|
الرويال جيلي, واستمرا اعراض الابره التفجيريه بعد اول دوره !
شلونكم بنات انا هالشهر خذيت ابره تفجيريه ومن بعدها صارت عندي اعراض الابره
الم الظهر والخواصر والدوخه والغثيان .. إلخ ولله الحمد والشكر انزلت الدوره بعد الابره ب ١٨ يوم يعني نزلت قبل موعدها الفعلي بإسبوع بس نزلت يومين والكميه ما اقدر اقول عنها قليله ولا غزيره وثالث يوم افراز بني واليوم هو الرابع و انقطعت يعني هم انقطعت بكير وطبعا قبلها سويت تحليل منزلي وطلع سالب يعني مافي حمل بس المشكله الحين !! ان للحين اعراض الابره مستمره من كسل و ألم الظهر موجود ومتعبني وايد مااقدر اتحرك وانظف البيت بسهوله ... والدوخه، امس نزلت السوق حدي دايخه ماقدرت اتسوق عدل يعني متى تخلص اعراض الابره !! وسؤال ثاني انا من امس خذيت (رويال جيلي) غذاء ملكة النحل وبس اخذها يصير عندي الم بسيط بالمبيض ويروح هل هالشي طبيعي لانه اعرف انها تنشط المبايض بس ماعرف اعراضها فللي تعرف اعراض الفيتامين تقولي وكم شهر استمر عليه ؟؟ وهل ممكن اشرب منبهات يعني شاي وقهوه ولا يتعارض مع الفيتامين ناطره ردودكم لا تطنشوني hwaml4hwaml02 |
رد: استمرا اعراض الابره التفجيريه بعد اول دوره !
حبيبتي قلبي
المفروض اعراض الابره تروح من زمان ياقلبي احتمال حمل ليش لا ؟؟ التست اللي عملتيه ممكن مابان فيه ياحبيبتي روحي اشتري تست منزلي وحللي مره ثانيه يمكن حمل ياقلبي الله يبشرج يارب لأن مستحيل الدوخه تستمر لحد الحين حبيبتي |
رد: استمرا اعراض الابره التفجيريه بعد اول دوره !
اقتباس:
!!! وااي صراحة خوفتيني من صج لازم تكون راحت الاعراض !! بس ماقدر اقول حمل،، لان صح الدوره مو غزيره بس هم مو خفيفة وكان اللون احمر وبعدها احمر غامق وبعدين افراز بني مو وردي نفس ما قريت عن دورة الحامل يعني شنو ممكن يكون فيني الله يستر !! |
رد: استمرا اعراض الابره التفجيريه بعد اول دوره !
بنات بلييييز ردو علي بخصوص رويال جيلي
هل اقدر اشرب شاي وقهوه لاني حدي مكسله ابي اشرب قهوه عشان اصحصح واعرف اشتغل بس خايفه ممكن يأثر |
رد: استمرا اعراض الابره التفجيريه بعد اول دوره !
مشكوريييين بنات على التطنيش الله يسامحكم :(
|
رد: استمرا اعراض الابره التفجيريه بعد اول دوره !
حبيبتي انا قلت لج
ليش متعبه نفسج حللي مره ثانيه اضمن لج واذا مافي حمل خلاص وقتها تقدري تشربي اي شيء والرويال جلي هو مفيد حبيبتي ومثل ماذكرتي منشط لكني ماحملت عليه اخذته تقريبا شهرين ووقفته حبيبتي انتي اشتري تست منزلي تأكدي احسن لأنك تقولي دورتك كانت خفيفه طيب شو كانت مواصفاتها مثل مواصفات دورة ؟؟؟؟؟ ربي يجبر خاطرك ان شاء الله بالحمل عن قريب يارب |
رد: استمرا اعراض الابره التفجيريه بعد اول دوره !
حللي وتاكدي افضل والمفروض اعراض الابره رحت مثل ماقالت حياتي توامي
انا بعد الابره الدوره خفيفه نزلت علي وغامقه بس طنشت ومادققت قلت يمكن من الابره الله يرزقك حبيبتي |
رد: استمرا اعراض الابره التفجيريه بعد اول دوره !
حبيبتي بخصوص رويال جيلي والله ماعندي فكرة لأني لم استعمله قبلا،
لكن نصيحة اعيدي تحليل الحمل قبل ان تأخذي أي شيء الله يوفقك حبيبتي ويبشرك بكل خير |
رد: استمرا اعراض الابره التفجيريه بعد اول دوره !
اقتباس:
بس يعني اول ما نزلت علي نزلت سريعه مو نقط او خفيفه وثاني يوم صار الدم غامق مع افراز بني والثالث افراز بني وصراحة مو حابه اسوي تحليل لانه حتضايق عالفاضي انا متأكده مافي حمل لانه اذا كان فيه حمل اتوقع نزل لانه قبلها بالليل تزاعلت انا وزوجي ومد ايده علي ونفسيتي وايد تعبت وبس قعدت من النوم نزلت علي بس عشانج حجيب تست hwaml02 عشان نقطع الشك باليقين وبالنسبه للرويال انا لاني خلاص مابي استمر بالعلاج ومارحت الدكتور هالشهر فسمعت انه يحسن التبويض بس السبب الرئيسي عشان فوايده للشعر لانه يتساقط وايد فقلت اضرب عصفورين بحجر يحسن التبويض وان شاءالله ينفع لشعري |
رد: استمرا اعراض الابره التفجيريه بعد اول دوره !
اقتباس:
اها يعني طبيعي تكون الدوره خفيفه وغير عن الدوره اللي بدون ابره عشان جذي مابي احط امل عالفاضي بس انا مشكلتي بالاعراض الله يجيب اللي فيه الخير يارب ويرزقنا كلنا بهالشهر الفضيل |
| الساعة الآن 01:59 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .