|
ساعدوني رجاءا استفسار عن نزول دم
مرحبا بنات
بالله عليكو تحكولي شو اعمل انا تعبت :( انا حكتلكو قبل فترة انو حمل قوي و الكيس مش مبين قالولي نصبر اسبوع اول امبارح بالليل ما كنت عاملة اشي كان عنا ضيوف و بضيفهم نزل عليا نقطة افراز بني فاتح و خلص تاني يوم عالضهر نزلت كمان نقطة بعد بكم ساعة نزل عليا دم شوية روحت عالدكتورة حكتلي الكيس بين و منيح و و اعطتني المثبت بزيادة حبة و حكتلي لاسبوع بنشوف بس اليوم لما صحيت عالفجر لقيت كتيير نازل دم و شوية اشي تقيل زي الجلدة شوية صغيرة و بعدها طول اليوم ينزل دم اخف كميتو بس بينزل لهلا و وجع بطني كتيييير و حاسة اني دايخة بنات طمنوني تعبت و زهقت وللي من الله منيح بس صرت خايفة عحالي ليكون نزيف و بيسحب من دمي عشان الدوخة و الارهاق و مش عارفة اروح للدكتور و لا لا لانها حكتلي راجعي بعد اسبوع بس تعبت :( يارب |
رد: ساعدوني رجاءا استفسار عن نزول دم
والله ما عندي علم
بس حبيت ادعيلك .. ربنا يثبت حملك وان شاء الله يكون خارجي ووما ياثر على جنينك بس بدي اسالك كم الك حامل .؟ |
رد: ساعدوني رجاءا استفسار عن نزول دم
الله يثبت حملك يارب بس بما ان المثبت ماوقف الدم
لازم تروحي للدكتوره عشان تشوف وتتطمن اذا تمام الجنين اولا وغير كذا تعطيك مثبت اقوا شوي من الاول |
رد: ساعدوني رجاءا استفسار عن نزول دم
حبيبتي انت لازم تروحي للدكتوره اذا بلش ينزل دم احمر ما بصير تستني على حالك روحي اطمني وطمنينا الله يثبت حملك ويرزق كل متمنيه الحمل يا رب
|
رد: ساعدوني رجاءا استفسار عن نزول دم
قصتك نفس قصتي
انت تاكدت من سمع النبض للجنين انا نفسك كان عندي ضيوف وجاي المغرب وشفت قليل بني وتدرجيا يزيد ورحت المستشفي قالو النبض واقف مع ان الوحم مستمر معي وبقية اسبوع ونزل |
رد: ساعدوني رجاءا استفسار عن نزول دم
:( يعني فش امل؟ الحمدلله عكل اشي بس سمر الليل قديش ضل ينزل عليكي دم؟ انا عي تالت يوم تعبت و مهي وجع بطن كتير
انا بالاسبوع الخامس و لسة مش مبين نبض عشان يحكمو عليه بس الكيس باقي الله يحمي الكل و شكرا للجميع |
رد: ساعدوني رجاءا استفسار عن نزول دم
طيب كمان سؤال الدكتورة اعطتني 3 حبات مثبت دوفاستون باليوم بس ماما و خالاتي ما خلوني اخد 3 بس 2 باخد بيحكولي زيادة و بلاش يضرك ارد عليهم ولا اخد 3؟
|
رد: ساعدوني رجاءا استفسار عن نزول دم
لا حبيبتي خدي ٣ متل ما قالتلك الدكتوره انا باخد ٤ حبات مثبت واعطتني ابر وتحاميل كمان انت لازم تروحي دكتوره عشان اذا الحبوب ما وقفت النزيف لازم تعطيكي ابر تثبيت وربي يحميكي ويثبت حملك يا رب
|
رد: ساعدوني رجاءا استفسار عن نزول دم
فعلا اذا الحبوب ما وقفت النزيف لازم تاخدي ابر بكون مفعولها اقوى
ربي يحميلك جنينك ويثبتلك حملك يارب |
رد: ساعدوني رجاءا استفسار عن نزول دم
شكرا الكو الله يحمي الكل :)
|
| الساعة الآن 02:06 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .