|
افضل جراح اطفال في جدة او المدينة خاص او حكومي .. افيدوني
السلااام عليكم ورحمة الله وبركاته
كيفكم يا حلوااات .. كونت بسأل مين تعرف او جربت دكتور اطفال مختص بالجراحة في موضوع الخصيه ولدي عنده وحده بس والتانيه يقولو ممكن موجوده وممكن لا بديت في الموضوع مع الولاده والاطفال في المدينة وعملوله سونار ومابينت وطلبو رنين مغناطيسي ومره يتمطعو الدكتوره مره ماخده اجازه ومره ماجات ولازم قبل عمر السنة يحددولي وضعه وحدين دوبه دخل الثامن فقلت اروح لغيرهم بس محتاره لقت فالنت بيمدحو ياسر جمال فمستشفى جامعة الملك وعنده عياده في عرفان بس تخوف والله من كتر اللي بنسمعه عنهمhwaml15 فـ اللي تعرف دكنور كويس فجدة او المدينة تدلني وما حنساها من دعوة في السفر لاني رايحه جيه مابين جدة والمدينةhwaml53 وربنا يشفي مرضانا ومرضى المسلمين يا رب.. |
رد: افضل جراح اطفال في جدة او المدينة خاص او حكومي .. افيدوني
بنات دوبي اتصلت على فقيه طلع ياسر جمال عندهم بس عيادته الثلاثاء بس
وفي دكتور تاني جراح كمانه اسمه احمد مشموشي اعتقد كذا قالت اللي جربت اي واحد لا تبخل علي ربنا يسعدكم |
رد: افضل جراح اطفال في جدة او المدينة خاص او حكومي .. افيدوني
هلا حبيبتي انا انصحك نصيحه
الدكتور ياسر جمال ماشاءالله عليه انا ولدي سويت له عمليه فتاق سره واربي في الخصيه وكان عمره شهرين وكنت ميته خوف عليه بس الحمدلله والخياطه تجميليه ليزر عشان كذا انصحك بيه والله يسهله يارب ويقومه بالسلامه |
رد: افضل جراح اطفال في جدة او المدينة خاص او حكومي .. افيدوني
هلا حبيبتي مهره
ايوه ماشاءالله عليه يده بلسم رحتله امس والحمدلله طمني قالي عنده خصيه بس رايحه للخلف شوي ويحتاج غالبا منظار بس حنستنى عليه لمن يكمل السنة وحاليا طلب سونار بس عشان يطمن اكتر ربنا يشفيه ومرضى المسلمين الدكتور يجي يوميا من 10-12 المساء لازم حجز او على الاقل تتصلي تحطي الاسم ورقم الجوال الكشف 300 ريال وبيعمل طهاره تقريبا كان كل اللي فالانتظار جايين يطهرو بزورتهم عنده |
رد: افضل جراح اطفال في جدة او المدينة خاص او حكومي .. افيدوني
الله يشفيه يارب
ومايشوف شر حبيبتي والله يسهلكم أموركم يارب |
| الساعة الآن 08:10 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .