|
اجهضت مرتين. والحين حامل بسوي ربط
ترددت قبل لا اكتب. بس بما اني مرتاحة وماعندي شي بشارك وياكم ويارب ألاقي دعم وكلام حلو منكم
اولا انا اجهضت بالثالث وكان بداية زواجي. وبعدها حملت واجهضته بالسادس وكان السبب من الله سبحانه اولا وثانيا عيون الدوام معاي مع انهم كل وحده منهم ماشاء الله عندها درزن عيال. سبب الاجهاض فتح عنق الرحم وصارت ولادة مبكرة. مع التحاليل وكل شي ماكو سبب ليش صار هالشئ وكله من الله سبحانة ونعمة ان شاء الله شفيعة لنا. وحاليا حامل بالاسبوع الخامس ويارب يتمم على خير اخذ حبوب دافيستون وفوليك وبيبي اسبرين ويوميا ابر تحت الجلد ادري كل شي بيد الله وحدة لكن خايفة. مابي اللي صارلي بالاجهاض الثاني لانه تعذبت بالمستشفى واضطريت اسوي كحت للرحم. وما اتمنى اللي صارلي يصير حتى بعدوي. حاليا اتابع مع دكتوري ويارب خير. وراح يسوي لي ربط للرحم وخايفة ويعطيكم العافية ويارب يتمم علي وعليكم الصحة ونشوف عيالنا ويجعلهم من الذرية الصالحة ❤❤❤❤❤❤❤❤ 🌹🌹🌹🌹 |
رد: اجهضت مرتين. والحين حامل بسوي ربط
الله يثبت لج حملج..وتفرحين بشوفة البيبي..
أهم شيء التزمي بكلام الطبيبة..ولا تبذلين مجهود.. وإذا كانت عملية الربط ضرورية اجريها..وما عليج شر بإذن الله.. أختي ..حاولي كل يوم تقولين أذكار الصباح والمساء..وترقين نفسج.. الله يسهل عليج حملج.. |
رد: اجهضت مرتين. والحين حامل بسوي ربط
الله يعوضك بحملك هدا كل الخير وربي معاك ان شاء الله بالتبات والنبات يااارب ربي يفرح قلبك بعد 9 شهور حمل لازيادة فيهم ولا نقصان تشوفي بيبيك بين ايديك معافى سليم ارتاحي والتزمي بكلام الدكتور ولا تجهدين نفسك رقي نفسك والتزمي بقراءة سورة البقرة تحفظك وتحفظ الجنين وماتنسيني بالدعاء الله يتبتلي واياك بس اللي اعرفه ان عملية الربط يسووها بعد الشهر التالت لسة بدري انتي في بداية التاني ربي يقدرلك كل الخير حبيبتي وماتوسوسين وتشغلي بالك اسفة طولت عليك بس حسيت بخوفك مريت بيه كتير
|
رد: اجهضت مرتين. والحين حامل بسوي ربط
اقتباس:
تسلمين جعل ربي يسعدج ويرزقج |
رد: اجهضت مرتين. والحين حامل بسوي ربط
اقتباس:
مشكلتي الوسوسة ههههههههه مشكورة واااايد |
| الساعة الآن 08:08 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .