|
مين صارلها مثلي بحملها؟
السلام عليكم
كيفكون يا حوامل انشالله مبسوطات؟ انا بالشهر السابع نصو رحت للدكتور مبارح لاني كل ما اوقف احس شي يضغط لتحت وكمان اسفل بطني بوجع حكالي انو المشيمة نازلة وما لازم اتعب . بس انا عندي بنت سنة و8 شهور شقية كتير مابتعرف تقعد بالمرة وبضل طول اليوم وراها وكمان شغل البيت والجامعة عندي صيفي مابعرف شو بدي اعمل بس والله تعبانة كتير وماحدا حاسس فيني بس حكيت لبيت حماي صارت تضحك ال شو نازلة لاتردي على الدكتور ال يعني هي رئيسة اطباء وماما الله يخليلي ياها يعني انا مابقبل تيجي تشتغلي او تعملي شي بدها مين يساعدها شو اعمل ؟مين صارلها متلي وشو عملت هل نامت ورتاحت ولا ضلت متل ماهي؟ وشو صار معها في خطر عليها وعلى البيبي؟ والولادة رح تكون طبيعي ولا قيسري؟ وشكرا لكم |
رد: مين صارلها مثلي بحملها؟
عزيزتي مادام الدكتور قالك المشيمة نازلة لازم ترتاحي على ظهرك وترفعين رجولك على شي مرتفع وماتتخركين كثير لأن هذا خطر عليك وعلى البيبي وقد يسبب لك ولادة مبكرة انا لو منك اخذ اجازه من الجامعة بالصيف وراح تلحقين بإذن الله وحاولي تجيبين وحده تساعدك بالبيت ربي يقومك بالسلامة
|
رد: مين صارلها مثلي بحملها؟
لازم ترتاحين وضعك صعب
اذا ارهقتي حالك تصير لك ولادة مبكره الله يهونها عليك |
رد: مين صارلها مثلي بحملها؟
مشكورات على الردود انشالله خير الله يهونها علي وعلى الجميع
والله يسهل ولادتكن على خير |
رد: مين صارلها مثلي بحملها؟
والله حبيبتي ما عندي خلفية بها لموضوع
|
رد: مين صارلها مثلي بحملها؟
انا كانت عندي المشيمه نازله وقالت لي لو مارجعت مكانها بتولدي قيصري وتمت نازله عندي لي الشهر 9 ورجعت مكانها بس سبحان الله وﻻدتي كانت قيصري ﻻن وﻻدتي تعسرت ..
اللي عليج تسوينه انج ترتاحين لحد ماترجع مكانها ﻻزم ماتتحركين وايد وﻻتتصعدي درج وتنزلي وايد .. الله يسهل عليج اختي |
رد: مين صارلها مثلي بحملها؟
شوفي حبيبتي
انا راح احكي معك بكل صراحة مش قصدي اخوفك بس ديري بالك على حالك و انت مش مضطرة تشرحي وضعك لناس جاهلين انت احكي مع زوجك شوفي حل لانه المفروض انك تضلي نايمة على ضهرك حتى موعد الولادة و الا صارت معك ولادة مبكرة بنت اختي قبل اربعة اشهر كانت حامل بصبي و هي في السادس عرفت انه المشيمة عندها نازلة و امرتها دكتورتها انها تضل نايمة حتى على الاقل توصل الاسبوع 36 مشكلتها انه كان عندها اشغال ببيتها و بنتها صغيرة حكت مع اهل زوجها بما انهم جيران و في عندهم بنات كثير ضحكو عليها مثل حالتك و بالعكس زادو عليها الضغط كل ما زاروها علقوا على البيت و انها مش مهتمة بنظافته و لا مهتمة ببنتها فهي صارت تقوم و تشتغل في البيت و جاتها ولادة مبكرة في نص السابع و للاسف جابت ولد و مات لانه وزنه تحت الطبيعي المهم انت اهتمي بصجتك و خذي الموضوع بجدية و لا تستني من احد يقدر وضعك و الله يتمملك على خير و يرزقك الولد الصالح السليم المعافى |
رد: مين صارلها مثلي بحملها؟
الله يحميك و يحميلك البيبي و يقومك بالسلامه لاحقه على شغل البيت و الجامعه اهتمي بنفسك و اسمعي كلام الدكتوره انا اذكر امي صار معها كذا جلست شهر و هي بس نايمه على ظهرها وولدت ولاده طبيعيه انتي خلك حريصه على صحتك اختي والله يهون عليكي و نفرح بالبيبي طمنينا عنك تحيااتي
|
رد: مين صارلها مثلي بحملها؟
بصراحة انا بكرية وما عندي خبرة بهيك مواضيع
بس من كتر تصفحي بالنت عن مواضيع الحمل و الولادة شفت انو بمتل حالتك لازم ترتاحي ... ولا تسالي عن كلام الناس الي حواليكي لانه لو صار معك ولادة مبكرة او شي مو منيح همة اول الناس رح يلوموكي ف انتي ارتاحي ولا تغلبي حالك بشي بيضرك .. ولا تنسي انو الي جواتك روح والها حق عليكي الله رح يسألك عنها .... الله يسهلها عليكي يا رب وعلى الجميع |
رد: مين صارلها مثلي بحملها؟
ربنا يسهلك يااااااااااااااااااارب ويساعدك
|
| الساعة الآن 01:15 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .