منتديات حوامل النسائية - عملت الكانيلوني ولأول مرة وبالصور

يا سلام عليا يا سلاااااااااااااااااااااام

لأول مرة من قبل الجواز وبعد الجواز أعمل الكانيلوني

وإليكم طريقتي اللي عملته بيها

المقادير

1.5 كوب دقيق
1 كوب زيت
3 بيضات
1 كوب لبن.
ملح
فلفل أسمر

الطريقة

ضربت كل المكونات في الخلاط ماعدا الدقيق
وضيفت المكونات كلها على الدقيق وبدأت بالعجن
العجينة هاتبقى شبه سايلة " يعني لا خفيفة قوي ولا تقيلة قوي "
نجيب طاسة تيفال وندهنها بسيط بالسمن او الزيت
ونبدأ بالكبشة نحط شوية من العجينة بحيث تفرش في الطاسة كلها وتبقى طبقة خفيف نسيبها شوية بسيطة وننقلها على الوش التاني حتى يصير لونها ذهبي
وهكذا لحد مانخلص العجين كلها
نبدأ بقى في تجهيز الحشو
انا حشيت جزء تونة و جزء جبنة بالبقدونس والزيتون

بعد ما تحشيها وتلفيها
تجيبي صينية على قد وحدات الكانيلوني تدهنيها وترصيه فيها ومن فوق ترشي عليها شوية صلصة وجبنة رومي مبشورة
حطيها في الفرن
وإدعيلي بقى لما تطلع وتاكليها بألف هنا

أنا عملت معاها بطاطس محمرة و أرز بالكاري وسلطة زبادي
وعملت طبق ولا أطباق المطاعم
جوزي كان قرب ياكل الطبق نفسه hwaml03

شوفو الصور بقى عشان أفتح نفسكم وتعملوه