|
شوروعلي كيف اتعامل مع زوجي والتغيرالمفاجئ
السلام عليكم كيفكم بنات ان شاءالله بخير حبايبي بدخل بالموضوع ع طول وتحملوني لوطولت عليكم "
حبايبي زوجي مسوي عزيمه كبيره بستراحه وعازم ناس كثير ولاقالي ولاعبرني وحتى مواخذني للعزيمه بس فيه ناس عازمهم زوجاتهم يكلموني بدون مايدري وقالولي وانامقهوووره ليش ماقالي ولاهواخذني يعني كل هذاخووف من خواته واخوانه حسبي الله عليهم لاواخوانه اللي مايبوني اول الحضورحريمهم لاواللي يقهران حريم اخوانه والله العظيم يتهاوشون مع خواتهم ويسوون اشياءماسويتها ويكرهن بعض بس عادي اخوانه يجيبوون حريمهم ولاعليهم من خواتهم بس زوجي لا مع امه وخواته خررررووف مايقول لهن شي اي شي يقوولونه يسويه تخيلومن يوم اخته جت عنداهلها وهومتغيرزياده العن من اوول تصدقوون يدق علي ويقوول لاتسووين عشاءابي اجيب وذاجاءبس يجيب له ولعياله ووجبات وانامايجب لي ولايعبرني انقهرواسكت لوتكلمت يقول ليه جوعانه ميته ع الاكل بس تبي تاكلين ماهمك غيربطنك واسكت ماقول ليش ماتجيبلي وذاقلت ليش متغيريقول مافيني شي ولواتتكلمين وتسالين من هناءالى بكره ماني متكلم ماعندي شي اقوله بالغصب قبل يومين تكلم وقال بكل بساطه ماعااااااد تستاهلين ولايشري اي شي ولوامرض اتعب اموووت مايهتم ولاحتى يوديني المستشفى ولا السوووق ابي كثير اغراض تخيلو ابسط الحاجات صابوون كحل عطر مكياج ماعندي مخلص ولاهوراضي يوديني اشتري حتى فلووس مايعطيني تعبت بجدمعاه مايتكلم ولايقوول وش مغيره مع العلم اني مومقصره معاه بشي ابدابس بصراحه من بعدماقال ماتستاهلين شي مطنشته ولااكلمه ولاعلي منه بس اقوووم بواجبه من طبخ اكله وغسيل ملابسه وبس غيررره لالا والف لاخيرمااستاهل بنظره يشتري لي اي شي ويبي ينام معي ليه ماعندي كراااااامه وبس ويالله لاتبخلون علي بردوودكم |
رد: شوروعلي كيف اتعامل مع زوجي والتغيرالمفاجئ
حالتك غريبة
الله يهدي زوجك ويخره لك ياااارب يمكن سمع عنك شي كلام دام قالك انك متستاهلين او يمكن انتي تغيرتي واهملتية او قصرتي بحقه بس اختي انصحك بقراءة الاذكار يوميا وان تستودعي نفسك وزوجك ويكون افضل لو قريتي سورة البقرة او ع الاقل تشغليها ف البيت وعليك بالدعااااء من طلب الله ماخاب وماحد بينفعك غير ربك اسأل الله العظيم ان يوفقك انتي وزوجك ويسعدكم ويسخركم لبعض ياااارب |
رد: شوروعلي كيف اتعامل مع زوجي والتغيرالمفاجئ
الله يصبرك ويعينك ويهديه ويسخره لك اذا حسيتي انه زودها دخلي احد من اهلك كبير وفاهم اب او اخ او خال او عم وخليه يفهم السالفه
|
رد: شوروعلي كيف اتعامل مع زوجي والتغيرالمفاجئ
ياقلبي والله الحال من بعضه
ومافي احد مرتاح في حياته يمكن زوجك عنده مشكله او شي مضايقه عشان كذا يفضي قهره فيكي ما اقول غير الله يهدي سركم ويريح قلبك ويسعدكم يارب والله يديم المحبه عليكم والله لايفرقكم يارب |
رد: شوروعلي كيف اتعامل مع زوجي والتغيرالمفاجئ
غريبه ..!
كيفك مع اهله? ترا فيه رجال لو اهله اللي اهم ويسووون اللي يسوون وهو يدري انهم غلط بس لاحد يجيب سيرتهم ولو مرته لاتعيبينهم ولاشي اذا ماعجبك لاتعلقين وكثيير سمعت الرجال لو غلط وجا يتودد على الفراش معناته يعتذر واحنا الحريم نفهمها قواية عين بس هو يعتذر فلاتصدينه لانه ماعنده الا هالطريقه والا بعدين بيسفط عليك ولاحتى يجيك الله يهدي بالكم تحصني وشغلي قران بالبيت كل يوم |
رد: شوروعلي كيف اتعامل مع زوجي والتغيرالمفاجئ
اكثري من الصدقة والاستغفار
|
رد: شوروعلي كيف اتعامل مع زوجي والتغيرالمفاجئ
خلك رقيقة معاه وطيووووبة ولا كانو قالك شئ معلش تعالي علي نفسك
هالمرة لانك انتي بالاخير اللي حتستفادي عشان لو حد منهم محرشو عليك او قايلينلو شئ مايصدقو الرجل كالطفل يصدق اللي يشوفو ولا تجيبي سيرتهم بالشين ابدااا قدامو امدحيهم حتي لو غصب عنك وحاولي ترضي حماتك عنك بهدايا او كلام حلو في اتصال عشان هو يرضي عنك ويتبسط اما اخواتو ونسوان اخوه عامليهم بالمثل حبيبتي مايهمك واساسا الغيرة هي اللي تسبب المشاكل دي غيرة الحريم اقصد. والله يهديه لك ويسخرو يارب وماتنسي انك فالنهاية بتعاملي ربك الله يرضي عليكي. |
رد: شوروعلي كيف اتعامل مع زوجي والتغيرالمفاجئ
ر الله يهدي سركم ويريح قلبك
ويسعدكم يارب والله يديم المحبه عليكم والله لايفرقكم يارب |
رد: شوروعلي كيف اتعامل مع زوجي والتغيرالمفاجئ
اهلين حبايبي مشكورين ع الردود والدعوات والنصايح الله يجزاكم خيروالله ونستوني بس اللي محيرني تغيرزوجي مفاجئ والله ماكان كذاكنت عايشه معه ملكه مااطلب شي يجيب قبل لااطلب وماينقصني شي كنت اناوعيالي احسن واكشخ من حريم اخوانه ومن خواته كلن يتكلم فيني ويمدحوون لبسي وكشختي وعيالي نفس الحكايه وبيتي احسن ببيت ببيووت اخوانه يعني بختصاركنت انا اللي مدلعه وواضح الدلع علي وعلى عيالي كانوحريم اخوانه يطلبوون وياخذوون مني بس مااطلب منهم شي لويشوفني طالبه منهم حاجه ع طوول بنفس اليووم يروح يجيبهالي بس مدري وش اللي غيره فجأءه كذا اتووقع متأثربكلام اهله لانه تغيرموطبيعي بس الله يهديه {ملاحظه لاتقولون كنت متكبره والاشايفه نفسي لاوالله العظيم ماني متكبره ولابعمري شفت نفسي على احد ولاامدح نفسي اذشفت احداقل مني اتواضع معه ولاامدح واتكلم عن اي شي ماحسس اللي قدامي اني احسن منه والله مومدح بنفسي بس هذاطبعي}
|
| الساعة الآن 07:12 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .