منتديات حوامل النسائية - الله يجزاها الجنه والذريه الصالحه اللي تدخل وترد علي.

منتديات حوامل النسائية (https://naqatube.com/index.php)

- منتدى الولادة المبكرة والإجهاض (https://naqatube.com/forumdisplay.php?f=14)

الله يجزاها الجنه والذريه الصالحه اللي تدخل وترد علي.

السلام عليكـم
مسسساء الخير

خواتي انا مشكلتي بكل حمل مايكمل

اول حمل :
بداية الحمل كنت اراجع عادي وبكل صوره يقولون كل شي زين ولما وصلت نص الثامن بالاسبوع 34 قبل باسبوع او اسبوعين الحركه قلت وذاك تايوم ماحسيت بحركه ابد و رحت الطواري وقالوا الغذاء والاوكسجين مايوصل زين والمشيمه فيها تجلطات وولدوني قيصري وجبت بنت وزنها 1400 والحمدالله ضلت بالحضانه شهر وبعدها طلعت سليمه الحمدالله الاعضاء مكتمله بس وزنها ناقص . والحين عمرها سنتين ونص.

ثاني حمل :
بعدالولاده تقريبا بسنه ونص , حملت وكل شي نفس الحمل الاول بس انا شكيت بالموضوع لانه بطني من بعد الثالث ماصار يكبر ما احس بحركه غير خفييفه جدا وانا بالرابع والخامس والسادس وكل ما اشكي لدكتوره تقولي طبيعي وكل شي زين . بداية السايع الاسبوع 27 رحت الطواري كانت الحركه معدومه سوو لي صوره وفحوصات وقالت لي الدكتوره انفصال جزيي بالمشميمه وتجلطات والبيبي صغييير حيل 500 جرام كني بالخامس , وخيروني بين العمليه او قيصري وطبعا الطفل يعيش بنسبه 10% واذا عاشت تعيش بمشاكل صحيه لانه اعضاءها الداخليه مو مكتمله (الحمدالله على كل حال) اخترت الطبيعي وقالوا انتطري لين يجيك الطلق لانه جسمك بيدخل بحالة ولاده , بعدها بثلاث ايام نزلت الماي خضراء وولادت طبيعي ونزلت برجولها حيييل عذبتني الحمدالله على كل حال . وماتت بعد الولاده بساعتين الحمدالله الله يجعلها شفيعه لي ولابوها .
طبعا حييل نفسيتي تعبببت الله , كله باجر ان شاء الله

الحمل الثالث :
حملت بعد الاربعين جتني دوره وحده بس , من بدايه الحمل صرفولي اسبرين 81 م , طبعا مع الفوليك اسد بكل حمل اخذها , لما وصلت الاسبوع العاشر قالوا كل شي زين ومافي شي يخوف حتى مثبت ماعطوني , بعدها باسبوع نزل دم ورحت المستشفى قالوا النبض موقف والجنين بعمر 8 اسابيع , عطوني مهله 10 ايام اذا مانزل تحميله طلق وبعدها تنظيفات الحمدالله على كل حال . بعدها كم يوم جاني نزل وما احتجت تنظيفات الحمدالله .

راجعت المستشفى سوو لي اكثر من 10 تحاليل كلها سليمه منها ( الالتهابات الدم , داء القطط , الغده , مضادات .... الخ ) كان عندي نقص بسيط ببروتين اس بس الدكتور قال مع الاسبرين كل شي اوكي واخرتها سقطت الحمدالله .

اسالكم مين كان نفس حالتي او تعرف وحده نفسي وتعالجت وكمل حملها ,

ياليت ترودون علي واللي ماتعرف تدعي لي بالذريه الصالحه كاملة الخلق والخلقه .