اهل زوجي اتعبوني
 

انا عمري 23نة لي سنة متزوجة مشكلتي انه زوجي وحيد اهله وامه واخواته متعلقين فيه كتير لا ما بقدر اطلع الا باذنهم واكلي معهم مع انه الي بيت فوقهم حماتي دايما بترميلي حكي وبتقعد تحكي علي بين الناس مع اني بطبخلهم وبنضفلهم وبنتها ما الها دخل بتروح من شغلها وبتنام لكن بين الناس بتحكي انه بنتها بتعمل كل اشي وانا مابعرف اطبخ ومن هل الحكي وبتحاول تعبي راس جوزي علي بتقوله اضربها وتعال نام عنا اذا بنتك بتعيط بالليل وتلميحات انه يتجوز علي وجوزي مقتدر ماديا كتير وهي وبناتها بضلهم ياخدو منه مصاري بالالفات وبتعتبر انه هادا حقها واذا اشترى لامه ذهب بتقله هدا رفيع بدى واحد اسمك واخته حسبي الله عليها كل ما بتيجي عنا بتسير تسب ع بنتي قال انها بتمزح لكن هي بتكون متعمدة وبتحاول اتزيد المشاكل بيني وبين امها وبتعبي راس زوجي علي وزوجي في البداية كان منيح معي كتير وهدا اللي كان مصبرني لكن اله فترةمتغير علي وصار من اجديد يشتمني بسبب اخطاء تافهة انا اتعبت كتير ومش عارف شو اعمل كل الناس بتحسدني لاني متجوزة واحد غني وانا مش قادرة استمتع بحياتي بسببهم ظلموني وشوهو صورتي بين الناس احكولي شو اعمل معهم بحسهم بتكاترو علي

رد: اهل زوجي اتعبوني
 

حبيبتي انا كتبت الك رد مفصل بس مابين المهم انك طالبي زوجك دام انو غني طالبيه ببيت الك وحجك وبعييد عنهم وانو مو مجبورة طيعيهم وتنظفيلهم شو انتي شغالة يعني انتي كوني حنونة وجميلة مع زوجك مشلن مايشوف فوحدة ثانية و مايسمع كلام امو ، والاساااااسس ادعي ربك انو يجعل كيدهم فنحورهم واديتهم فنفوسهم اسال الله تعالى يحفظك ويحفظ زواجك من كل شر

رد: اهل زوجي اتعبوني
 

شكرا الك ع الدعاء وربي يرزقك كل خير المشكلة اني لو طلبت بيت لحالي جوزي ما راح يرضى لانه هما مسيطرين عليه وراح يقولو انت بدك تفرقي بينا والله اني بطلت احب اشوفهم من كتر ما عجبوا علي حماتي وبناتها بعشر حموات اي اشي بحسو انو بدايقني بحاولو يعملو امانة عليكم تدعولي الله يفرجها علي

رد: اهل زوجي اتعبوني
 

حبيتي الله يفرج عليك يارب ، انامبظن انو راح تتهني وهما قراب منك لانو دايما عينهم عليكي ، الحل انك تفهمي زوجك انو بتنزعجي بيهم وتصرفاتهم وراح تحطي حدود فالتعامل وهيك راح يكون افضل للكل ، وهو لازم يتفهم ادا بيحبك انا كمان اهل زوجي وامو فضوليين وبيغيرو مني بس انا فهمت زوجي انو مابدي ياهن يدخلو وفهم هالشيء بس اهم شيء تحاوري معو وهو رايق ، يلﻻب يهديه ويسرو الك يااارب

رد: اهل زوجي اتعبوني
 

حبيبتي والله انا متزوجه لي سنة ونص.ومن تجربتي ومن كثر ماسمعت من الناس هم هكذا أهل الزوج يغارون من زوجة الابن.ودائما يحاولون أن يكيدو بينك وبين زوجك ويحاولو ينكدو عليكي.ولكن أنصحك لاتردي عليهم وأصبري فالله معك.وأكثري من الصلاة في جوف الليل وإقرئي سورة يس وسورة يوسف.وتوددي لزوجك واسمعيه كلام حميل وتزيني له واظهري له لهفتك عليه وعلى انتظار عودته للبيت.وأكثري من الدعاء وقول حسبنا الله ونعم الوكيل وأفوض أمري لله.وطالبيه بمسكن منفصل حتى تكتمل سعادتكما وراحتكما.

رد: اهل زوجي اتعبوني
 

الله يفرج همممممك

رد: اهل زوجي اتعبوني
 

حبيبتي من منى الي أهل زوجها مو مطلعين عينها ومتعبينها بس ما لنا الا الصبر واحتساب الاجر وحاولي تدعي كل يوم بعد صلاة الفجر ربي يسخرهم لك والله كريم .

رد: اهل زوجي اتعبوني
 

رد: اهل زوجي اتعبوني
 

حبيبتي كلنا من عاني من اهل الزوج طالبي زوجك ببيت جديد واعملي لنفسك شخصيه معهم وان شاءالله الله بهديهم وبسخرلك زوجك وادعي ربنا دايما انه يقرب زوجك وانه يظهر الحق الله يوفقك يارب

رد: اهل زوجي اتعبوني
 

الله يسخره لك ويكون بعونك اهتمي بنفسك بزياده وجيبي لهم هدايا وحاولي تكسبينهم بصفك راح يتغيرون