|
مرحباً . طلبتكم تساعدوني
السلام عليكم رحمة الله و بركاته
حبيباتي ممكن تفيدوني بطريقة الرضاعة و الوجبات لعيالي تقريبا الحينة دخلوا الشهر السابع بس مش عارفة طريقة الوجبات و شو اعطيهم و كيفية التحضير .. بليز ساعدوني و ابي أزيد شي ان أطفالي ان ولدوا حدج بالاسبوع 34 يعني بالأساس ياد وب داخلين الخامس الحينة لو ان ولدوا بوقتهم |
رد: مرحباً . طلبتكم تساعدوني
انا زيك وربي
لان نومها ملخبط مني عارفة كيف انظم اكلها ولا اعرف ايش اديها انشالله الاخوات يساعدوناا |
رد: مرحباً . طلبتكم تساعدوني
انا اعطيه اول مايصحى اعطيه حليب وسيرلاك
https://encrypted-tbn0.gstatic.com/i...kv7xNwldrVdQp_ والظهر اعطي خضار مسلوق واهرسه له https://encrypted-tbn1.gstatic.com/i...Rx76IZeML3fgGk واعطي عصير برتقال https://encrypted-tbn1.gstatic.com/i...2DaZL0CojDYezg وكمان اعطي منقوع تمر https://encrypted-tbn0.gstatic.com/i...Gp3GFPEVvVBrCk بالليل اعطي رز مصريومسلوق سلق ومهروس https://encrypted-tbn0.gstatic.com/i...2ZIxPhTgPQj_Zr وقبل ماينام اعطي سيرلاك بالفواكه http://www.the-superbasket.com/uploads/1302719009.jpg طبعا اعطي كذا رضاعه حليب بين الوجبات اتمنى افدكم |
رد: مرحباً . طلبتكم تساعدوني
دام بعدهم صغار وسبقوا وقتهم عطيهم شي خفيف يعني لا تكثري عليهم بالوجبات عشان ما يجيهم إمساك أو إسهال مثلا جيبي تفاحتين أو تفاحه وموز وإسلقيها بالماي بس التفاحه إلي تنسلق الموز لأ وخليها خلال خمس دقايق و بعدين إخلطيهم بالماي مع شوية ماي وأعطيهم إياه دافي.. وبعد سوي رضاعة حليب يعني توصل ل 200 مل ماي و6 ملاعق بودرة الحليب وحطي داخله بسكويت الاطفال حطي حبتبن كسريها داخل الرضاعه وخضيها والبسكويت بيذوب داخل وبعد لو تبين عطيهم سيريلاك بالأرز لإنه هو أخف شي لمعدتهم وبعد عندج عصير برتقال ها ضروري لإنه يساعد وااايد بعلاج الإمساك جيبي حبة برتقاله وحطيها بالخلاط طبعا بعد ما تزيلي قشره والحبوب وضيفي عليه ماي بس مب وايد شوي بس لما تشوفيه صار عصير وينخلط بسهوله بالخلاط.. وبعد عصير موز تيبي حبة وحده وتحطيها بالخلاط وحطي معاه شوي حليب عشان يسهل خلطه ويكون خفيف عليهم وبعد عصير جزر وااايد مفيد والخضار المسلوقه بس بعدي ما جربتها.. وأنا أنصحج تعطيهم وجبه أو وجبتبن باليوم وأفضل وجبه لإنهم اصغر من عمرهم وطبعا العصير ما يعد وجبه يعني إذا عطيتيهم وجبه سويلهم العصير بعد ربع ساعه وافضل عصير البرتقال وبالنسبه للبسكويت إلي تحطينه بالحليب يكون من ضمن الحليب ماله دخل بالوجبات إلا إذا خلطيه بماي دافي وسويتيه نفس السيرلاك راح يكون وجبه وإسمه بسكويت الأطفال دايتيربا...
|
رد: مرحباً . طلبتكم تساعدوني
انا بكريه بس المنتدى مره فادني + الكتب الاول اسمه الاغذية المثالية للرضع والاطفال سارة لويس الثاني 100 وصفه لزياده ذكاء الاطفال بس ناسيه المؤلف لانه فبيتي
اول استشيري دكتور بما انهم خدج اول شي تبدئي بملعقة اكل مره وحده فاليوم وبعدين مرتين فاليوم وبعدين ثلاث مرات الملعقه دي تعتبر وجبه افضل شي تبد~ي بالرز المسلوق وتخلطيه فالخلاط يصير سايل بعد الرز تبدأ الخضار البطاطس ووالجزر والكوسا والقرع العسلي كل نوع ثلاثه ايام عشان تشوفي لو سببلهم حساسية بعد كذا تخلطي الانواع وممكن تضيفي الرز المويه من بعد الخامس ضروووريه وممكن تديله عصيرات طبيعيه مخففه زي التفاح والجزر وقريت البرتقال مو طيب للاطفال قبل السنة بعد ما تخلصي الخضار تبدأي فالفواكه التفاح المسلوق والكمثرى والشوفان مره مفيد بس انا ولدي ماتقبله مره فصرت اخلصطه مع ملقعه من التفاحه المسلوق وشوي تقبله دا اللي في بالي حاليا ولو افتكرت شي حرجع لك |
رد: مرحباً . طلبتكم تساعدوني
ما فيه نظام محدد لااازم تمشين عليه.. فيه أكثر من نظام وكل أم تتبع الأسلوب الي تقتنع فيه وترتاح له.
أنا بالنسبة لي بديت معاه من الشهر السادس. بديت معاه بالخضروات المسلوقة المهروسة. تالي الفواكه المهروسة (بدون سلق) تالي دخلت له السيريلاك تالي دخلت المواد النشوية (الرز والشوفان) ومؤخراً دخلت له اللحوم والحبوب |
رد: مرحباً . طلبتكم تساعدوني
حبايبي مشكورين استفدت منكم وايد تسلمون
راح اجرب لهم شوي شوي عشان اعرف شو الي تقبلوه اكثر |
| الساعة الآن 07:42 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .