منتديات حوامل النسائية - بفضل الله اختكم حاااااامل بمعجزة للمتكيسات

السلام عليكم ورحمة الله وبركاته
حبيباتى طولت الغيبه انا عارفه بس ماكنتش عاوزة اكتب لكم تجربتى غير بعد ما اطمن على الجنين .. وبفضل الله رحت شفت نبضه النهارده اللهم لك الحمد والشكر

موضوعى هاقسمه لـ 3 اجزاء
1- تجربتى
2- اعراضى
3- متابعة الحمل

************************************************** ****
1- تجربتى
دلوقتى ياحبايبى انا متجوزة من 10 شهور تقريبا وطبعاااااا مروا عليا 10 سنين فيما يخص الحمل وتاخر الانجاب وده طبعا بسبب الضغط الخارجى وقلق الانتظار والشوق الى الامومه

بدات رحلة العلاج بعد شهرين ونص من الزواج .. رحت طبعا لدكتورة ست علشان برده زى كل الستات جوزى ماكنش موافق بدكتور
وطبعا لانى كنت بدرس وفى كليه عمليه زى الهندسه وبرده لانى كنت عروسه فالدكتوره ماكنتش متحمسه اوووووى لموضوع العلاج والمتابعة
وكتبتلى علاج للالتهابات وقالتلى انى عندى قرحه ___ وانا مهتمتش____ ودى اول غلطة

بعد كده رحت رحت لدكتوره تانيه ( الغلطة التانية) ... بعد اربع شهور زواج لانى كان عندى املاح وصديد والم اسفل البطن وتابعت معاها شهرين لم استفد شيىء حتى ماكلفت نفسها تعمل سونار مره واحده .... وطبعااااااااا سيبتها http://files.fatakat.com/smilies2012/smiley-laugh.gif http://files.fatakat.com/smilies2012/smiley-laugh.gif http://files.fatakat.com/smilies2012/smiley-laugh.gif

بعد شهر بالظبط (خامس شهر زواج) رحت لدكتور تالته ههههههههه ( ودى بقى الغلطة التالتة ) اصل انا مقتنعه ان الدكاتره الستات الا من رحم ربى دول اكبر غلطة فى حياتنا .....
المهم رجتلها وهى بصراحة بشووووشه وحبوبه جدااااا وصديقتى على المستوى الشخصى ... كشفت نسا وقالتلى انى عندى قرحة جايز تكون هى اللى ماخره الحمل وكتبت لبوس وغسول .. وبصراحة انا المره دى التزمت واخدتهم والحمدلله اتحسنت .. بس هى وكانها ماصدقت بقيت كل ماروحلها تقولى التهابات التهابات

طبعاااااااااااااا فى غلطه كبييييييييييييره (رابعه) انا ارتكبتها فى حق نفسى وربنا يسامحهم التلاته الدكاتره .. مافيش ولا واحده طلبت تحاليلى http://files.fatakat.com/smilies2012...okingangry.gif http://files.fatakat.com/smilies2012...okingangry.gif

انا اللى رحت عملتها من نفسى http://files.fatakat.com/smilies2012/smiley-laugh.gif ورحت بيها فيييييييين ؟؟

رحت للدكتوره الاولانيه لانها تعتبر اشطرهم بس طبعاااا كنت وريتهم لتالته الاول وقالتى انهم فوق الممتازين وللاسف انا بثق فيكم جداااااا فجيت وريتكم التحاليل وقولتولى ان عندى تكيسااااااااااااااااااااااااااااااات ..... طبعا لما عتبت على الدكتورة التلته اللى هى صديقتى قالتلى ان والدتها كانت فى العناية المركزة وماكنتش مركزة http://files.fatakat.com/smilies2012...okingangry.gif وده للاسف اكبر عيب للدكاتره الستات انهم مابيعرفوش يفصلوا

ودى نتيجة تحاليلى ياحبيباتى

f.s.h 7.1

l.h 13.6

prolactin 5.9

واااااااااااضح طبعاااا من التحاليل ان الاخت متكيسه هههههه

المهم رحت للدكتوره الاولى وريتها تحاليلى وعملت سونار مهبلى واتاكدت من التكيسات وكتبتلى على سيدوفاج ( حبيب الملايين) ههههههه ودوفاستون علشان ينظم الدوره

واللى حصل ان الدوفاستون نزلى الدوره بدرررررررى عن معادها وكانت غزيره جداااااااا

بعد كده انا كنت طبعااااااااااا ياست من الادويه ومن الدكاتره رغم ان رحلتى تعتبر قصيره مقارنة بناس كتييييييييرمنكم

نسيت اقولكم حاجة صحيح ..
حااالى فى الفتره مايختلفش كتير عنكم .. كنت طبعا كل شهر بعمل الاختبار واتعشم واحس باعراض الحمل ولما كانت تتاخر اوووووى كنت بحلل دم وطبعااااااااااا نيجاتف كالعاده

اخر مرحلة بقى ويمكن دى كانت اول مرحلة صح خلال فتره البحث عن حمل

رحت اخيــــــــــــــــــــــــــــــــرااااااااا لدكتور راجل كل اللى راحله شكر فيه الا انا هههههههه http://files.fatakat.com/smilies2012/smiley-laugh.gif

رحتله علشان متابعة التبويض وطبعااااا انا كنت مستمره ع السيدوفاج بانتظام
فى الشهر اللى رحت للدكتور فيه قعدت مع زوجى قعدت صفا كده وقلتله انا مقتنعه تماما ان الحمل رزق والرزق بايد ربنا بس الطب والدواء ده اخذ بالاسباب بس انا لازم يبقى الاول لجوئى لرب الاسباب

بدات بقى صيام اتنين وخميس
واستغفار واتكى ع الاستغفااااااااااااااااااااار اوووووووووى
وقيام انا وزوجى
وصدقه
وقراءة البقرة
طبعااااااااااااااااااا زى ماتعلمت منكم http://files.fatakat.com/smilies2012...iningsmile.gif

وايام البيريود ...كنت بشرب كل يوم كوباية فيها معلقه بردقوش ومعلقة مرمريه ونص معلقة قرفه

وتوكلت على الله ورحت للدكتور ..... وهنا حدثت (((((( المعجــــــــــــــــــــــــــــــــزة)))))

ماتفرحوش اوى ...http://files.fatakat.com/smilies2012/smiley-laugh.gif http://files.fatakat.com/smilies2012/smiley-laugh.gif ماطلعتش حاااامل ولا حاجة
بالعكس http://files.fatakat.com/smilies2012/smiley-sad.gif http://files.fatakat.com/smilies2012/smiley-sad.gif دا الدكتور احبطتنى جداااااااااااااااا بعد ماشاف تحاليلى طبعا عرف انى متكيسه http://files.fatakat.com/smilies2012...iningsmile.gif وقعد يشخط فيا ويزعق .. انتى ازاى يا بنتى ساكتة كل ده المفروض التكيسات دى علاجها بيطول وبيوصل لست شهور ... وكلام بقى دب دب دب لما كنت خلاااااااااص http://files.fatakat.com/smilies2012...okingangry.gif http://files.fatakat.com/smilies2012/smiley-sad.gif

المهم قالى اطلعى ع السوناااااااار .... كشف مهبلى طبعاااااا والحمدلله انى سيبت جوزى بره ودخلت مع صحبتى كان زمان الدكتور فى خبر كان ههههههههه

واثناء الكشف بقى حصل الاتى

كشف ع المبيض اليمين ووشه عامل كده http://files.fatakat.com/smilies2012/smiley-sad.gif ويبصلى ويقولى تؤ تؤ تؤ المبيض اليمين مدمر من التكيسااااااات .. مليااااااان تكيسات صغيرة اه بس كتيره ....طب نشوف الشمال كده تؤ تؤ تؤ http://files.fatakat.com/smilies2012/smiley-sad.gif مدمر خاااااااااااااااااااالص هو كمان هو اى نعم احسن من اليمين بس للاسف مش نافع

صحبتى بتساله يادكتور يعنى مافيش تبويض الشهر ده ...قالها الكلمة اللى عمرى ماهنساها فى حياتى ((( انا مش لاقى عندها بويضة نضيفة اديها بيها امل ))) هههههههههههههه

وكان ربنا انطقه بالكلام الجاف والمؤلم ده علشان سببين
الاول : انى اتاكد يقينا انى ماليش غير ربنا وان ربنا الشافى ووقت مايقول للشيىء كن فيكون .... فعلا والله يابنات

التانى: ان بكلام الدكتور ده شيلت التفكير فى موضوع الحمل ده من باااااااااالى نهائى ع الاقل الشهر ده ودى الحاجة اللى كان نفسى فيهااااا وكل الناس كانت بتنصحنى بيها

المهم انتهت زيارتى عندى الدكتور المحبط ده بانى هاستمر ع السيدوفاج واروحله تاااااانى يوم الدورة الجاية اللى هى ماجيتش الحمدلله علشان نبدا ناخد كورس منشطااااااااااااااااااااااااااات

ولما روحت البيت اتجهت الى الله بالدعاااااء والحيت عليه انه يرى الطبيب فى آآآآآآآآآآآآآآيه ومعجزة والحمدلله قد كان ... وقولتله ياااااارب اغلق الطبيب فى وجهى الباب وباب رحمتك وكرمك لايغلق يااااااااااارب فرح قلبى بخبر حملى الشهر ده وخيب ظنى وظن الطبيب والحمدلله قدكان

بس ياحلوين طولت عليكم انا عارفه ....

قعدت بقى مستنيه البيريود لحد ما عدى عليها 40 يوم وانا مش راضية احلل مانا فقدت الامل الا بالله ورحت دريم بارك ههههههه ويوم شم النسيم رحت الارض عند جدو وركبت حصان وحمار وجرى وتنطيط ماانا مش حامل بقى ويشاء السميع العليم انى احلل بعد 40 يوم واشوف الخطين منوريين الدنيا ...

وهاكملكم فى المشاركات الجايه لان دى طولت اووووووووووووى
منقووووووووووووووووووول