعت الغرفه هذا كله والألم م زال منتظم جلست ع السرير بس م قدرت استحمل الألم جلست ابكي قام زوجي وراح الحمام وهو رايح قال لي اجي القاك جاهزه م عولت وجلست ابكي راح صحى اخوي قال له قوم امك شوي الا جتني ماما واخوي قالت لي ماما وش فيك قلت لها بطني تعورني قالت مافي بشاره تقصد دم ولا مويه قلت لا قالت يمكن تقلصات قومي روحي المستسفى وتطمني قلت م بدي اروح قامت ماما عملت لي حليب بالقرفه رفضت اشربه م بدي افطر خرج زوجي الحمام وقال لي ليش م لبستي قلت مو لازم اروح الآم عاديه قال لي لا قومي الحين البسي طبعا الساعه قدها 10 ونص تقريبا اتصل بابا ع عمتي ونزلت لي تجري وشوي جت بنت عمي وشوي جت عمتي ام زوجي طبعا احنا ساكنين في بيت كبيير بس كل عيله لها شقه وزوجي يصير لي ولد عمي المهم لا نخرج عن موضوعنا الاصلي كلهم لزمو علي اني البس واروح اتطمن قمت بعد مضاربه من الكل ولبست الساعه 11 ونص خرجت من البيت وطوووول الطريق وانا اقرأ سورة الزلزله وصلت المستشفى 12 دخلوني طوارئ سدحوني ع السرير وجت دكتوره وكشفت علي من تحت وقالت ولاده خلاص hwaml03 طبعا وجهي صار كذا م قالت كم مفتوح بس ع طول نقلوني ع سرير ثاني وطييران ع قسم الولاده جتني دكتورتي الساعه 1 وكشفت علي مره ثانيه قالت مفتوح 9 سانتي انا فهيت قلت ما شاء الله متى فتح 9 سانتي وعطوني كمامه وجلست استنشق شوي كذا بدأ مفعولها احس بالألم بس كأني بعالم ثاني اشوفهم واسمعهم بس م اقدر اتكلم جت عمتي مسكت لي الكمامه وشوي الا الممرضه تقول لها بس عند الألم حطيها بعدين شيلي وصراع بيني وبين عمتي ع الكمامه كل م جت تسحبها اسحب يدها واحطها ع وجهي وبعدين جلست استفرغ قالت الممرضه شفتي انا قلت لك بس عند الألم والدكتوره قالت اجيك بعد نص ساعه وانا اقرأ سورة الزلزله ومع المخدر نسيتها جلست اقول اذا زلزلت الارض زلزالها وانسى الباقي وارجع اعيدها الييين م اذكر الباقي واقوله ولما اجي ابقولها مره ثانيه نفس الشي اقول البدايه وانسى الباقي جتني الدكتوره ع 2 وكشفت قالت 9 ونص وقالت اذا حسيتي كأنك تبي الحمام وانتو بكرامه دفي تراه النونو بيطلع وجلست انتظر يجيني هالاحساس وشوي كذا الا جاااء وجت تبى تكشف وقالت اهو شعر البيبي بايين دفي وانا ادف بأقوى م عندي وطلع راسه بعدها انا تعبت ووقفت ادف قالت الدكتوره لااااا hwaml03 لا توقفي دفي دفي وارجع ادف مره ثانيه وم ادري الا وحبيبي بحضني ع طووول بكي وهو لسى بيد الدكتوره حمدت ربي الف مرره وجت اخصائية الاطفال وشالته ع طوول وحطته بسرير جمبي وجلست تفحصه وتنظفه بعدها بدأت الدكتوره تخيط لي اول م غرزت الخيط انا م عادني بالوجوود نمممممت وصحيت وجتني ممرضه معاها سرير وقالت لي انقلبي عليه وسحبتني لغرفتي وجاء زوجي واخوي والحمدلله ارتحت من الكرشه وجاء عمي ابو زوجي هو وعيلته قبل المغرب وافطرو عندنا وبعد العشا جت ماما واخواتي وصارت الغرغه زحممه وكل شوي واحد من الاطفال يدق السرير والعمليه تألمني hwaml15 طبعا حاولت استحملهم واسوي نفسي طيبه واكلمهم بأدب ع غير عادتي hwaml7 بس مافي
امل منهم قمت عصبت عليهم وعاقبتهم وحبست كل واحد في زاويه hwaml4 زوجي يطالعني بإستغراب م استحملت اسوي نفسي مؤدبه واحب الاطفال بعدين قلت لزوجي اتصل عليهم يجيبو نوفي وشوي الا جابوه وم مسكته انا hwaml93 جلسو يتنقلوه من شخص للثاني عصبو عليهم عمي وزوجي وقالو اعطو الولد لامه hwaml15 كان نفسي اقوم ابوس راسهم وع الساعه 1 كلهم راحو وزوجي واااصل حده من التعب فرش بطانيه في الارض وناااام وفضل اخوي صاحي معي هو وعمتي وكل م جاء يبى ينام تجي ممرضه تفتح الباب وهو يفز يشوف مين دخل وبس صحي زوجي نام اخوي ونامت عمتي
ادري طفشتو بس لازم اقول لكم كل شي بالتفصيل الممل hwaml7 هذي قصتي من اسهل م يكوون وهذا كله بفضل ربي ثم سورة الزلزله انصح كل وحده فيها
هااااااه ي كروشات عادكم خايفات ترى والله مأجورات ع كل الم
الله يقومكم بالسلامه ي رب وعقبال م نسمع قصصكم كلكم وتكون اسسهل من شربة االمويه
قولو لي وش رايكم بقصتي
وع فكره ي بنات انا م انفتحت عندي المويه ولا نزل الدم الا مع طلوع النونو عشان كذا كنت شاكه ان عندي ولاده وحسبت انهم بيعملو لي تحريض
والحين متعبني نوفي م يرضى يرضع مني وصدري صار ينزل الحليب لحاله وانا اشفط واعبي له رضاعه الله يعينني ي رب بس عن جد راااااااحه الولاده واروع احساس يوم اني اناظر لولدي احس ودي احضضنه اققققوى شي فديته الله يخليه لي ولا يحرمني منه ولا يحرمكم ان شاء الله ويرزق كل محرومه ي رب